Рубрика: МӘМС

Пациенттерді қолдау қызметіне қандай жағдайларда жүгіне аласыз?

Posted on by gpshu
✅ учаскелік дәрігер болмаса, оған жазыла алмасаңыз немесе сізді қабылдаудан бас тартса;
✅ аумақтық принцип бойынша емханаға тіркелген болсаңыз да, учаскелік дәрігер/медбике немесе фельдшер медициналық көрсеткіштеріңіз бола тұра үйге шақыртуыңызға бармаса;
✅ бейінді маманның кеңесіне жазыла алмасаңыз, маман болмаса немесе оған бір айдан кейін жазылыңыз десе;
✅ медициналық көрсеткіштеріңіз бойынша тиісті диагностикалық немесе зертханалық қызметтерге жолдама берілмесе;
✅ жүргізілген тексерістің нәтижелерімен сізді таныстырмаса;
✅ диагноздың немесе тағайындалған емнің дұрыстығына күмәндансаңыз;
✅ көрсетілген медициналық көмектің сапасына көңіліңіз толмаса;
✅ дәрігер қабылдау кезінде дөрекілік танытса немесе өзін талапқа сай ұстамаса;
✅ өзіңіздің медициналық жазбаларыңызда қате деректерді немесе жазбаларды анықтасаңыз;
✅ жалпы медицина қызметкерлері мен медициналық ұйымның қызмет көрсету сапасына көңіліңіз толмаса.
Пациенттерді қолдау қызметі – «осында және қазір» көмек көрсету.

Күндізгі стационарда МӘМС аясында ем қабылдауда

Posted on by gpshu
Тараз қаласының тұрғыны Гүлмира Мамырова өзі тіркелген №5 қалалық емхананың күндізгі стационарында ем алып жатыр. Дәрігерлер оған омыртқа остеохондрозы диагнозын қойған.
Пациенттің айтуынша, омыртқааралық дискілердің қысылуы қозғалысын шектеп, қатты ауырсыну сезімін тудырған. Осыған байланысты ол тіркелген емханасына жүгініп, дәрігердің жолдамасымен күндізгі стационарға жатқызылған.
Күндізгі стационардың терапевт дәрігері Салтанат Балгараева пациентке клиникалық хаттамаға сәйкес ем тағайындағанын, қазіргі уақытта қажетті медициналық көмек көрсетіліп жатқанын айтты.
Айта кетейік, пациентке барлық ем-шара МӘМС жүйесі аясында көрсетілуде.

МӘМС аясында оңалту көмегі — сақтандырылған азаматтар үшін ақысыз жүргізіледі

Posted on by gpshu
Міндетті әлеуметтік медициналық сақтандыру жүйесі (МӘМС) аясында сақтандырылған азаматтарға отадан кейінгі оңалту қызметтері толық көлемде ақысыз көрсетіледі. Бұл — пациенттердің сауығу процесін жеделдетіп, өмір сапасын жақсартуға бағытталған маңызды медициналық қолдау.
Тараз қаласының тұрғыны Айгүл Байдашева өткен жылы тізе буынына эндопротездеу отасын сәтті жасатқан. Отадан кейін пациент оңалту емін тұрақты түрде алып, өзі тіркелген №5 қалалық емхана күндізгі стационарында бірнеше рет қалпына келтіру шараларынан өткен.
Пациенттің айтуынша, емдеу нәтижесі көңіл көншітерлік.
«Құдайға шүкір, аяғыма жасатқан отам сәтті өтті. Қазіргі таңда емдік оңалту шараларым жалғасуда. Сонымен қатар дәрігерлер санаторийлік ем алуға жолдама берді. Барлық ақ халатты абзал жандарға алғысым шексіз», – дейді ол.
Дәрігер-реабилитолог Райхан Қойтбаева пациентке клиникалық хаттамаға сәйкес ем тағайындалып, қажетті оңалту шаралары жүргізіліп жатқанын атап өтті. Мамандардың бақылауымен физиотерапия, емдік жаттығулар және басқа да қалпына келтіру процедуралары жүзеге асырылуда. Қазіргі уақытта пациенттің денсаулық жағдайы біртіндеп жақсарып келеді.
Айта кету керек, операциядан кейінгі оңалту қызметтері Міндетті әлеуметтік медициналық сақтандыру қоры жүйесі аясында толық қаржыландырылады. Яғни, сақтандырылған азаматтар медициналық көрсеткіштер бойынша қажетті оңалту емін еш ақысыз ала алады.
Дереккөз: @zhambyl_taraz

МӘМС жүйесіндегі мәртебеңізді тексеріңіз!

