Автор: gpshu

Жамбыл облысына екі жылжымалы медициналық кешен жеткізілді

Posted on by gpshu
Жамбыл облысында шалғай елді мекен тұрғындарына медициналық көмектің қолжетімділігін арттыруға бағытталған жаңа жоба іске қосылды. Өңірге жалпы құны 1,1 млрд теңге болатын екі жылжымалы медициналық кешен сатып алынды.
Жобаны іске асыруға «Қазақстан халқына» қоғамдық қоры қаржылай қолдау көрсетті. Кешендердің үздіксіз жұмысын қамтамасыз ету үшін облыстық бюджеттен 55 млн теңге бөлініп, арнайы гараж салынды.
Салтанатты рәсімге облыс әкімі Ербол Қарашөкеев пен «Қазақстан халқына» қоғамдық қорының басқарма төрайымы Ләззат Шыңғысбаева қатысып, сөз сөйледі.
Аймақ басшысы өз сөзінде жаңа кешендердің бірі компьютерлік томография, екіншісі маммографиялық және ультрадыбыстық зерттеу жабдықтарымен қамтылғанын атап өтті. Мамандар заманауи медициналық көліктердің мүмкіндіктерін таныстырып, олардың шалғай елді мекендерге медициналық-диагностикалық қызметтерді жақындатудағы маңызын атап өтті.
Жылжымалы кешендер арқылы тұрғындар тұрғылықты жеріне жақын жерде заманауи тексерулерден өтіп, ауруларды, соның ішінде онкологиялық сырқаттарды ерте анықтауға мүмкіндік алады.
Жоба ауыл тұрғындарының сапалы медициналық көмекке қолжетімділігін арттырып, жоғары технологиялық диагностиканы халыққа барынша жақындатуға бағытталған.
Скрининг – сырқаттанбай тұрып, денсаулық жағдайын тексеру. Ол ауруды ерте кезеңде анықтауға және асқынулардың алдын алуға көмектеседі.
Айта кетерлігі, елімізде онкологиялық скринингтер МӘМС жүйесіндегі мәртебенің бар-жоғына қарамастан, барлық азаматтарға қолжетімді.
Денсаулығыңызды қорғаңыз – скринингтен уақытылы өтіңіз!

МЕКТЕП ОҚУШЫЛАРЫНЫҢ ЖАРАҚАТТАНУЫНЫҢ АЛДЫН АЛУ

Posted on by gpshu
Балалардың қауіпсіздігі – ата-ана, мектеп және қоғам үшін ортақ жауапкершілік. Мектеп жасындағы балалардың жарақат алуы көбіне абайсыздық, қауіпсіздік ережелерін сақтамау, жол қозғалысы талаптарын елемеу немесе ойын кезіндегі сақтықтың болмауынан орын алады.
🔹 Жарақаттың алдын алу үшін:
мектепте және үйде қауіпсіздік ережелерін сақтауға үйрету;
дене шынықтыру сабағында мұғалімнің нұсқауларын орындау;
баспалдақпен жүгірмеу, итерісіп ойнамау;
терезе, балкон және биік жерлерде сақ болу;
үшкір, өткір және қауіпті заттармен ойнамау;
ойын алаңдарында жас ерекшелігіне сәйкес құралдарды пайдалану;
жолдан тек белгіленген жерден өту және бағдаршам талаптарын сақтау;
велосипед, самокат тебу кезінде қауіпсіздік талаптарын орындау;
қыс мезгілінде мұзды жерлерде абай болу.
👨‍👩‍👧 Ата-аналарға:
Балаға қауіпсіздік ережелерін үнемі түсіндіріп, оның күнделікті әрекетіне назар аудару маңызды. Баланың жарақаттануының алдын алудың ең тиімді жолы – қауіптің алдын ала байқап, сақтық шараларын дер кезінде қолдану.
❗ Есіңізде болсын: баланың қауіпсіздігіне немқұрайлы қарамаңыз. Қарапайым сақтықтың өзі ауыр жарақаттың алдын алуы мүмкін.
Балаларымыздың дені сау, өмірі қауіпсіз болсын!

