Рубрика: Емхана жаңалықтары

Артериялық гипертензия – үнсіз қауіп

Posted on by gpshu
Артериялық гипертензия (артериялық қан қысымының жоғарылауы) – жүрек-қан тамырлары жүйесінің ең кең таралған ауруларының бірі. Бұл дерт кезінде қан қысымы тұрақты түрде жоғарылап, ағзаның маңызды мүшелеріне зиян келтіреді. Мамандар артериялық гипертензияны «үнсіз қауіп» деп атайды, өйткені ол ұзақ уақыт бойы ешқандай белгі бермей өтуі мүмкін.
Қалыпты жағдайда ересек адамның қан қысымы 120/80 мм сын.бағ. шамасында болады. Егер қан қысымы 140/90 мм сын.бағ. және одан жоғары деңгейде тұрақты сақталса, бұл артериялық гипертензияның белгісі болуы мүмкін.
**Аурудың негізгі қауіп факторлары:**
* Тұқым қуалаушылық;
* Артық салмақ пен семіздік;
* Тұзды тағамдарды шамадан тыс тұтыну;
* Темекі шегу және алкогольді пайдалану;
* Қозғалыс белсенділігінің төмендігі;
* Созылмалы күйзеліс;
* Қант диабеті және басқа да созылмалы аурулар.
**Артериялық гипертензияның белгілері:**
* Бас ауруы;
* Бас айналу;
* Құлақтағы шу;
* Жүрек қағысының жиілеуі;
* Әлсіздік пен тез шаршағыштық;
* Көру қабілетінің нашарлауы.
Алайда көптеген адамдарда ауру ешқандай симптомсыз өтуі мүмкін. Сондықтан қан қысымын тұрақты түрде бақылау өте маңызды.
**Гипертензияның қауіптілігі неде?**
Уақытында емделмеген жоғары қан қысымы инсультке, инфарктке, жүрек жеткіліксіздігіне, бүйрек қызметінің бұзылуына және көру қабілетінің төмендеуіне әкелуі мүмкін.
**Алдын алу жолдары:**
✔ Дұрыс тамақтану және тұзды шектеу;
✔ Дене белсенділігін арттыру;
✔ Артық салмақтан арылу;
✔ Темекіден және алкогольден бас тарту;
✔ Күйзелісті азайту;
✔ Қан қысымын жүйелі түрде өлшеп тұру;
✔ Дәрігердің ұсынымдарын сақтау.
Денсаулық – ең басты байлық. Қан қысымыңызды бақылауда ұстап, профилактикалық тексерулерден уақытылы өтіп тұрыңыз. Артериялық гипертензияны ерте анықтау мен дұрыс емдеу ауыр асқынулардың алдын алуға мүмкіндік береді.

Балалар күніне арналған мерекелік іс-шара

Posted on by gpshu

1 маусым – Халықаралық балаларды қорғау күніне орай Шу қалалық емханасында мерекелік іс-шара ұйымдастырылды.

Балалардың жарқын күлкісі мен көтеріңкі көңіл-күйіне толы бұл мереке бүлдіршіндерге қуаныш сыйлап, оларды ерекше әсерге бөледі.

Іс-шара барысында балаларға арнайы мерекелік бағдарлама ұсынылып, түрлі ойындар мен қызықты сайыстар өткізілді.

Сонымен қатар, балаларға арнайы сыйлықтар табысталып, тәттілер үлестірілді. Бұл сый-сияпаттар кішкентай қонақтарға ерекше қуаныш сыйлап, мерекенің мәнін арттыра түсті.

Балалардың күлкісі мен қуанышы – әрбір мерекенің басты сәні. Осындай игі шаралар арқылы өскелең ұрпаққа қамқорлық көрсетіліп, олардың бақытты балалық шағын қалыптастыруға үлес қосылуда.
#балалар
#балаөмірдіңмəні

Ақпараттық-түсіндіру сабағы өткізілді

Posted on by gpshu

Шу қалалық емханасының мамандары №10 колледж білім алушыларына арналған ақпараттық-түсіндіру сабағын өткізді. Кездесу барысында жастар денсаулығына қатысты маңызды тақырыптар кеңінен қозғалды.

