Рубрика: МӘМС

ӘМСҚ өкілдері медицина ұйымдарымен өзекті мәселелерді талқылады

Posted on by gpshu
Жамбыл облысында «Әлеуметтік медициналық сақтандыру қоры» КЕАҚ-ның ұйымдастыруымен Қормен келісімшарт жасасқан медицина ұйымдары басшыларының қатысуымен жиын өтті. Іс-шараға Қордың Жамбыл облысы бойынша филиалының директоры Ғайни Аймағанбетова, филиалдың құрылымдық бөлім басшылары, сондай-ақ өңірдегі медициналық ұйымдардың жетекшілері қатысты.
Басқосуда «Әлеуметтік медициналық сақтандыру қоры» КЕАҚ-ның Жамбыл облысы бойынша филиалының директоры Ғайни Аймағанбетова кіріспе сөз сөйлеп, міндетті әлеуметтік медициналық сақтандыру жүйесінің халық үшін маңыздылығына тоқталды. Сонымен қатар Қор мен медицина ұйымдары арасындағы тиімді әрі өзара сенімге негізделген әріптестіктің сапалы медициналық көмекті қамтамасыз етудегі шешуші рөлін атап өтті.
«Міндетті әлеуметтік медициналық сақтандыру жүйесінің тиімді жұмыс істеуі Қор мен медициналық ұйымдардың ашық, жауапты және нәтижеге бағытталған өзара іс-қимылына тікелей байланысты. Басты мақсатымыз – халыққа көрсетілетін медициналық қызметтердің сапасы мен қолжетімділігін арттыру. Осы орайда келісімшарттық міндеттемелердің орындалуына, медициналық көмекті ұйымдастырудағы жүйелі мәселелерге және медицина ұйымдары тарапынан ұсынылатын бастамаларға ерекше назар аударылады. Бүгінгі кездесу – ортақ мәселелерді ашық талқылап, оларды бірлесіп шешуге мүмкіндік беретін маңызды диалог алаңы», – деді филиал директоры.
Кездесуде МӘМС-ке қатысты өзекті мәселелер жан-жақты қарастырылды. Атап айтқанда, халыққа көрсетілетін медициналық қызметтердің сапасы мен қолжетімділігін арттыру, медициналық көмекті ұйымдастыру тетіктерін жетілдіру, сондай-ақ Қормен жасалған келісімшарттық міндеттемелердің орындалуы күн тәртібіне қойылды.
Кері байланыс форматында өткен жиында қатысушылар өз ұсыныстары мен пікірлерін ортаға салып, өзара іс-қимылды нығайтуға бағытталған бірқатар бастамаларды ұсынды.
Айта кетейік, 2026 жылы Қордың Жамбыл облысы бойынша филиалы 108 медициналық мекемемен келісімшарт жасасқан. Оның ішінде 37-і мемлекеттік, 71-і жекеменшік медициналық ұйымдар.

МӘМС жүйесі мен жарналарды уақтылы төлеу мәселесі түсіндірілді

Posted on by gpshu
«Әлеуметтік медициналық сақтандыру қоры» КЕАҚ-тың Жамбыл облысы бойынша филиалының «Халықты ақпараттандыру және өтініштерді қарау» бөлімінің басшысы Дәурен Бурханов міндетті әлеуметтік медициналық сақтандыру (МӘМС) жүйесінің тиімділігін жан-жақты түсіндіру және МӘМС жарналарын дұрыс төлеу тәртібін түсіндіру “ҚТЖ-Жүк тасымалы” жауапкершілігі шектеулі серіктестігінің “Жамбыл” филиалы қызметкерлерімен, сондай-ақ Тараз қаласындағы мемлекеттік және жекеменшік мектептер мен балабақшалардың есепші-бухгалтерлерімен кездесу өткізді.
Кездесу барысында Дәурен Сәрсенбайұлы азаматтардың медициналық көмек алу тәртібі, сақтандырылған мәртебені сақтау және МӘМС жүйесіне қатысуға қатысты қойылған сұрақтарға жан-жақты жауап берді.
Сонымен қатар, МӘМС жарналарын уақтылы әрі ай сайын дұрыс аударудың маңыздылығына ерекше назар аударылды. Атап айтқанда, жарналар мен аударымдардың кешіктірілуі немесе қате төленуі азаматтың сақтандырылған мәртебесіне әсер етіп, медициналық қызметтерге қолжетімділікті уақытша шектеуі мүмкін екені түсіндірілді. Сондай-ақ, қызметкер ұзақ мерзімді еңбек демалысына шыққан жағдайда МӘМ жарнасы әр айға жеке-жеке төленуі тиіс екені түсіндірілді. Осыған байланысты жұмыс берушілер мен бухгалтерлерге төлемдерді белгіленген мерзімде және заңнама талаптарына сәйкес тұрақты түрде жүргізу қажеттігі атап өтілді.
Кездесу қорытындысында МӘМС жүйесінің жұмысшылардың денсаулығын қорғауға бағытталғаны және сапалы медициналық қызметтерге қолжетімділікті қамтамасыз етудегі рөлі ерекше екені айтылды.

