Автор: gpshu

Білікті дәрігер Нурбаева Айгерім Джасузаковна

Posted on by gpshu
Нурбаева Айгерім Джасузаковна – білікті дәрігер, денсаулық сақтау саласында көп жылдық тәжірибесі бар маман.
2009 жылы Қазақстан–Ресей медициналық университетіне түсіп, «Медициналық іс» мамандығы бойынша білім алды. 2010 жылы интернатураны тәмамдап, интерн-дәрігер біліктілігін иеленді.
Еңбек жолын 2011 жылы Алматы қаласындағы №9 емханада учаскелік дәрігер және күндізгі стационар дәрігері қызметтерінен бастады. Өзінің кәсіби қызметі барысында пациенттерге сапалы медициналық көмек көрсетіп, тәжірибесін шыңдап, жоғары кәсіби біліктілігін қалыптастырды.
2022 жылы Шу қалалық емханасына аймақтық дәрігер болып жұмысқа қабылданды. Қызмет барысында ұйымдастырушылық қабілеті мен кәсіби шеберлігін көрсетіп, ұжым арасында беделге ие болды. Қазіргі таңда Шу қалалық емханасының терапия бөлімінің меңгерушісі қызметін атқарады.
Айгерім Джасузаковнаның жалпы еңбек өтілі – 11 жыл. Ол өз ісіне жауапкершілікпен қарайтын, медицина саласының дамуына үлес қосып жүрген тәжірибелі маман ретінде танымал.

Медицина қызметкерлері күніне арналған мерекелік іс-шара

Posted on by gpshu
Шу қалалық емханасында Медицина қызметкерлері күніне арналған салтанатты мерекелік іс-шара өтті.
Салтанатты шара барысында Шу қалалық емханасының бас дәрігері Гаухар Меркибековна Инкарбекова сөз сөйлеп, медицина қызметкерлерін кәсіби мерекелерімен шын жүректен құттықтады. Ол өз сөзінде адам өмірі мен денсаулығын сақтаудағы дәрігерлер мен орта буын медицина қызметкерлерінің еңбегі ерекше екенін атап өтіп, халыққа сапалы медициналық қызмет көрсетудегі жауапты да қажырлы еңбектері үшін алғысын білдірді.
Сонымен қатар бас дәрігер ұжымның денсаулық сақтау саласын дамытуға қосып жүрген үлесін жоғары бағалап, медицина қызметкерлеріне зор денсаулық, отбасыларына амандық, қызметтеріне табыс пен кәсіби жетістіктер тіледі.
Медицина қызметкерлері күніне арналған бұл кездесу ақ халатты абзал жандардың қоғамдағы маңызды рөлін тағы бір мәрте айшықтап, олардың еңбегіне деген құрметтің белгісі болды.

Медицина қызметкерлері күніне орай марапаттар табысталды

Posted on by gpshu

Бүгін Медицина қызметкерлері күніне арналған салтанатты жиында денсаулық сақтау саласының дамуына қосқан елеулі үлесі, кәсіби біліктілігі мен халық денсаулығын сақтау жолындағы адал еңбегі үшін Шу қалалық емханасының бірқатар дәрігерлері марапатталды.

Атап айтқанда:

🏅 Терапевт дәрігер Айгерім Жасұзаққызы Нұрбаева – Шу ауданы әкімінің Құрмет грамотасымен»;

🏅 Хирург дәрігер Раим Расулұлы Ширинов – Шу ауданы әкімінің Алғыс хатымен;

🏅 Хирург дәрігер Жәнібек Жеңісұлы Жеңіс – Шу ауданының Құрмет грамотасымен;

🏅 Травматолог дәрігер Нұрқиса Тресұлы Ілес – Шу ауданы әкімінің Алғыс хатымен марапатталды.

Шу қалалық емханасының ұжымы әріптестерімізді жоғары марапаттарымен шын жүректен құттықтай отырып, жауапты қызметтеріне толағай табыс, мықты денсаулық, отбасыларына амандық және ел игілігі жолындағы еңбектеріне жаңа жетістіктер тілейді!

Мереке құтты болсын!