🔹 Сабақтың негізгі мақсаты – жасөспірімдер арасында салауатты өмір салтын қалыптастыру, зиянды әдеттердің алдын алу және денсаулыққа жауапкершілікпен қарау мәдениетін арттыру болды.

🔹 Іс-шара барысында мамандар нашақорлықтың алдын алу тақырыбында түсіндірме жұмыстарын жүргізіп, есірткі заттарының адам ағзасына, психологиялық жағдайына және болашағына тигізетін зияны туралы жан-жақты ақпарат берді. Сонымен қатар, зиянды әдеттерден аулақ болудың маңыздылығы айтылды.

🔹 Репродуктивті денсаулық тақырыбында жастарға денсаулықты сақтау, жеке бас гигиенасы, дұрыс тамақтану және салауатты өмір салтын ұстанудың маңызы түсіндірілді. Мамандар болашақ ұрпақ саулығы әр адамның өз денсаулығына жауапкершілікпен қарауынан басталатынын атап өтті.

🔹 Сондай-ақ, жыныстық жолмен жұғатын аурулар жөнінде ақпарат беріліп, олардың алдын алу жолдары, белгілері және дер кезінде медициналық көмекке жүгінудің қажеттілігі түсіндірілді. Білім алушылар мамандарға өздерін қызықтырған сұрақтарын қойды.

Колледж білім алушыларына арналған ақпараттық-түсіндіру сабағы

Posted on by gpshu

Шу қалалық емханасының мамандары №10 колледж білім алушыларына арналған ақпараттық-түсіндіру сабағын өткізді. Кездесу барысында жастар денсаулығына қатысты маңызды тақырыптар кеңінен қозғалды.

🔹 Сабақтың негізгі мақсаты – жасөспірімдер арасында салауатты өмір салтын қалыптастыру, зиянды әдеттердің алдын алу және денсаулыққа жауапкершілікпен қарау мәдениетін арттыру болды.

🔹 Іс-шара барысында мамандар нашақорлықтың алдын алу тақырыбында түсіндірме жұмыстарын жүргізіп, есірткі заттарының адам ағзасына, психологиялық жағдайына және болашағына тигізетін зияны туралы жан-жақты ақпарат берді. Сонымен қатар, зиянды әдеттерден аулақ болудың маңыздылығы айтылды.

🔹 Репродуктивті денсаулық тақырыбында жастарға денсаулықты сақтау, жеке бас гигиенасы, дұрыс тамақтану және салауатты өмір салтын ұстанудың маңызы түсіндірілді. Мамандар болашақ ұрпақ саулығы әр адамның өз денсаулығына жауапкершілікпен қарауынан басталатынын атап өтті.

🔹 Сондай-ақ, жыныстық жолмен жұғатын аурулар жөнінде ақпарат беріліп, олардың алдын алу жолдары, белгілері және дер кезінде медициналық көмекке жүгінудің қажеттілігі түсіндірілді. Білім алушылар мамандарға өздерін қызықтырған сұрақтарын қойып, жауаптар алды.

«Қант диабетінің алдын алу мектептері»

Posted on by gpshu

Қант диабеті ауруымен алғашқы есепке тұрған және есепте тұратын пациенттер арасында Эндокринолог дәрігер Оразай Сауле Зинолдаевнаның қатысуымен «Қант диабетінің алдын алу мектептері» өткізілді.

«Отбасын жоспарлау» тақырыбында ашық есік күні

Posted on by gpshu
👨‍👩‍👧‍👦 Халықаралық отбасы күніне орай Шу қалалық емханасында «Отбасын жоспарлау» тақырыбында ашық есік күні ұйымдастырылды.
🩺 Іс-шара барысында тұрғындарға отбасын жоспарлау, репродуктивті денсаулық, жүктілікті жоспарлау және оның алдын алу шаралары бойынша мамандар тегін кеңес берді.
👨‍⚕️ Қабылдауды акушер-гинекологтар мен тиісті сала мамандары жүргізіп, азаматтардың сұрақтарына жауап берді.
🎯 Шараның негізгі мақсаты – халықтың репродуктивті денсаулығын нығайту, саналы ата-ана болуды насихаттау және отбасылық құндылықтарды дәріптеу.
📍 Шу қалалық емханасы тарапынан ұйымдастырылған бұл шара тұрғындардың медициналық сауаттылығын арттыруға бағытталды.