МӘМС сөздігі: жеңілдік санатындағы азаматтар

Posted on by gpshu
Сіз кейбір азаматтар үшін МӘМС жарналарын мемлекет толық төлейтінін білесіз бе? Яғни сіз жұмыс істемесеңіз де және жарнаны өзіңіз төлемесеңіз де, медициналық көмекке қол жеткізе аласыз деген сөз.
Карусельде біз қысқаша түсіндірдік:
— жеңілдік санаттарына кімдер жатады;
— кімдер үшін жарнаны республикалық бюджет төлейді;
— кімдер үшін жергілікті бюджет төлейді;
— және неге Қор жеңілдік санаттарының тізімін өзі қалыптастырмайды.
Егер өзіңізді осы санаттардың бірінен тапсаңыз – демек, сіз МӘМС жүйесінде сақтандырылғансыз және медициналық қызметтерді тегін ала аласыз.
Слайдтарды парақтап, сақтап қойыңыз.

МӘМС жарнасын төлеуден қай азаматтар босатылады және олардың жарнасын кім төлейді

Posted on by gpshu
Әлеуметтік жағынан осал топқа кіретін 16 санаттағы азаматтар үшін МӘМС жарнасын мемлекет төлейді. Олар:
1. Балалар;
2. Жұмыс істемейтін жүкті әйелдер (соңғы екі айда олар үшін зейнетақы және әлеуметтік аударымдар төленбеген кезде);
3. Үш жасқа дейінгі баласының заңды өкілдерінің бірі – жұмыс істемейтін ата-ана;
4. Жүктілік және босану, жаңа туған баланы (балаларды) асырап алу, бала (балалар) үш жасқа толғанға дейін оған (оларға) күтім жасау бойынша демалыста жүрген тұлғалар;
5. Мүгедектігі бар балаға күтім жасайтын жұмыс істемейтін тұлғалар;
6. Бірінші топтағы мүгедектігі бар адамға күтім жасайтын жұмыс істемейтін тұлғалар;
7. Қазақстанның БЖЗҚ-нан зейнетақы төлемдерін алушылар, оның ішінде ҰОС ардагерлері;
8. Сот үкімі бойынша ҚАЖ мекемелерінде жазасын өтеп жатқан адамдар (ең төменгі қауіпсіздік мекемелерін қоспағанда);
9. Тергеу изоляторларында отырғандар, сондай-ақ қамауда ұстау түріндегі бұлтартпау шарасы қолданылған жұмыс істемейтін тұлғалар;
10. Жұмыс істемейтін қандастар;
11. «Алтын алқа», «Күміс алқа» марапаттарын алған көп балалы аналар, бұрын «Батыр ана» атағын алғандар, сондай-ақ «Ана даңқы» І және ІІ дәрежелі ордендерімен наградталғандар;
12. Мүгедектігі бар адамдар;
13. Орта, техникалық және кәсіби, орта білімнен кейінгі, жоғары және жоғары оқу орнынан кейінгі білім беру ұйымдарында күндізгі бөлімде оқитын адамдар (күндізгі бөлім студенттері);
14. Мемлекеттік атаулы әлеуметтік көмек алатын жұмыс істемейтін тұлғалар.
15. Ресми түрде тіркелген жұмыссыздар (2026 жылдан бастап олардың жарнасын әкімдіктер төлейді);
16. 2026 жылы МӘМС жүйесі жергілікті бюджеттер қаражаты есебінен дағдарысты және шұғыл әл-ауқат деңгейі (Д және Е санаттары) бар және ресми түрде тіркелген жұмыссыздар жергілікті әкімдіктер есебінен сақтандырылатын болады. Республика бойынша 1 миллионға жуық адамды қосымша қамтитын болады.
Айта кетейік, Жамбыл облысында Д және Е санатындағы азаматтар саны 69 мыңның шамасында болса, ресми жұмыссыздардың саны — 13 мыңнан астам адамды құрап отыр.