ОНКОЛОГИЧЕСКАЯ НАСТОРОЖЕННОСТЬ: ВОВРЕМЯ ЗАМЕТИТЬ — ЗНАЧИТ ВОВРЕМЯ ПОМОЧЬ

Posted on by gpshu
Онкологические заболевания относятся к числу серьезных проблем современного здравоохранения. Однако важно помнить: чем раньше заболевание выявлено, тем выше эффективность лечения и больше возможностей для сохранения здоровья и жизни человека.
Именно поэтому каждому человеку необходимо соблюдать онкологическую настороженность — внимательно относиться к изменениям в состоянии своего здоровья и своевременно обращаться к врачу.
На какие признаки следует обратить внимание?
🔹 появление уплотнений или припухлостей на теле;
🔹 длительно незаживающие раны и язвы;
🔹 изменение размера, формы или цвета родинок;
🔹 беспричинная потеря веса;
🔹 длительная слабость, повышенная утомляемость;
🔹 продолжительный кашель, осиплость голоса;
🔹 затруднение при глотании;
🔹 длительные нарушения работы кишечника или мочевыделительной системы;
🔹 необычные кровотечения или выделения;
🔹 боли, которые сохраняются длительное время и не имеют очевидной причины.
Важно! Наличие одного из перечисленных симптомов не означает, что у человека обязательно имеется онкологическое заболевание. Подобные признаки могут быть связаны и с другими заболеваниями. Однако их появление — повод не откладывать визит к врачу и пройти необходимое обследование.
Профилактика имеет большое значение
Для снижения риска развития онкологических заболеваний рекомендуется:
✅ отказаться от курения и ограничить употребление алкоголя;
✅ придерживаться здорового и сбалансированного питания;
✅ поддерживать физическую активность;
✅ контролировать массу тела;
✅ защищать кожу от чрезмерного воздействия солнечных лучей;
✅ регулярно проходить профилактические осмотры;
✅ своевременно участвовать в рекомендованных скрининговых обследованиях.
Особое значение имеет раннее выявление заболеваний. Регулярные профилактические обследования позволяют обнаружить некоторые виды рака еще на ранних стадиях, когда лечение может быть наиболее эффективным.
Не ждите, пока симптомы станут выраженными. Заботьтесь о своем здоровье сегодня.
Своевременное обращение к врачу, внимательное отношение к изменениям в организме и регулярные профилактические обследования — важные шаги на пути к сохранению здоровья.
Онкологическая настороженность — это не страх перед болезнью, а ответственное отношение к своему здоровью!