«Репродуктивті денсаулық және жеке бас тазалығы» тақырыбында түсіндірме жұмысы

Posted on by gpshu
🌸 Шу қалалық емханасының мамандары Төле би атындағы мектепте қыз балалар арасында «Репродуктивті денсаулық және жеке бас тазалығы» тақырыбында түсіндірме жұмыстарын жүргізді. Кездесудің негізгі мақсаты – жасөспірім қыздардың денсаулығын нығайту, олардың өз денсаулығына жауапкершілікпен қарауын қалыптастыру және пайдалы ақпарат беру болды.
🩺 Іс-шара барысында медицина қызметкерлері қыз балаларға репродуктивті денсаулықтың маңызы, ағзадағы жас ерекшеліктеріне байланысты өзгерістер және дұрыс күтім жасау жолдары жөнінде кеңінен түсіндірді. Сонымен қатар, денсаулықты сақтауда дұрыс тамақтану, күн тәртібін сақтау және салауатты өмір салтын ұстанудың маңыздылығы айтылды.
🧼 Мамандар жеке бас гигиенасын сақтау – түрлі аурулардың алдын алудың негізгі жолдарының бірі екенін атап өтті. Қыз балаларға тазалық сақтау ережелері, күтім құралдарын дұрыс пайдалану және денсаулыққа зиян келтіретін әдеттерден аулақ болу туралы жан-жақты мәлімет берілді.
💬 Кездесу барысында оқушылар көкейлеріндегі сұрақтарын қойып, мамандардан пайдалы кеңестер алды. Ашық форматта өткен жиын жасөспірімдердің еркін пікір алмасуына мүмкіндік беріп, олардың денсаулыққа қатысты сауаттылығын арттыруға ықпал етті.

Түсіндіру іс-шарасы ұйымдастырылды

Posted on by gpshu
Рысқұлов орта мектебінде «ЖИТС-тің алдын алу» тақырыбында арнайы ақпараттық-түсіндіру іс-шарасы ұйымдастырылды. Іс-шараның негізгі мақсаты — жасөспірімдер арасында салауатты өмір салтын насихаттау, АИТВ/ЖИТС туралы дұрыс ақпарат беру және аурудың алдын алу жолдарын түсіндіру.

📚 Кездесу барысында мамандар оқушыларға АИТВ мен ЖИТС-тің айырмашылығы, жұғу жолдары, сақтану тәсілдері және қоғамдағы адам денсаулығына тигізетін әсері жөнінде кеңінен ақпарат берді.
💬 Іс-шара кезінде оқушылар өздерін толғандырған сұрақтарын қойып, мамандар тарапынан толыққанды жауаптар алды. Жастардың денсаулыққа жауапкершілікпен қарауы, зиянды әдеттерден аулақ болуы және қауіпсіз өмір салтын ұстанудың маңыздылығы ерекше атап өтілді.
🤝 Мұндай профилактикалық кездесулер өскелең ұрпақтың денсаулығын нығайтуға, олардың ақпараттық сауаттылығын арттыруға және қоғамда дұрыс көзқарас қалыптастыруға үлкен септігін тигізеді.
  АИТВ/

«АИТВ/ЖИТС-тің алдын алу»

Posted on by gpshu
№40 мектепте оқушылар арасында салауатты өмір салтын насихаттау және денсаулықты қорғау мақсатында «АИТВ/ЖИТС-тің алдын алу» тақырыбында арнайы іс-шара ұйымдастырылды. Іс-шара барысында емхананың медицина мамандары жасөспірімдерге аталған дерттің қауіптілігі, жұғу жолдары және оның алдын алу тәсілдері жөнінде кеңінен ақпарат берді.
📚 Кездесу барысында оқушыларға АИТВ мен ЖИТС ұғымдарының айырмашылығы түсіндіріліп, аурудың адам ағзасына тигізетін әсері туралы мәліметтер айтылды. Сонымен қатар, жеке бас гигиенасын сақтау, зиянды әдеттерден аулақ болу және салауатты өмір салтын ұстанудың маңыздылығы ерекше атап өтілді.
🤝 Іс-шараның басты мақсаты – жасөспірімдердің денсаулық туралы білімдерін арттыру, АИТВ/ЖИТС жөнінде дұрыс түсінік қалыптастыру және қоғамда қауіптің алдын алу мәдениетін нығайту болды.