Posted on by gpshu
Әлеуметтік медициналық сақтандыру қорына күн сайын МӘМС жүйесіндегі мәртебені тексеру және оны қалай алуға болатыны туралы сұрақтар келіп түседі.
Айта кетейік, «Сақтандырылған» мәртебесі автоматты түрде – келіп түскен төлемдер негізінде, оның ішінде жеңілдік санатындағы азаматтар үшін уәкілетті мемлекеттік органдардан түсетін төлемдер негізінде беріледі.
Төлемдер Мемлекеттік корпорация өңдегеннен кейін 3 жұмыс күні ішінде Қорға түседі. Сондықтан мәртебеңізді ауырмай тұрып бақылауда ұстау қажет.
❗️Есіңізде болсын: «сақтандырылған» мәртебесі соңғы 12 ай бойы үздіксіз төлемдер болған жағдайда сақталады.
Бір айға төлем жасалмаса, Сіз «сақтандырылған» мәртебесінен айырылып, МӘМС аясында медициналық көмекті дер кезінде алу мүмкіндігін жоғалтасыз.
Жұмыс берушілер төлемдерді аудару кезінде жиі қате жібереді – төлем кезеңін немесе тағайындау кодын дұрыс көрсетпейді. Нәтижесінде қызметкер сақтандыру мәртебесінен айрылады.
📌 Сондықтан өз мәртебеңізді келесі тәсілдер арқылы жиі тексеріп тұруды ұсынамыз:
• eGov.kz порталы арқылы – жеке кабинетіңізде МӘМС жүйесіндегі мәртебеңіз бен аударылған жарналар туралы ақпарат қолжетімді
• msqory.kz сайтында
• Telegram-дағы SaqtandyryBot арқылы
• Qoldau 24/7 мобильді қосымшасында
• банктердің мобильді қосымшаларында
📞 Анықтама үшін байланыс өмірлері:
8 (7172) 67-46-74 (ішкі нөмірлер: 2505, 2517, 2519, 2508, 2502) сондай ақ өңірлердегі филиалдардың байланыс нөмірлерін қордың ресми сайтынан көре аласыз.
#МӘМСЖАМБЫЛ #ӘМСҚЖАМБЫЛ

МӘМС аясында оңалту көмегі ақысыз көрсетіледі

Posted on by gpshu
Тараз қаласының тұрғыны Айгүл Байдашева былтыр тізе буынына эндопротездеу отасын сәтті жасатқан. Отадан кейін ол өзі тіркелген қалалық №5 қалалық емханада оңалтудан бірнеше рет өткен.
«Құдайға шүкір, аяғыма жасатқан отам сәтті өтті. Енді емдік оңалту шараларым жоғары деңгейде өтіп жатыр. Жақында санаторийге жолдама алып, жақсы ем алып келдім. Барлық ақ халатты абзал жандарға алғысым шексіз»,-дейді пациент.
Дәрігер ребилитолог Райхан Қойтбаеваның айтуынша, пациентке бекітілген клиникалық хаттамаға сәйкес ем тағайындап, қажетті оңалту емдік шараларды жүргізілуде. Қазіргі таңда пациенттің денсаулық жағдайы біртіндеп жақсарып келеді.
Айта кету керек, барлық емдік процедуралар міндетті әлеуметтік медициналық сақтандыру (МӘМС) жүйесі аясында толық қаржыландырылды.

МӘМС бойынша чек-аптан өтуге бола ма?

Posted on by gpshu
Бұл — пациенттер тарапынан жиі қойылатын сұрақтардың бірі. МӘМС жүйесінде сақтандырылған азаматтар дәрігердің жолдамасы болған жағдайда медициналық қызметтердің кең спектрін ала алады.
🩺Кешенді профилактикалық тексеру пациенттің тіркелген жері бойынша емханада жүргізіледі. «Сақтандырылған» мәртебесі бар азаматтарға мамандардың кеңесі, зертханалық талдаулар және диагностикалық зерттеулер медициналық көрсеткіштер бойынша ақысыз көрсетіледі.
Денсаулық – ең үлкен байлық 🤍
✅Сондықтан өздеріңізді күтіңіздер, уақытылы тексеруден өтіңіздер

Студенттердің МӘМС жүйесіндегі мәртебесі

Posted on by gpshu
Студенттер «сақтандырылған» мәртебесінің жоқтығын айтып Қорға жиі жүгінеді.
❗️Түсіндіріп өтейік:
Егер сіз күндізгі бөлімде оқитын студент болсаңыз – МӘМС жүйесінде жеңілдік санатындағылар тізіміне кіресіз. Сіз үшін жарналарды мемлекет төлейді, яғни өз қалтаңыздан төлемейсіз.
Сондай-ақ, күндізгі бөлімде оқып жүріп, жұмыс істесеңіз, жұмыс беруші сіз үшін аударымдар төлеуден босатылады.
Бұдан бөлек, жеке кәсіпкер болсаңыз және күндізгі бөлімде оқып жүрсеңіз, МӘМС жарналарын төлеуден босатыласыз.
Айта кетерлігі, Қор жеңілдік санатын бермейді. Тізім Еңбек және халықты әлеуметтік қорғау министрлігінің деректері негізінде, Ғылым және жоғары білім министрлігінің ақпараттық жүйесінен алынған мәліметтер арқылы қалыптастырылады.
Жарналар бойынша қарызды болдырмау және «сақтандырылған» мәртебесін сақтау үшін Telegram-дағы SaqtandyryBot арқылы жеңілдік санатының бар-жоғын тексеріп отыруды ұсынамыз. Егер жеңілдік санаты шықпаса, деректерді мемлекеттік ақпараттық жүйелерге дұрыс енгізу үшін өз жоғары оқу орныңызға жүгініңіз.
Шетелде оқитын студенттер «сақтандырылған» мәртебесін алу үшін egov.kz порталында өздігінен тіркеледі.