ҚУЫҚ АСТЫ БЕЗІ ОБЫРЫ: ЕРТЕ АНЫҚТАУ – ӨМІРДІ САҚТАУДЫҢ КЕПІЛІ

Posted on by gpshu
Қуық асты безі обыры (простата обыры) – ер адамдар арасында жиі кездесетін қатерлі ісіктердің бірі. Бұл ауру негізінен 50 жастан асқан азаматтарда кездеседі және көптеген жағдайда бастапқы кезеңдерде ешқандай белгілерсіз дамиды. Сондықтан дер кезінде тексеруден өту ауруды ерте анықтап, тиімді ем қабылдауға мүмкіндік береді.
Қуық асты безі – ер адамның ұрпақ өрбіту жүйесінің маңызды мүшесі. Ол қуықтың астында орналасып, шәует сұйықтығының құрамына кіретін секрет бөледі. Осы без жасушаларының бақылаусыз көбеюі нәтижесінде қатерлі ісік пайда болуы мүмкін.
Қуық асты безі обырының даму қаупін арттыратын негізгі факторларға егде жас, тұқым қуалаушылық, дұрыс тамақтанбау, артық салмақ, зиянды әдеттер және қозғалыс белсенділігінің төмендігі жатады.
Аурудың бастапқы кезеңінде көбіне ешқандай шағым болмайды. Алайда ісік ұлғайған сайын келесі белгілер байқалуы мүмкін:
зәр шығарудың қиындауы;
жиі дәретке бару, әсіресе түнгі уақытта;
зәр шығару кезінде ауырсыну немесе ашыту сезімі;
зәрде немесе шәуетте қанның пайда болуы;
бел, жамбас немесе сүйектердегі ауырсыну;
жалпы әлсіздік пен салмақ жоғалту.
Қуық асты безі обырын анықтаудың негізгі әдістеріне дәрігердің тексеруі, қандағы ПСА (простатоспецификалық антиген) деңгейін анықтау, ультрадыбыстық зерттеу және қажет болған жағдайда биопсия жатады.
Дәрігерлер 50 жастан асқан барлық ер азаматтарға, ал тұқым қуалаушылық қаупі бар адамдарға 45 жастан бастап профилактикалық тексеруден тұрақты түрде өтуге кеңес береді.
Аурудың алдын алу үшін салауатты өмір салтын ұстану, дұрыс тамақтану, дене белсенділігін арттыру, темекі мен алкогольден бас тарту және дәрігерге уақтылы қаралу маңызды.
Құрметті ер азаматтар! Өз денсаулығыңызға бейжай қарамаңыз. Қуық асты безі обыры ерте анықталған жағдайда тиімді емделеді. Уақытылы тексеруден өту – өз өміріңіз бен денсаулығыңызды сақтаудың ең сенімді жолы.

Қуық асты безі обырының алдын алу және ерте анықтау

Posted on by gpshu
🔹 Қуық асты безі обыры (простата обыры) – ер адамдар арасында жиі кездесетін қатерлі ісіктердің бірі. Бұл ауру қуықтың астында орналасқан және ұрық сұйықтығын өндіруге қатысатын қуық асты безінің жасушаларынан дамиды.
✅ Қауіп факторлары:
• 50 жастан асу;
• Тұқым қуалаушылық (отбасында осы аурудың болуы);
• Дұрыс тамақтанбау, майлы тағамдарды шамадан тыс тұтыну;
• Зиянды әдеттер;
• Қимыл-қозғалыстың аз болуы.
⚠️ Аурудың негізгі белгілері:
• Зәр шығарудың қиындауы немесе жиілеуі;
• Зәр шығару кезінде ауырсыну немесе ашыту сезімі;
• Зәрде немесе шәуетте қанның пайда болуы;
• Бел, жамбас немесе сүйектердегі ауырсыну;
• Жалпы әлсіздік пен салмақ жоғалту.
❗ Қуық асты безі обыры бастапқы кезеңдерде ешқандай белгі бермеуі мүмкін. Сондықтан ер адамдарға 50 жастан бастап, ал тұқым қуалаушылық қаупі бар азаматтарға 45 жастан бастап уролог дәрігердің тұрақты тексеруінен өту ұсынылады.
🩺 Ерте анықтау әдістері:
• Уролог дәрігердің тексеруі;
• PSA (простата-спецификалық антиген) қан талдауы;
• Ультрадыбыстық зерттеу;
• Қажет болған жағдайда қосымша диагностикалық тексерулер.
💚 Денсаулық – баға жетпес байлық. Уақытылы тексеруден өтіп, өз денсаулығыңызға жауапкершілікпен қараңыз!

