Шу қалалық емханасы
Денсаулық сақтау жаңалықтары
05.11.2025
Меркі ауданында МӘМС көмегімен жамбас буыны алмастырылды
Меркі аудандық көпбейінді орталық ауруханасында алғаш рет жамбас буынын толық алмастыру — эндопротездеу отасы сәтті жасалды. Ота еліміздің жетекші травматологтарының қатысуымен өтті.
1948 жылы туған Кенжекүл Бошкұловаға жоғары дәлдікті ота жасалып, жамбас буыны толық алмастырылды.
Науқастың жағдайы жақсы, қозғалыс белсенділігі қалпына келуде. Бұл ота Міндетті әлеуметтік медициналық сақтандыру (МӘМС) жүйесі аясында тегін жүргізілді.
Аурухана ұжымы алдағы уақытта да жоғары технологиялық оталарды жалғастырып, тұрғындарға сапалы медициналық көмек көрсетуді көздейді.
