Рубрика: МӘМС

Қазақстандағы МӘМС моделі бірегей. Еліміздегі медициналық сақтандыру жүйесі терапевтке қаралудан бастап, озық операциялар мен қажетті дәрі-дәрмектерге дейінгі медициналық көмектің шектеусіз тізбегін алуға мүмкіндік береді.

Әлемдік практикада әдетте екі сценарийдің бірі басым: сақтандырумен кепілдендірілген медициналық көмек тізбегі не қатаң шектеледі, не кең ауқымды кепілдік пациент тарапынан ішінара қосымша төлем жасауды көздейді. Біздің жүйе бастапқы медициналық көмектен бастап, кардиохирургия, нейрохирургия немесе буындарды ауыстыру сияқты жоғары технологиялық операциялар мен технологияларға дейінгі қолжетімді медициналық көмек принципін қамтамасыз етіп, кедергіні сәтті еңсереді.

Толығырақ білу үшін карточкаларды парақтаңыз.

#ӘМСҚЖАМБЫЛ #МӘМСЖАМБЫЛ

Сіз аударған жарна қайда жұмсалады? ТМККК мен МӘМС пакетіне не кіреді? Кім және қанша төлейді? Қажетті тексеруден немесе емнен қалай өтуге болады? Егер сізге медициналық көмек көрсетуден бас тартса немесе оның ақысын төлеуді ұсынса, не істеу керек?

Жүйенің қалай жұмыс істейтінін және өз құқықтарыңызды қорғау үшін қайда жүгіну керегін түсіндіреміз.

Материалды Қор сайтынан (msqory.kz) оқи аласыз.

Егер материалды оқып шыққаннан кейін сұрақ қалса, біздің сайтта «МӘМС-гид» нұсқаулық бөлімі бар. Ал «Өтініш беру» сервисі арқылы Қорға тікелей жүгіне аласыз.

#МӘМСЖАМБЫЛ #ӘМСҚЖАМБЫЛ

1 қазан – Халықаралық қарттар күніне орай Әлеуметтік медициналық сақтандыру қорының Жамбыл облысы бойынша филиалы облыстық №2 Арнаулы әлеуметтік қызметтер ұсыну орталығында (Қарттар үйі) «Денсаулық аралы» акциясын өткізді.

Акцияның мақсаты – қарттардың денсаулығына көңіл бөлу, медициналық мәселелері бойынша кеңес беру және олардың денсаулыққа қатысты сауалдарына жауап беру.

Іс-шара барысында №2 қалалық емхананың невропатолог, дерматолог, психолог және эндокринолог дәрігерлері орталық тұрғындарына медициналық кеңес беріп, денсаулық жағдайына қатысты сұрақтарына жауап берді.

Қариялар мамандарға өздерін толғандырған сауалдарын қойып, қажетті кеңестер алды. Іс-шара соңында ақ баталарын беріп, ұйымдастырушыларға алғыстарын білдірді.

Қарттарға қамқорлық көрсету, олардың денсаулығы мен әл-ауқатына көңіл бөлу – қоғамның маңызды міндеттерінің бірі.

Іс-шара барысында қарияларға ерекше көңіл бөлініп, оларға жылы лебіздер мен ізгі тілектер айтылды.

#МӘМСЖАМБЫЛ #ОСМСЖАМБЫЛ

Сіз кейбір азаматтар үшін МӘМС жарналарын мемлекет толық төлейтінін білесіз бе? Яғни сіз жұмыс істемесеңіз де және жарнаны өзіңіз төлемесеңіз де, медициналық көмекке қол жеткізе аласыз деген сөз.

Карусельде біз қысқаша түсіндірдік:

— жеңілдік санаттарына кімдер жатады;

— кімдер үшін жарнаны республикалық бюджет төлейді;

— кімдер үшін жергілікті бюджет төлейді;

— және неге Қор жеңілдік санаттарының тізімін өзі қалыптастырмайды.

Егер өзіңізді осы санаттардың бірінен тапсаңыз – демек, сіз МӘМС жүйесінде сақтандырылғансыз және медициналық қызметтерді тегін ала аласыз.

Слайдтарды парақтап, сақтап қойыңыз.

#МӘМСЖАМБЫЛ #ӘМСҚЖАМБЫЛ

Медициналық ұйымдардың жұмысын ұйымдастыру, оларды мамандармен, дәрі-дәрмекпен және материалдық-техникалық қажеттіліктермен қамтамасыз ету медициналық ұйым басшылығының және өңірлік денсаулық сақтау басқармасының жауапкершілігінде.

Бұл ретте Қор ТМККК мен МӘМС шеңберінде медициналық көмекті сатып алады және төлем жасайды, келісімшарттағы міндеттемелердің орындалуын бақылайды және негіз болған жағдайда жеткізушілерге жоспардан тыс мониторинг жүргізеді.

МӘМС мемлекеттің, жұмыс берушілердің және азаматтардың ынтымақты жауапкершілігі қағидаттары негізінде жұмыс істейтінін түсіну маңызды. Жарналар адамның жеке шотында жинақталмайды. Жүйенің жалпы қаражаты есебінен пациент қажет болған жағдайда құны өзі төлеген жарнаның жалпы сомасынан едәуір асатын ем ала алады.

Сондай-ақ МӘМС жүйесі көрсетілімдер бойынша және белгіленген маршрутқа сәйкес қажетті медициналық көмек алуға кепілдік береді. Кезектілік жағдайдың шұғылдығына байланысты: шұғыл көмек дереу, ал жоспарлы көмек белгіленген тәртіппен көрсетіледі.

Қазақстандықтар әлеуметтік желіде және Қорға тікелей жолдаған өтініштерде жиі көтеретін кейстерді талдаймыз.

#МӘМСЖАМБЫЛ #ОСМСЖАМБЫЛ

учаскелік дәрігер болмаса, оған жазыла алмасаңыз немесе сізді қабылдаудан бас тартса;

аумақтық принцип бойынша емханаға тіркелген болсаңыз да, учаскелік дәрігер/медбике немесе фельдшер медициналық көрсеткіштеріңіз бола тұра үйге шақыртуыңызға бармаса;

бейінді маманның кеңесіне жазыла алмасаңыз, маман болмаса немесе оған бір айдан кейін жазылыңыз десе;

медициналық көрсеткіштеріңіз бойынша тиісті диагностикалық немесе зертханалық қызметтерге жолдама берілмесе;

жүргізілген тексерістің нәтижелерімен сізді таныстырмаса;

диагноздың немесе тағайындалған емнің дұрыстығына күмәндансаңыз;

көрсетілген медициналық көмектің сапасына көңіліңіз толмаса;

дәрігер қабылдау кезінде дөрекілік танытса немесе өзін талапқа сай ұстамаса;

өзіңіздің медициналық жазбаларыңызда қате деректерді немесе жазбаларды анықтасаңыз;

жалпы медицина қызметкерлері мен медициналық ұйымның қызмет көрсету сапасына көңіліңіз толмаса.

Пациенттерді қолдау қызметі – «осында және қазір» көмек көрсету.

#МӘМСЖАМБЫЛ #ӘМСҚЖАМБЫЛ