Бұл күн бүкіл әлемде қол гигиенасының маңыздылығын насихаттау мақсатында аталып өтеді. Аталған бастаманы көтеріп, адамдарды инфекциялардың алдын алу үшін қарапайым, бірақ тиімді әдет – қол жууға шақырады.
🦠 Қол арқылы көптеген қауіпті аурулар, соның ішінде ішек инфекциялары, тұмау, вирустық аурулар оңай таралады. Уақтылы және дұрыс қол жуу – осы дерттердің алдын алудың ең тиімді тәсілдерінің бірі.
💧 Мамандардың айтуынша, қолды сабынмен кемінде 20 секунд жуу қажет. Әсіресе, тамақ ішер алдында, дәретханадан кейін, көшеден келген соң және науқас адаммен байланыстан кейін қол жуу өте маңызды.
🏥 Қол гигиенасы медицина мекемелерінде де аса маңызды рөл атқарады. Дәрігерлер мен медбикелердің қол тазалығын сақтау – пациенттердің қауіпсіздігін қамтамасыз етудің негізгі шарттарының бірі.
👨👩👧👦 Қарапайым гигиена ережелерін сақтау арқылы әр адам өз денсаулығын ғана емес, айналасындағы адамдардың да амандығын қорғай алады. Қолды таза ұстау – денсаулық кепілі!
Шу қалалық емханасының мамандары Төле би атындағы мектепте қыз балалар арасында «Репродуктивті денсаулық және жеке бас тазалығы» тақырыбында түсіндірме жұмыстарын жүргізді. Кездесудің негізгі мақсаты – жасөспірім қыздардың денсаулығын нығайту, олардың өз денсаулығына жауапкершілікпен қарауын қалыптастыру және пайдалы ақпарат беру болды.
Іс-шара барысында медицина қызметкерлері қыз балаларға репродуктивті денсаулықтың маңызы, ағзадағы жас ерекшеліктеріне байланысты өзгерістер және дұрыс күтім жасау жолдары жөнінде кеңінен түсіндірді. Сонымен қатар, денсаулықты сақтауда дұрыс тамақтану, күн тәртібін сақтау және салауатты өмір салтын ұстанудың маңыздылығы айтылды.
Мамандар жеке бас гигиенасын сақтау – түрлі аурулардың алдын алудың негізгі жолдарының бірі екенін атап өтті. Қыз балаларға тазалық сақтау ережелері, күтім құралдарын дұрыс пайдалану және денсаулыққа зиян келтіретін әдеттерден аулақ болу туралы жан-жақты мәлімет берілді.
Кездесу барысында оқушылар көкейлеріндегі сұрақтарын қойып, мамандардан пайдалы кеңестер алды. Ашық форматта өткен жиын жасөспірімдердің еркін пікір алмасуына мүмкіндік беріп, олардың денсаулыққа қатысты сауаттылығын арттыруға ықпал етті.
АИТВ/
