Денсаулық сақтау жаңалықтары

Жаз мезгіліндегі аптап ыстық жүрек пен қан тамырларына қосымша жүктеме түсіреді. Әсіресе артериялық гипертония, жүректің ишемиялық ауруы, жүрек жеткіліксіздігі және қант диабетімен ауыратын адамдар үшін жоғары температура денсаулыққа қауіп төндіруі мүмкін.

Ыстық ауа райында қандай қауіптер болуы мүмкін?

Қан қысымының көтерілуі немесе күрт төмендеуі;

Жүрек соғысының жиілеуі;

Ағзаның сусыздануы;

Бас айналу, әлсіздік, естен тану;

Инфаркт пен инсульт қаупінің артуы.

Өзіңізді қалай қорғауға болады?

Күннің ең ыстық уақытында (11:00–17:00) сыртта ұзақ жүрмеуге тырысыңыз;

Күні бойы жеткілікті мөлшерде таза су ішіңіз (дәрігердің арнайы шектеуі болмаса);

Ашық түсті, жеңіл әрі табиғи матадан тігілген киім киіңіз;

Күннен қорғайтын бас киім қолданыңыз;

Ауыр дене еңбегі мен қарқынды жаттығуларды таңертең немесе кешкі уақытқа жоспарлаңыз;

Дәрігер тағайындаған дәрілерді уақытында қабылдаңыз және өз бетіңізше тоқтатпаңыз;

Қан қысымын тұрақты бақылап отырыңыз.

Дереу дәрігерге қаралыңыз немесе жедел жәрдем шақырыңыз, егер:

Кеуде тұсы қатты ауырса;

Ентігу күшейсе;

Қан қысымы қатты көтерілсе немесе төмендесе;

Бас айналып, есінен тану байқалса;

Жүрек қағысы қатты жиілеп немесе ырғақсыз соқса.

Жүрек саулығы – ұзақ өмірдің кепілі. Аптап ыстық күндері өз денсаулығыңызға мұқият болып, қауіпсіздік шараларын сақтаңыз!