Рубрика: МӘМС

МӘМС: Қиын қадамнан – еркін қозғалысқа

Posted on by gpshu
Міндетті әлеуметтік медициналық сақтандыру (МӘМС) жүйесі азаматтарға қажетті медициналық көмекті, оның ішінде жоғары технологиялық және күрделі операцияларды алуға мүмкіндік береді. Соның бірі – тізе буынына эндопротездеу отасы.
Тараз қаласының тұрғыны Жұлдызай Көлкебаева осындай медициналық көмекті Тараз қалалық көпбейінді ауруханасында МӘМС аясында алды. Оған жоспарлы түрде тізе буынына эндопротездеу отасы жасалды.
Науқасты тізе буыны ауру 6-7 жылға жуық мазалаған. Ауру салдарынан қозғалысы шектеліп, күнделікті өміріне айтарлықтай қиындық туған.
Дәрігер-травматолог Михаил Мацагоровтың айтуынша, ота заманауи медициналық технологияларды қолдану арқылы жүргізілді. Эндопротездеудің негізгі мақсаты – зақымданған буынның қызметін қалпына келтіріп, науқастың қозғалыс белсенділігін арттыру және өмір сапасын жақсарту.
Қазіргі таңда Жұлдызайдың жағдайы жақсы. Ол оңалту кезеңінен өтіп, біртіндеп қалыпты өміріне оралып келеді.
«Қажетті операцияны МӘМС аясында жасату мүмкіндігіне ие болғаныма қуаныштымын. Дәрігерлерге және аурухананың бүкіл ұжымына алғыс айтамын. Қазір өзімді әлдеқайда жақсы сезініп, қайтадан еркін қозғала бастағаныма қуаныштымын», – дейді Жұлдызай Көлкебаева.
МӘМС – азаматтардың медициналық көмекке қолжетімділігін арттырып, заманауи емдеу әдістерін алуға мүмкіндік беретін әлеуметтік кепілдік.
#МӘМСЖАМБЫЛ #ОСМСЖАМБЫЛ

Кәсіпкерлер МӘМС жүйесіне қатысты сұрақтарына жауап алды

Posted on by gpshu
«Әлеуметтік медициналық сақтандыру қоры» КЕАҚ Жамбыл облысы бойынша филиалы мен Жамбыл облысының Кәсіпкерлер палатасының бірлесе ұйымластыруымен облыс кәсіпкерлері мен кәсіпорындардың бухгалтерлеріне міндетті әлеуметтік медициналық сақтандыру (МӘМС) мәселелері бойынша ақпараттық-түсіндіру кездесуі өткізілді.
Іс-шараға «Әлеуметтік медициналық сақтандыру қоры» КЕАҚ Жамбыл облысы бойынша филиалының бөлім басшысы Дәурен Бурханов, Жамбыл облысы бойынша Мемлекеттік кірістер департаментінің Түсіндіру жұмысы және байланыс орталығы басқармасының басшысы Ерлан Нұрмаханбетов, сондай-ақ Тараз қаласы бойынша мемлекеттік кірістер басқармасының өкілдері қатысты.
Кездесу барысында кәсіпкерлер өздерін қызықтырған сұрақтарын мамандарға тікелей қойып, МӘМС жүйесінің жұмыс істеу тәртібіне қатысты өзекті мәселелер бойынша түсініктемелер алды.
Іс-шара аясында МӘМС бойынша аударымдар мен жарналарды төлеу тәртібі, жұмыс берушілер мен жеке кәсіпкерлердің міндеттері, сондай-ақ МӘМС саласындағы заңнамаға енгізілген өзгерістер талқыланды. Сонымен қатар Әлеуметтік медициналық сақтандыру қорымен және мемлекеттік кірістер органдарымен өзара іс-қимыл мәселелеріне назар аударылды.
Кездесуде МӘМС жүйесіне қатысуға байланысты өзге де өзекті мәселелер қаралып, кәсіпкерлер мен бухгалтерлер тарапынан қойылған сұрақтарға мамандар тарапынан нақты әрі жан-жақты жауаптар берілді.
#МӘМСЖАМБЫЛ #ОСМСЖАМБЫЛ

Тиімділікті арттыру және шығыстарды оңтайландыру: МӘМС-те 4 млрд теңге негізсіз төлемдердің алды алынды, жекеменшік мектептерді қаржыландыруда 8 млрд теңге үнемделді