Тараз қалалық көпбейінді ауруханасының нейрохирургы Еркебұлан Меркибеков МӘМС жүйесі жайлы пікір білдірді

Posted on by gpshu

Тараз қалалық көпбейінді ауруханасының нейрохирургы Еркебұлан Меркибеков МӘМС жүйесі жайлы пікір білдірді

МӘМС жүйесінде мәртебені бір жылға қалай алуға болады?

Posted on by gpshu

Егер сіз ресми түрде жұмыс істемесеңіз және МӘМС жүйесінде сақтандырылмаған болсаңыз, мәртебені бір жылға қалай ала аласыз?
Бұрын жүйеде «сақтандырылған» мәртебесі соңғы 12 айға жарналар толық төленсе ғана берілетін. Осы кезеңде тіпті бір айға жарна төленбесе, қарыз пайда болып, оны өтеуге тура келетін.
Ал қазір МӘМС туралы заңға енгізілген өзгерістерге (05.09.2022 ж.) сәйкес, өткен жылдың қарызын өтемей-ақ, алдағы бір жылға сақтандырылу мәртебесін алуға болады.
📌 Ол үшін келесі 12 айға жарналарды алдын ала төлеу қажет. Есіңізде болсын: әр ай үшін 4250 теңгеден жеке-жеке төленуі тиіс. Яғни жарнаны бір жолғы сома ретінде төлеу қате болып саналады, сондықтан мәртебе берілмейді.
Сақтандыру мәртебесі сізге дәл осы айда қажет болса, жылдық кезеңді осы айдан бастаңыз.
🏦 Жарналарды банк кассалары, мобильді қосымшалар, төлем терминалдары және Қазпошта бөлімшелері арқылы төлеуге болады.
#МӘМСЖАМБЫЛ #әмсқжамбыл

2026 жылы МӘМС-ке кім қанша төлейді?

Posted on by gpshu

Бұл туралы Әлеуметтік медициналық сақтандыру қорының баспасөз қызметі хабарлады.
2026 жылғы қаңтардан бастап «Міндетті әлеуметтік медициналық сақтандыру туралы» Заңға өзгерістер күшіне енді.

Соған сәйкес, жарналар мен аударымдар есептелетін шекті табыс мөлшері өзгерді. Ал мөлшерлемелер бұрынғыдай сақталды.

Жұмыс берушілердің аударымдары – қызметкер табысының 3%-ы
Аударымның ең жоғары мөлшері – айына 102 000 теңгеге дейін

Қызметкерлердің және азаматтық-құқықтық шарттар бойынша жұмыс істейтін тұлғалардың жарналары – табыстың 2%-ы
Ең жоғары жарна – айына 34 000 теңгеге дейін

Жеке кәсіпкерлердің және жеке практикамен айналысатын тұлғалардың жарналары – айына 5 950 теңге (1,4 ЕТЖ 5%)

Дербес төлеушілердің жарналары – айына 4 250 теңге (ЕТЖ 5%)

Жеке кәсіпкерлер мен дербес төлеушілердің жарналарын есептеу үшін ең төменгі жалақы қолданылады. 2026 жылы оның мөлшері – 85 000 теңге

МӘМС жарналарын төлеу жолдары:
«Қазпошта» АҚ кассаларында
екінші деңгейлі банктердің кассалары мен мобильді қосымшаларында
төлем терминалдары арқылы

МӘМС – күтпеген медициналық шығыннан қорғайды.

