Шу қалалық емханасы

Денсаулық сақтау жаңалықтары

18.11.2026

ІШІМДІККЕ ТӘУЕЛДІЛІК – ДЕНСАУЛЫҚҚА ҚАУІП ТӨНДІРЕТІН ЗИЯНДЫ ӘДЕТ

Ішімдікке тәуелділік – адамның денсаулығына ғана емес, отбасына, әлеуметтік өміріне және болашағына кері әсер ететін күрделі мәселе. Бұл – жай ғана зиянды әдет емес, уақыт өте келе қалыптасатын әрі медициналық көмек пен емдеуді қажет ететін дерт.
Алкогольді ұзақ уақыт және шамадан тыс тұтыну бауыр, жүрек-қан тамырлары жүйесі, асқазан-ішек жолдары мен жүйке жүйесінің қызметіне зиян келтіреді. Сондай-ақ қан қысымының жоғарылауына, есте сақтау қабілетінің төмендеуіне, ұйқының бұзылуына және психологиялық қиындықтарға әкелуі мүмкін.
Ішімдікке тәуелділіктің негізгі белгілері:
— Алкогольді жиі әрі бақылаусыз тұтыну;
— Ішімдікті тоқтатуға немесе мөлшерін азайтуға қиналу;
— Ішімдік ішпеген кезде мазасыздық пен ашушаңдықтың пайда болуы;
— Отбасы, жұмыс және күнделікті міндеттерге немқұрайлы қарау;
— Денсаулыққа зиянын біле тұра алкоголь тұтынуды жалғастыру.
Өзіңізді және жақындарыңызды қорғаңыз!
Ішімдікке тәуелділікті ерте кезеңде анықтау және мамандардың көмегіне жүгіну ем нәтижесін жақсартуға мүмкіндік береді. Мұндай жағдайда нарколог дәрігерге немесе медициналық ұйым мамандарына жүгінген жөн. Тәуелділіктен арылу – мүмкін нәрсе. Ең бастысы – мәселені мойындап, алғашқы қадам жасау.
Есіңізде болсын, алкогольден бас тарту – өз денсаулығыңызға, отбасыңызға және болашағыңызға жасалған маңызды қадам!
Салауатты өмір салтын таңдаңыз! Денсаулығыңызды бағалаңыз!

Бас дәрігер

Инкарбекова Гаухар Меркибековна Сәлемдесу