МӘМС

Тараз қаласының тұрғыны Гүлжайна Елешова өз тіркелген №2 қалалық емханасының күндізгі стационарында ем алып жүр. Дәрігерлер оған омыртқа остеохондрозы деген диагноз қойған.

Пациенттің айтуынша, омыртқадағы дискілердің қысылуы қозғалысын шектеп, қатты ауырсыну тудырады. Осы жағдайға байланысты ол емханаға келіп, дәрігердің жолдамасымен күндізгі стационарға жатқызылған.

Күндізгі стационардың терапевті Таншолпан Махатова Гүлжайнаға клиникалық хаттамаға сәйкес ем тағайындағанын және қазіргі уақытта қажетті медициналық көмек толық көрсетіліп жатқанын жеткізді.

Айта кетейік, ел азаматтары күндізгі стационарда МӘМС аясында ем қабылдай алады. Бүгінгі пациент Гүлжайна Елешоваға барлық медициналық қызметтер МӘМС аясында көрсетілуде.

#МӘМСЖАМБЫЛ #ОСМСЖАМБЫЛ