Емхана жаңалықтары

Еңбек күніне орай Шу қалалық емханасының медицина қызметкерлері Ы.Алтынсарин және Абай атындағы орта мектептердің техникалық қызметкерлері арасында профилактикалық іс-шара ұйымдастырды.

🩺 Іс-шараның негізгі мақсаты – күнделікті еңбегімен білім беру ұйымдарының қалыпты жұмыс істеуіне үлес қосып жүрген техникалық қызметкерлердің денсаулығына көңіл бөлу, аурулардың алдын алу және салауатты өмір салтын насихаттау.

📋 Шара барысында медицина мамандары қатысушылардың денсаулық көрсеткіштерін бақылап, профилактикалық тексерулер жүргізді. Қызметкерлердің бойы мен салмағы өлшеніп, дене салмағының көрсеткіштері бағаланды. Сонымен қатар қан қысымын өлшеу және жалпы денсаулық жағдайын бақылау жұмыстары жүргізілді.

❤️ Медицина қызметкерлері қатысушыларға өз денсаулығына жауапкершілікпен қараудың, дұрыс тамақтанудың, дене белсенділігін арттырудың және уақытылы профилактикалық тексеруден өтудің маңызын түсіндірді. Әсіресе күнделікті жұмыста қимыл-қозғалыс пен еңбек белсенділігі жоғары адамдар үшін денсаулық көрсеткіштерін тұрақты бақылауда ұстаудың маңызы атап өтілді.

🌿 Іс-шара барысында қызметкерлер өздерін қызықтырған сұрақтарын қойып, мамандардан қажетті кеңестер алды. Мұндай профилактикалық шаралар аурудың алғашқы белгілерін дер кезінде анықтап, денсаулыққа қатысты қауіп факторларының алдын алуға мүмкіндік береді.

Денсаулық – әр адамның өзіне деген жауапкершілігінен басталады!