БАҚ өкілдері МӘМС-тегі офтальмологиялық қызмет түрлерімен танысты

Posted on by gpshu
Әлеуметтік медициналық сақтандыру қоры Жамбыл облысы бойынша филиалы ұйымдастырған пресс-турда журналистер Жамбыл облыстық офтальмологиялық орталығы-ның жұмысымен танысты.
Мамандар орталықта МӘМС аясында торлы қабықтың лазерлік коагуляциясы, катаракта және глаукоманы хирургиялық емдеу жүргізілетінін айтты.
2025 жылдан бастап орталықта витреоретиналдық хирургия енгізіліп, көздің терең құрылымдарына жоғары технологиялық операциялар жасалуда. 2025 жылдың наурыз айынан бері МӘМС аясында 100-ден астам операция орындалды.
Орталықтың жедел қызметі тәулік бойы жұмыс істейді.
Дереккөз: @jambylinfo

МӘМС мүмкіндіктері

Posted on by gpshu
Шу қаласының тұрғыны,зейнеткер Рақыш Қасымова Жамбыл облыстық офтальмологиялық орталығынакатарактаның асқынған түрі диагнозымен келіп түсті. Офтальмохирург МейірханСейдиновтың айтуынша, пациент заттарды анық көрмей тек жарықты ғана ажырата алған. Соның салдарынан Рақыш Қасымованың көру қабілеті күрт төмендеп, өз бетінше жүріп-тұруы қиындай түскен. Пациенттің отасы сәтті жасалды. Отадан кейін көзі шайдай ашылып, көру қабілеті жақсарған. Операция МӘМС есебінен қаржыландырылды.
«Орталыққа көзімкөрмей, қатты қиналып келіп едім. Шүкір, отам жақсы өтіп, жарық дүниені қайтакөрдім, Дәрігерлерге алғысым шексіз»,- дейді Р. Қасымова.
МӘМСЖАМБЫЛ #ӘМСҚЖАМБЫЛ

Жамбылда МӘМС аясында офтальмологиялық көмектің мүмкіндіктері таныстырылды

Posted on by gpshu
Жамбыл облысы бойынша «Әлеуметтік медициналық сақтандыру қоры» филиалының ұйымдастыруымен Жамбыл облыстық офтальмологиялық орталығында БАҚ өкілдеріне пресс-тур өтті.
Журналистер орталықтың заманауи диагностикалық жабдықтарымен, хирургиялық және лазерлік операциялар жүргізілетін бөлімдерімен танысты.
Орталықта МӘМС аясында торлы қабықшаның лазерлік коагуляциясы, катаракта мен глаукоманы хирургиялық жолмен емдеу қарастырылған.
«2025 жылдан бастап орталықта витреоретиналдық хирургия енгізілді — бұл көздің ең терең құрылымдарына жасалатын аса күрделі операциялар. Бұрын өңір пациенттері үшін қолжетімсіз болған. Енді жамбылдықтарға Алматы, Астана қалаларына барудың қажеті жоқ. Бұл ота былтырдан бастап өз облысымызда жасалады», — деді облыстық офтальмологиялық орталығының бас дәрігерінің орынбасары Жансая Сыдықова.
Жансая Әділханқызының айтуынша, торлы қабықшаның сылынуы, қант диабетінің салдарынан көздің шыны тәрізді денесіне қан құйылулар, жарақаттан болған көзбұршағының торлы қабықшаға люксациясы, көздің барлық қабықшаларының қабынуы, мкулярлық жыртылу диагноздары бар пациенттер үшін жаңа мүмкіндіктер ашылды. 2025 жылдың наурыз айынан бастап МӘМС аясында 100-ден астам витреоретиналдық операция сәтті жүргізілді.
Орталықтың шұғыл қызметі облыс бойынша тәулік бойы, аптасына 7 күн, 24 сағат үздіксіз жұмыс істейді. Бұл көз жарақаттары мен жедел аурулар кезінде тұрғындарға кез келген уақытта көмек алуға мүмкіндік береді.
Сонымен қатар, Жамбыл облыстық офтальмологиялық орталықта жыл сайын көрсетілетін қызметтердің көлемі де артып келеді:
• Қабылдау бөлімі арқылы МӘМС және ТМККК аясында 1500-ден астам пациент ауруханаға жатқызылады;
• Травматологиялық пунктте 15 мыңнан астам пациент қабылданады;
• Консультативтік-диагностикалық бөлімде 16 мыңнан астам адам тексеруден өтеді;
• Күндізгі стационарда 2000-нан астам операция жасалады;
• Тәулік бойғы стационарда 1500-ден астам хирургиялық араласу орындалады.
Пресс-турдың басты мақсаты — халықты МӘМС жүйесі арқылы медициналық көмек алу мүмкіндіктері туралы хабардар ету және өңір офтальмологиясының даму деңгейін көрсету.