Ішімдікке тәуелділік – денсаулыққа қауіпті дерт

Posted on by gpshu
Ішімдікке тәуелділік – адамның алкогольді ішімдіктерді үнемі және бақылаусыз тұтынуға әкелетін созылмалы ауруы. Бұл жағдай адамның физикалық және психикалық денсаулығына зиян келтіріп қана қоймай, отбасы мен қоғамдағы қарым-қатынасына да теріс әсер етеді.
Алкогольді шамадан тыс пайдалану бауыр, жүрек-қантамыр жүйесі, жүйке жүйесі ауруларының дамуына себеп болуы мүмкін. Сонымен қатар есте сақтау қабілетінің төмендеуі, күйзеліс, ашушаңдық және еңбекке қабілеттіліктің азаюы байқалады.
Ішімдікке тәуелділіктің алғашқы белгілері:
✅ Алкогольге жиі құмарлықтың пайда болуы;
✅ Ішімдік мөлшерін бақылаудың қиындауы;
✅ Алкоголь болмаған кезде мазасыздық сезіну;
✅ Отбасы мен жұмыс міндеттерін елемеу.
Тәуелділік емделеді. Уақытында маманға жүгіну адамның денсаулығын сақтауға және өмір сапасын жақсартуға көмектеседі.
Денсаулығыңызды күтіңіз! Қажет болған жағдайда емхана мамандарынан кеңес алуға болады

МӘМС бойынша кезекті штаб отырысы өтті

Posted on by gpshu
Жамбыл облысы әкімінің орынбасары Айжан Есмағамбетованың төрағалығымен халықты Міндетті әлеуметтік медициналық сақтандыру (МӘМС) жүйесіне тарту мәселелеріне арналған өңірлік штабтың кезекті отырысы өтті.
Жиынға Әлеуметтік медициналық сақтандыру қорының Жамбыл облысы бойынша филиалының директоры Ғайни Аймағанбетова, облыстық денсаулық сақтау басқармасы басшысының орынбасары Лаура Отарбаева, Тараз қаласындағы мемлекеттік мекемелердің басшылары мен өкілдері, сондай-ақ аудан әкімдерінің орынбасарлары мен денсаулық сақтау ұйымдарының жетекшілері онлайн форматта қатысты.
Отырыста Қор филиалының директоры Ғайни Аймағанбетова өңірдегі МӘМС жүйесінің қазіргі ахуалы мен халықты сақтандыру бағытында атқарылып жатқан жұмыстар туралы баяндама жасады.
Оның айтуынша, бүгінде облыста 980 965 адам сақтандырылған. Бұл өңір халқының 83,5 пайызын құрайды. Ал сақтандырылмаған азаматтар саны 193 268 адамға жеткен. Сақтандырылмағандардың басым бөлігі Қордай, Меркі, Шу, Жуалы аудандары мен Тараз қаласында тіркелген.
– Облыс бойынша сақтандырылмаған азаматтар жұмыс істейтін ТОП-100 мекеменің тізімі жасалды. Талдау нәтижесінде маусымдық жұмысшылар, ақысыз еңбек демалысына шыққан қызметкерлер және білім саласындағы еңбек демалысындағы мамандар үшін әлеуметтік төлемдердің уақытылы аударылмауы олардың МӘМС жүйесіндегі мәртебесінен айырылуына себеп болғаны анықталды, – деді филиал басшысы.
Осыған байланысты Айжан Есмағамбетова жұмыс берушілерге қызметкерлер үшін әлеуметтік төлемдерді уақытылы аударудың маңыздылығын атап өтіп, мекеме басшыларымен түсіндіру жұмыстарын жүргізуді, тұрақты мониторинг ұйымдастыруды және атқарылған жұмыстар туралы Қор филиалына ақпарат беруді тапсырды.
Сондай-ақ, Ғайни Аймағанбетова Жуалы ауданында жүргізілген зерделеу жұмыстарының нәтижесі туралы айтты. Оның айтуынша, аудан бойынша Қор құрылған уақыттан бері МӘМС жүйесіне бірде-бір төлем жасамаған 3 133 азамат анықталған.
Жиын қорытындысында Айжан Есмағамбетова жергілікті атқарушы органдар жарна төлейтін D және E санатындағы, «Отбасы картасына» енгізілген азаматтардың нақты санын анықтауды тапсырды. Сонымен қатар, аудан әкімдірінің орынбасарларына ТОП-100 мекеме қызметкерлерімен және МӘМС жүйесіне мүлде төлем жасамаған азаматтармен жұмысты күшейтуді және жеке кісіпкер болып тіркелген, алайда, уақытылы жарнамаларды төлемеген азаматтарды анықтап, олардың тізімін Салық органдарына берді тапсырды.
Айжан Серікбайқызы өңірлік штаб отырысында берілген тапсырмалардың орындалу барысы бір айдан кейін қайта қаралатынын айтты. Осыған орай аудан әкімдерінің орынбасарларына шілде айына дейін толық зерделеу жұмыстарын жүргізу жүктеді.