Posted on by gpshu
Мемлекет басшысы Қасым-Жомарт Тоқаевтың цифрлық құралдарды қолдана отырып, бюджет қаражатын жұмсаудың тиімділігін арттыру жөніндегі тапсырмаларын орындау шеңберінде Үкімет қаржылық тәртіпті күшейтуге және негізсіз төлемдерді қысқартуға бағытталған бірқатар шаралар қабылдады.
Әлеуметтік салада бұрын медициналық көмек пен жеке білім беруді қаржыландыру тәсілдері қайта қаралды, мәселен, цифрлық құралдар қаражатты аударғанға дейін бұзушылықтарды анықтауға, қолмен есептеулерді алып тастауға және бюджетті нақты көрсетілген қызметтерге бағыттауға мүмкіндік береді.
Мемлекеттік шығыстардың көлемі ғана емес, бюджет қаражатын басқару тәсілінің өзі де өзгеруде – тәуекелдер мен ықтимал заңбұзушылықтар төлемдер жүргізілгеннен кейін емес, бюджет қаражатын аударғанға дейін де анықталуда. Алдын алу тетіктері енгізілуде, мемлекеттік ақпараттық жүйелердің деректері біріктірілуде, есептеулер мен тексеру рәсімдері цифрлық форматқа ауыстырылуда.
Бұл жұмыстың алғашқы нәтижелері қазірдің өзінде елеулі қаржылық әсер беріп отыр. Міндетті әлеуметтік медициналық сақтандыру (МӘМС) жүйесінде 2026 жылдың бірінші жартыжылдығында антифрод-тетіктер төлемдер жүргізілгенге дейін 4 млрд теңгеден астам сомаға ақауларды анықтады. Жеке мектептерді қаржыландыруда қолмен есептеу тәсілдерін алып тастау және ашық цифрлық құралдарға көшу есебінен 2025 жылдың қыркүйек-желтоқсан айларында бюджетті үнемдеу 8 млрд теңгені құрады.
#МӘМСЖАМБЫЛ #ОСМСЖАМБЫЛ

МӘМС неліктен ынтымақтастық жүйесіне негізделген?

Posted on by gpshu
Міндетті әлеуметтік медициналық сақтандыруды кейде жеке шот ретінде қабылдайды: адам тұрақты түрде жарна төлеп, шамамен өзі төлеген сомаға тең медициналық қызмет аламын деп күтеді. Әлеуметтік желіде МӘМС жүйесін жойып, жеке жинақ шоттарына көшуді немесе бұрынғы бюджеттік модельге қайта оралуды ұсынатын пікірлер жиі кездеседі.
Алайда денсаулық сақтау саласындағы негізгі экономикалық заңдылық қарапайым: медицина неғұрлым заманауи болған сайын, оның құны да соғұрлым жоғары болады.
Елестетіп көріңізші: сіз тұрақты түрде жарна төлеп, бұл қаражат болашақта өзіңізді емдеуге қажет болады деп ойлайсыз. Ал егер сізге күрделі ота немесе қымбат емдеу қажет болса ше?
Орташа көрсеткіштерге сүйенсек:
🔹 Жұмысы бар азамат жылына шамамен 276 780 теңге аударады
🔹 Дербес төлеуші — 51 000 теңге
Отбасыңызда бала, жасы үлкен ата-ана ауырып қалса немесе шұғыл медициналық көмек қажет болса, бұл қаражат жете ме? Әрине, жетпейді. Ауыр дертті емдеу құны жеке жинақтардан бірнеше есе көп.
Карусельден жиі кездесетін және ең қымбат емдеудің нақты бағасын көрсеттік.
Қазақстанда МӘМС жеке жинақтау есебі емес, ынтымақтастық қағидаты бойынша жұмыс істеуінің де себебі осы:
✅ Барлық жарналар ортақ қорға біріктіріледі.
✅ Медициналық көмектің көлемі сіз аударып отырған төлемдердің сомасына емес, медициналық көрсетілімдерге байланысты белгіленеді.
✅ Ауыр дертке шалдығу жағдайлары миллиондаған қатысушылар арасында бөлініп, әрбір отбасын үлкен шығындардан қорғайды.
«Ал ақшаның жұмсалуын бақылау қалай жүзеге асады?»
Қаражаттың қайда кететінін көру және бақылау үшін жүйені жинақтаушы үлгіге ауыстырудың қажеті жоқ. Қорда «халықтық бақылау» тетігі іске қосылуда: eGov Mobile мен Жеке кабинетте көрсетілген қызметтердің тарихын, олардың бағасын көріп, қабылдауды растап, дәрігерлердің жұмыс сапасын бағалай аласыз.

Учаскелік дәрігерге бару үшін МӘМС жүйесінде сақтандырылу шарт па?