ОНКОЛОГИЯЛЫҚ САҚТЫҚ – ӨЗ ДЕНСАУЛЫҒЫҢЫЗҒА ЖАУАПКЕРШІЛІК

Posted on by gpshu
Онкологиялық аурулар – қазіргі таңда қоғам денсаулығына елеулі қауіп төндіретін аурулардың бірі. Алайда қатерлі ісікті ерте кезеңде анықтау арқылы емдеудің тиімділігін арттыруға және көптеген жағдайда науқастың өмірін сақтап қалуға болады.
Сондықтан әрбір адам онкологиялық сақтықты қалыптастыруы қажет.
Онкологиялық сақтық дегеніміз не?
Онкологиялық сақтық – қатерлі ісік ауруларының алғашқы белгілерін дер кезінде байқап, уақытылы медициналық көмекке жүгіну және профилактикалық тексерулерден тұрақты өту.
Өз денсаулығыңызға мұқият болыңыз!
Келесі белгілер байқалған жағдайда міндетті түрде дәрігерге қаралыңыз:
🔹 дененің кез келген жерінде бұрын болмаған түйіннің немесе ісіктің пайда болуы;
🔹 ұзақ уақыт жазылмайтын жаралар;
🔹 денедегі меңдер мен дақтардың көлемі, түсі немесе пішінінің өзгеруі;
🔹 себепсіз салмақ жоғалту;
🔹 ұзақ уақытқа созылатын әлсіздік пен шаршау;
🔹 ұзаққа созылған жөтел немесе дауыс қарлығуы;
🔹 жұтынудың қиындауы;
🔹 ішек немесе несеп шығару қызметінің ұзақ уақыт өзгеруі;
🔹 әдеттен тыс қан кетулер;
🔹 ұзақ уақыт сақталатын немесе күшейе түсетін ауырсынулар.
Аталған белгілердің болуы міндетті түрде онкологиялық ауру бар дегенді білдірмейді. Дегенмен, олардың себебін анықтау үшін дәрігерге уақытылы қаралу өте маңызды.
Қатерлі ісіктің алдын алу үшін не істеу керек?
✔️ Дұрыс және құнарлы тамақтану;
✔️ Темекі шегуден және алкогольді шамадан тыс пайдаланудан бас тарту;
✔️ Белсенді өмір салтын ұстану;
✔️ Дене салмағын қалыпты деңгейде ұстау;
✔️ Күн сәулесінің зиянды әсерінен сақтану;
✔️ Профилактикалық медициналық тексерулер мен скринингтерден уақытылы өту;
✔️ Дәрігердің ұсынымдарын орындау.
Ең бастысы – аурудың алғашқы белгілерін елемей, өзін-өзі емдеумен айналыспау қажет.
Ерте диагностика – тиімді емнің кепілі!
Денсаулығыңызды кейінге қалдырмаңыз. Уақытылы тексеруден өтіп, өзіңіз бен жақындарыңыздың денсаулығына жауапкершілікпен қараңыз!
Есіңізде болсын: қатерлі ісікті ерте анықтау – өмірді сақтаудың маңызды қадамы!

Мектеп оқушыларының жарақаттануының алдын алу

Posted on by gpshu
Балалардың денсаулығы мен қауіпсіздігі – баршамызға ортақ жауапкершілік. Мектеп жасындағы балалар арасында жарақаттану көбіне жол-көлік оқиғалары, спорттық жаттығулар, ойын кезіндегі абайсыздық, тұрмыстық қауіпсіздік ережелерін сақтамау салдарынан орын алады.
🛡️ Жарақаттанудың алдын алу үшін:
🔹 Жолда қауіпсіздік сақтаңыз.
Жолды тек жаяу жүргіншілер өткелімен және бағдаршамның рұқсат етілген түсіне өткен жөн. Жол бойында телефонға алаңдамау және құлаққаппен жүрмеу маңызды.
🔹 Мектепте сақ болыңыз.
Дәлізде жүгірмеу, баспалдақпен асықпай жүру, терезе маңында және қауіпті жерлерде ойнамау қажет.
🔹 Спортпен айналысқанда қауіпсіздік ережесін сақтаңыз.
Жаттығу алдында міндетті түрде денені қыздыру, спорттық құралдарды дұрыс пайдалану және жаттықтырушының нұсқауын орындау керек.
🔹 Ойын кезінде абай болыңыз.
Итерісіп, төбелесіп ойнау, қауіпті жерлерге шығу және жарақат әкелуі мүмкін ойындарға қатысуға болмайды.
🔹 Үйде қауіпсіздікке мән беріңіз.
Электр құралдарын, өткір заттарды, дәрі-дәрмектерді және басқа да қауіпті заттарды рұқсатсыз пайдаланбаңыз.
👨‍👩‍👧 Ата-аналарға:
Балаларға қауіпсіздік ережелерін үнемі түсіндіріп, өзіңіз де қауіпсіз мінез-құлықтың үлгісін көрсетіңіз. Баланың қайда және кіммен ойнайтынына, спортпен шұғылдану кезіндегі қауіпсіздігіне назар аударыңыз.
⚠️ Есте сақтаңыз: жарақаттың алдын алу – оны емдеуден әлдеқайда тиімді. Қарапайым қауіпсіздік ережелерін сақтау баланың өмірі мен денсаулығын қорғауға көмектеседі.
Балаларымыздың қауіпсіздігіне бірге жауапты болайық! 💙

Медициналық ұйымға бардыңыз ба?