Screenshot

ҚУЫҚАСТЫ БЕЗІ ОБЫРЫНЫҢ АЛДЫН АЛУ – ӘРБІР ЕР АЗАМАТ ҮШІН МАҢЫЗДЫ

Posted on by gpshu
15-25 маусым аралығында Қуықасты безі обырына қарсы күрестің дүниежүзілік күніне орай Ерлер денсаулығы онкүндігі өткізіледі.
Қуықасты безі обыры – ер адамдар арасында жиі кездесетін қатерлі ісіктердің бірі. Аурудың бастапқы кезеңінде айқын белгілері болмауы мүмкін. Сондықтан дер кезінде тексеруден өту қатерлі ісікті ерте анықтап, тиімді ем жүргізуге мүмкіндік береді.
Қауіп факторлары:
🔹 50 жастан асу;
🔹 Тұқым қуалаушылық;
🔹 Дұрыс тамақтанбау;
🔹 Артық салмақ;
🔹 Қимыл-қозғалыстың аздығы;
🔹 Зиянды әдеттер.
Негізгі белгілері:
▪ Зәр шығарудың қиындауы;
▪ Жиі дәретке бару;
▪ Түнгі уақытта зәр шығарудың көбеюі;
▪ Зәр шығару кезінде ауырсыну немесе жайсыздық;
▪ Зәрде немесе шәуетте қанның пайда болуы.
Мұндай белгілер байқалған жағдайда дәрігерге қаралу қажет.
Денсаулықты сақтаудың ең тиімді жолы – профилактикалық тексерулерден уақытылы өту. Ерте анықталған аурудың ем нәтижесі әлдеқайда жоғары болады.
Құрметті ер азаматтар! Өз денсаулығыңызға жауапкершілікпен қарап, профилактикалық тексеруден өтуді кейінге қалдырмаңыз!

Есірткіге тәуелділік және оның зияны

Posted on by gpshu
Есірткіге тәуелділік – қазіргі қоғамдағы ең өзекті әрі қауіпті әлеуметтік мәселелердің бірі. Бұл тек жеке адамның денсаулығына ғана емес, оның отбасына, айналасына және жалпы қоғамға үлкен зиян келтіреді. Есірткі заттарын қолдану адамның жүйке жүйесін бұзып, психикалық және физикалық тәуелділікке алып келеді.
Ең алдымен, есірткі адамның денсаулығын қатты әлсіретеді. Ол бауыр, жүрек, өкпе сияқты маңызды мүшелердің жұмысын бұзады, иммунитетті төмендетеді. Уақыт өте келе адамда есте сақтау қабілеті нашарлап, ойлау жүйесі бұзылады. Сонымен қатар, психикалық ауытқулар, депрессия, агрессия сияқты жағдайлар жиі кездеседі.
Екіншіден, есірткіге тәуелді адам өз өмірін бақылаудан айырылады. Ол оқудан, жұмыстан, болашақ жоспарларынан қол үзіп, тек сол зиянды затқа тәуелді болып қалады. Бұл жағдай отбасындағы қарым-қатынастың бұзылуына, сенімнің жоғалуына әкеледі.
Үшіншіден, есірткі қылмыс деңгейінің артуына себеп болады. Тәуелді адамдар көп жағдайда есірткі сатып алу үшін заңсыз әрекеттерге барады. Бұл қоғамдағы қауіпсіздікке тікелей әсер етеді.
Сондықтан есірткіге тәуелділіктің алдын алу – әр адамның, отбасының және мемлекеттің ортақ міндеті. Жастарды салауатты өмір салтына баулу, спортқа және білімге қызығушылығын арттыру өте маңызды.

Оқырман сұрағына жауап

Posted on by gpshu

Мен мұғалім болып жұмыс істеймін және 56 күндік демалысым бар. Мәртебемді жоғалтпау үшін менің ұйымым МӘМС төлемін қалай төлеуі керек?

Ұзақтығы бір немесе бір күнтізбелік айдан асатын ақылы еңбек демалысы кезеңін қамтитын табысты есептеу (есептеу) кезінде аударымдар мен жарналар демалыс күндерінің санына барабар есептелген айлар бойынша бөлініп, демалыс кезеңін қамтитын табыстың біржолғы есептелген сомасынан аударылады.

Яғни, егер демалыс бірнеше айды қамтыса, төлемдерді МӘМС-ке тиісінше кезеңдер бойынша бөлу қажет.

Мысалы, қызметкер маусымның аяғынан тамыздың басына дейін демалыста болады. Бұл жағдайда бухгалтер төлемдерді бір емес, үш түрлі кезең үшін – маусым, шілде және тамыз айларындағы демалыс күндеріне пропорционалды түрде есептеп, төлеуі керек.