Posted on by gpshu
💬 Жоқ. Пациенттер учаскелік терапевтке немесе жалпы тәжірибе дәрігеріне «cақтандырылған» мәртебесінің бар-жоғына қарамастан бара алады. Бірақ кейін МӘМС пакеті аясында бейінді мамандардың кеңесі немесе медициналық қызметтер қажет болса, «cақтандырылған» мәртебесін алу керек.
______________________
Медициналық көмек алу кезінде қосымша сұрақтар немесе мәселе туындаған жағдайда өз клиникасындағы Пациенттерді қолдау және ішкі сараптама қызметіне жүгіну қажет. Егер жағдайды сол жерде шешу мүмкін болмаса, Әлеуметтік медициналық сақтандыру қорының келесі байланыс арналарының біріне өтініш қалдыра алады:
* Qoldau 24/7 мобильді қосымшасы
* msqory.kz ресми сайты
* Telegram-дағы @SaqtandyrýBot
* 1414 байланыс орталығы
Сондай-ақ Damumed, Halyk, BCC.KZ, Kaspi.kz, Freedom SuperApp, Bereke bank, Home Credit Bank мобильді қосымшалары МӘМС жүйесіндегі мәртебені тексеруге мүмкіндік береді. Сондай-ақ, электронды үкіметтің egov.kz сайтындағы «Денсаулық сақтау» бөлімінде «Міндетті әлеуметтік медициналық сақтандыру жүйесі аясында көрсетілетін медициналық қызметті тұтынушы ретінде қатысу туралы және аударымдардың және (немесе) жарналардың аударылған сомалары туралы ақпарат ұсыну» мемлекеттік қызметі арқылы медициналық сақтандыру жүйесіндегі мәртебені тексеруге және жүргізілген төлемдер туралы ақпарат алуға болады.

Qalqan жүйесіндегі медициналық ұйымдар QR-коды

Posted on by gpshu
📲 Медициналық ұйымға барғаныңды QR-код арқылы растау мүмкіндігі денсаулық сақтау саласындағы қоғамдық бақылаудың маңызды элементі. Бұл пациенттің бақылау процесіне қатысуына және азаматтар мен медициналық ұйымдар арасындағы өзара байланыстың ашықтығын арттыруға мүмкіндік береді.
🔹 Qalqan цифрлық сервисі әр медициналық ұйымға арнайы QR-код белгілейді. Пациент оны eGov Mobile қосымшасы арқылы сканерлеп, медициналық ұйымға барғанын растай алады. Болашақта бұл функцияны екінші деңгейлі банктердің мобильді қосымшаларына да енгізу жоспарланып отыр.
👤 Пациенттің жеке кабинетінде медициналық ұйымға барғаны және оған көрсетілген медициналық қызметтер туралы ақпарат көрсетіледі. Егер ол пациентке іс жүзінде көрсетілген медициналық көмекпен сәйкес келмесе, азамат бұл туралы хабарлай алады.
✅ Пациенттердің растауы медициналық ұйымдардың жұмысын бағалау критерийлерінің бірі ретінде де ескеріледі. Осылайша, азаматтардың пікірі мен олардың бақылауға тікелей қатысуы медициналық көмектің сапасы мен ашықтығын бақылайтын жүйенің бір бөлігіне айналады.

Пациент мүддесі – медициналық ұйым жұмысының басты міндеті

Posted on by gpshu
Қазіргі таңда медициналық ұйымдардың басты міндеттерінің бірі – пациентке сапалы әрі қолжетімді медициналық көмек көрсету. Бұл ретте медициналық қызметтің сапасымен қатар, пациенттердің құқықтарын сақтау, олардың өтініштері мен пікірлеріне назар аудару және халықпен тиімді коммуникация орнату маңызды.
Осы бағытта Әлеуметтік медициналық сақтандыру қоры Жамбыл облысы бойынша филиалы директорының орынбасары Нұрлан Дәрменқұлов пен Халықты ақпараттандыру және өтініштерді қарау бөлімінің басшысы Дәурен Бурханов Тараз қаласындағы «Almaz Medical Group» ЖШС емханасында, «Zhanshuak Medical Group» ЖШС-де және «Садыхан» облыстық консультативтік-диагностикалық медициналық орталығы ЖШС-де медицина қызметкерлерімен кездесу өткізді.
Кездесу барысында пациентке бағытталған қызмет көрсету, скринингтік зерттеулерді ұйымдастыру, медициналық ұйымдардағы репутациялық менеджмент және Пациенттерді қолдау қызметінің жұмысы талқыланды.
Нұрлан Дәрменқұлов медицина қызметкерлеріне скринингтік зерттеулерден өтуге жататын нысаналы топтар, сондай-ақ скринингтік зерттеулерді жүргізу қағидалары, көлемі мен мерзімділігіне енгізілген өзгерістер туралы түсіндірді.
«Скринингтік зерттеулер ауруларды ерте анықтап, дер кезінде медициналық көмек көрсетуге мүмкіндік береді. Сондықтан нысаналы топқа кіретін азаматтарды скринингтен уақытылы өткізу және зерттеулердің сапалы ұйымдастырылуы маңызды», – деді Нұрлан Дәрменқұлов.
Ал Дәурен Бурханов кездесу қатысушыларына репутациялық менеджмент пен Пациенттерді қолдау қызметінің маңызы туралы кеңінен баяндады.
Оның айтуынша, медициналық ұйымның беделі ең алдымен пациенттердің сенімі арқылы қалыптасады. Қызмет көрсету мәдениеті, медицина қызметкерлерінің пациенттермен қарым-қатынасы және олардың пікіріне көңіл бөлу ұйымның оң имиджін қалыптастыруға ықпал етеді.
Сонымен қатар медициналық ұйымдардағы Пациенттерді қолдау қызметі азаматтардың өтініштері мен мәселелерін қарастырып, олардың құқықтарының сақталуына ықпал етеді. Тиімді кері байланыс медициналық қызмет көрсету сапасын арттыруға және пациенттердің медициналық ұйымға деген сенімін нығайтуға мүмкіндік береді.
Кездесуде аталған бағыттардың барлығы пациентке бағдарланған медициналық көмектің маңызды құрамдас бөлігі екені атап өтілді. Жиын соңында спикерлер медицина қызметкерлерінің сұрақтарына жауап беріп, өзара пікір алмасты.
Айта кетейік, мұндай кездесулер алдағы уақытта да басқа да медициналық ұйымдарда өз жалғасын табатын болады.