Posted on by gpshu
Барғаныңызды Qalqan QR-коды арқылы растаңыз.
Қалай жасауға болады?
Барлық қадамды видеодан көріңіз! 🎥
#МӘМСЖАМБЫЛ #ӘМСҚЖАМБЫЛ

ЕМХАНА ҰЖЫМЫ СЕНБІЛІККЕ БЕЛСЕНЕ АТСАЛЫСТЫ

Posted on by gpshu
Мемлекет басшысының тапсырмасымен іске асырылып жатқан «Таза Қазақстан» республикалық экологиялық акциясы аясында, сондай-ақ облыстық мәслихаттың 2025 жылғы 17 қаңтардағы №21-3 шешімімен бекітілген 2030 жылға дейін «Таза Қазақстан» экологиялық акциясын іске асыру жөніндегі тапсырмасын орындау шеңберінде, Шу ауданы бойынша күзгі абаттандыру, көгалдандыру және санитарлық тазалық жұмыстары ұйымдастырылды.
Сенбілік жұмыстарына Шу қалалық емханасының қызметкерлері де белсене қатысып, өздеріне тиесілі аумақтарды тазалауға атсалысты. Емхана ұжымы қоршаған ортаны қоқыстан тазарту, аулалар мен қоғамдық орындардың көркін келтіру, санитарлық жағдайын жақсарту бағытында бірлесе еңбек етті.

«Медициналық көмектің флагманы»: Жамбыл облысының үздік медициналық ұйымдары анықталды

Posted on by gpshu

Тараз қаласында «Медициналық көмектің флагманы» байқауының қорытындысы шығарылып, жеңімпаздарды салтанатты марапаттау рәсімі өтті.

Жеңімпаздарға марапаттарды Әлеуметтік медициналық сақтандыру қорының Жамбыл облысы бойынша филиалының директоры Ғайни Аймағанбетова және Жамбыл облысы денсаулық сақтау басқармасы басшысының орынбасары Лаура Отарбаева табыстады.

Байқауды Қор өзінің құрылғанына 10 жыл толуына орай, сондай-ақ медициналық қызмет көрсетушілердің медициналық көмектің сапасын арттыруына ынталандыру, озық тәжірибелерді дамыту және медициналық ұйымдардың қызметін жетілдіру мақсатында ұйымдастырды.

Байқау 2026 жылғы 1 мамыр мен 1 тамыз аралығында өтті. Оған медициналық қызмет көрсететін барлық ұйымдар автоматты түрде қатысты.

Қатысушылар көрсетілетін медициналық көмектің негізгі бағыттарына қарай екі топқа бөлінді.

Бірінші топқа бастапқы медициналық-санитариялық көмек, консультативтік-диагностикалық және шұғыл медициналық көмек көрсететін медициналық қызмет берушілер кірді.

🏆 Бірінші топ бойынша жеңімпаз – «Шу аудандық орталық ауруханасы» ШЖҚ КМК.

Екінші топқа стационарлық және стационарды алмастыратын медициналық көмек көрсететін медициналық қызмет берушілер қатысты.

🏆 Екінші топ бойынша жеңімпаз – «Қалалық көпбейінді аурухана және консультативтік-диагностикалық орталық» ШЖҚ КМК.

Байқау қорытындысы бойынша комиссия қатысушылардың нәтижелерін саралап, қызметінің жоғары көрсеткіштерін көрсеткен, жұмысты тиімді ұйымдастырған және медициналық көмектің сапасын тұрақты арттыруға ұмтылған медициналық ұйымдарды анықтады.

«Медициналық көмектің флагманы» атағы – медициналық ұжымдардың кәсіби біліктілігіне, сапалы қызмет көрсетуге және денсаулық сақтау жүйесін дамытуға қосқан үлесіне берілген лайықты баға.

Жеңімпаздарды құттықтаймыз! Медициналық ұжымдарға кәсіби жетістіктер, жаңа жобалар мен толағай табыстар тілейміз!

#МӘМСЖАМБЫЛ #ОСМСЖАМБЫЛ

Студенттердің МӘМС жүйесіндегі мәртебесі

Posted on by gpshu
❗️Назар аударыңыз:
Егер сіз күндізгі бөлімде оқитын студент болсаңыз, МӘМС жүйесінде жеңілдік санатына кіресіз. Бұл жағдайда жарналарды мемлекет төлейді – өзіңізден төлем талап етілмейді.
Егер оқу барысында жұмыс істесеңіз, жұмыс беруші сіз үшін аударымдар төлеуден босатылады.
Ал жеке кәсіпкер ретінде тіркелген болсаңыз, күндізгі бөлімде оқитын кезеңде МӘМС жарналарын төлеудің қажеті жоқ.
Маңызды: Қор жеңілдік санатын тағайындамайды. Бұл мәртебе Еңбек және халықты әлеуметтік қорғау министрлігінің деректері негізінде, Ғылым және жоғары білім министрлігінің ақпараттық жүйелері арқылы автоматты түрде қалыптастырылады.
Сақтандырылған мәртебесін сақтау үшін Telegram-дағы SaqtandyryBot арқылы жеңілдік санатыңызды тексеріп отыруды ұсынамыз. Егер мәртебе көрсетілмесе, деректерді нақтылау үшін өз жоғары оқу орныңызға жүгініңіз.
Шетелде оқитын студенттер «сақтандырылған» мәртебесін алу үшін egov.kz порталы арқылы өздігінен тіркеледі.

Жіті ішек инфекциялары: алдын алу жолдарын білейік!

Posted on by gpshu
Жіті ішек инфекциялары – асқазан-ішек жолдарын зақымдайтын, көбіне бактериялар мен вирустар қоздыратын жұқпалы аурулар тобы. Инфекция лас қол, сапасыз немесе залалданған тағам мен ауызсу арқылы таралады. Әсіресе жазғы және күзгі кезеңде аурудың таралу қаупі артады.
Негізгі белгілері:
іштің ауыруы және бүріп ауыруы;
жүрек айну, құсу;
жиі және сұйық іш өту;
дене қызуының көтерілуі;
әлсіздік, тәбеттің төмендеуі;
ағзаның сусыздануы.
Аурудан қалай сақтануға болады?
🧼 Тамақ ішер алдында және дәретханадан кейін қолды сабынмен мұқият жуыңыз.
💧 Тек қайнатылған немесе қауіпсіз ауызсуды пайдаланыңыз.
🥩 Ет, құс еті, жұмыртқа және басқа да тағамдарды толық термиялық өңдеуден өткізіңіз.
🥗 Шикі және дайын тағамдарды бөлек сақтаңыз.
🧊 Тез бұзылатын өнімдерді тоңазытқышта сақтап, жарамдылық мерзімін бақылаңыз.
🍎 Көкөністер мен жемістерді ағын сумен мұқият жуыңыз.
🚫 Белгісіз жерден дайындалған және сақталу жағдайы күмәнді тағамдарды тұтынбаңыз.
Маңызды! Іш өту мен құсу кезінде ағза көп мөлшерде сұйықтық жоғалтады. Сондықтан сұйықтықты аз-аздан, бірақ жиі қабылдау қажет. Әсіресе балаларда, қарт адамдарда және созылмалы ауруы бар жандарда сусыздану тез дамуы мүмкін.
Ауру белгілері байқалған жағдайда өз бетінше ем қабылдамай, медициналық көмекке жүгініңіз. Дәрігердің кеңесінсіз антибиотик қолдануға болмайды.
Тазалық сақтау, қауіпсіз тағам мен сапалы ауызсуды пайдалану – жіті ішек инфекцияларының алдын алудың ең тиімді жолдарының бірі.