МӘМС аясында жеке клиникада ота жасатуға болады

Posted on by gpshu
МӘМС жүйесінде сақтандырылған азаматтар жоспарлы операцияны жекеменшік клиникаларда да жасата алады. Ол үшін клиника Қордың медициналық қызметтерді жеткізушілер тізімінде болуы, ал операция МӘМС пакетіне кіруі және медициналық көрсетілім мен жолдама болуы қажет.
Бұл жағдайда операцияның құнын пациент емес, Әлеуметтік медициналық сақтандыру қоры төлейді.
Мәселен, «Эскулап» емдеу орталығында МӘМС аясында жалпы хирургия және гинекология бағыттары бойынша лапароскопиялық және ашық операциялар жасалады.
Пациенттің алғысы – дәрігер еңбегінің ең жоғары бағасы. Ендеше, «Эскулап» емдеу орталығында медициналық көмек алған пациенттің орталық мамандарына деген алғысын өз аузынан тыңдайық.💙
#МӘМСЖАМБЫЛ #ОСМСЖАМБЫЛ

МӘМС аясында өт тасына заманауи ота жасалды

Posted on by gpshu
МӘМС жүйесі аясында Тараз қалалық көпбейінді ауруханасында Рымбекова Ғалияға өт тас ауруына байланысты жоспарлы түрде лапароскопиялық холецистэктомия жасалды.
Операцияны хирург Әлімбек Бекнұр жүргізді. Оның айтуынша, хирургиялық ем медициналық көрсетілімге сәйкес МӘМС аясында жоспарлы түрде орындалған.
«Операция сәтті өтті. Лапароскопиялық әдіс аз жарақатты хирургиялық тәсілдердің бірі. Қазіргі таңда пациенттің жағдайы жақсы», – дейді хирург Әлімбек Бекнұр.
МӘМС жүйесі сақтандырылған азаматтарға медициналық көрсетілім болған жағдайда жоспарлы хирургиялық операцияларды қоса алғанда, қажетті медициналық көмекті алуға мүмкіндік береді.
#МӘМСЖАМБЫЛ #ОСМСЖАМБЫЛ

МӘМС-тегі мәртебені қалай жылдам тексеруге болады?

Posted on by gpshu
Әлеуметтік медициналық сақтандыру қорына күн сайын МӘМС жүйесіндегі мәртебені тексеру және оны қалай алуға болатыны туралы сұрақтар келіп түседі.
Айта кетейік, «Сақтандырылған» мәртебесі автоматты түрде – келіп түскен төлемдер негізінде беріледі.
Есіңізде болсын: МӘМС-тегі мәртебе соңғы 12 ай бойы үздіксіз төлемдер болған жағдайда сақталады. Бір айға төлем жасалмаса, Сіз «сақтандырылған» мәртебесінен айырылып, жүйе аясында медициналық көмекті дер кезінде алу мүмкіндігін жоғалтасыз.
Сондықтан өз мәртебеңізді келесі тәсілдер арқылы жиі тексеріп тұруды ұсынамыз:
* eGov.kz порталы арқылы – жеке кабинетіңізде МӘМС жүйесіндегі мәртебеңіз бен аударылған жарналар туралы ақпарат қолжетімді
* msqory.kz сайтында
* Telegram-дағы SaqtandyryBot арқылы
* Qoldau 24/7 мобильді қосымшасында
* Damumed мобильді қосымшасында
* банктердің мобильді қосымшаларында