Дереккөз: https://biz01.kz/?p=3160

Жамбылда денсаулық сақтау саласын жетілдіру жөніндегі кеңес өтті

Posted on by gpshu
Жамбыл облысында ҚР Денсаулық сақтау вице-министрі Әлия Рүстемованың қатысуымен денсаулық сақтау саласын дамытуға арналған үйлестіру кеңесінің отырысы өтті. Жиынның негізгі мақсаты – өңірде көрсетілетін медициналық көмектің сапасы мен қолжетімділігін арттыру.
Кеңес отырысына «Әлеуметтік медициналық сақтандыру қоры» Жамбыл облысы бойынша филиалының директоры Ғайни Аймағанбетова, Жамбыл облысы әкімдігі денсаулық сақтау басқармасының басшысы Сержан Назарбек, ҚР Денсаулық сақтау министрлігі Медициналық көмекті ұйымдастыру департаменті директорының орынбасары Самал Саурова, сондай-ақ салалық ғылыми орталықтардың жетекші өкілдері қатысты.
Жиын барысында қатысушылар өз салалары бойынша мазмұнды баяндамалар жасап, денсаулық сақтау жүйесіндегі өзекті мәселелерді көтерді. Талқылау қорытындысы бойынша анықталған проблемаларды шешуге бағытталған нақты ұсыныстар айтылып, олардың орындалуын қамтамасыз ету жөнінде тиісті шешімдер қабылданды.
Сонымен қатар, кеңес барысында ҚР Денсаулық сақтау министрлігінің мониторингтік тобы жүргізген талдау жұмыстарының алдын ала қорытындылары ұсынылды.
Талдау нәтижелері негізінде өңір тұрғындарына медициналық көмек көрсетудің тиімділігін арттыру, басқарушылық және ұйымдастырушылық үдерістерді жетілдіру мәселелері жан-жақты қарастырылды.

2026 жылы МӘМС-ке кім қанша төлейді?

Posted on by gpshu
2026 жылғы қаңтардан бастап «Міндетті әлеуметтік медициналық сақтандыру туралы» Заңға өзгерістер күшіне енді. Соған сәйкес, жарналар мен аударымдар есептелетін шекті табыс мөлшері өзгерді. Ал мөлшерлемелер бұрынғыдай сақталды.
🔹Жұмыс берушілердің аударымдары – қызметкер табысының 3%-ы
Аударымның ең жоғары мөлшері – айына 102 000 теңгеге дейін
🔹Қызметкерлердің және азаматтық-құқықтық шарттар бойынша жұмыс істейтін тұлғалардың жарналары – табыстың 2%-ы
Ең жоғары жарна – айына 34 000 теңгеге дейін
🔹Жеке кәсіпкерлердің және жеке практикамен айналысатын тұлғалардың жарналары – айына 5 950 теңге (1,4 ЕТЖ 5%)
🔹Дербес төлеушілердің жарналары – айына 4 250 теңге (ЕТЖ 5%)
Жеке кәсіпкерлер мен дербес төлеушілердің жарналарын есептеу үшін ең төменгі жалақы қолданылады. 2026 жылы оның мөлшері – 85 000 теңге
💳 МӘМС жарналарын төлеу жолдары:
• «Қазпошта» АҚ кассаларында
• екінші деңгейлі банктердің кассалары мен мобильді қосымшаларында
• төлем терминалдары арқылы
🛡️ МӘМС – күтпеген медициналық шығыннан қорғайды. Ертеңіңізге сенімді болыңыз!

Ана мен бала МӘМС жүйесінің қорғауында

Posted on by gpshu
Таразда «Әйел саулығы – отбасы бақыты!» форумы өтті. Іс-шара барысында Міндетті әлеуметтік медициналық сақтандыру (МӘМС) жүйесінің әйелдер мен отбасылар үшін маңызы кеңінен талқыланды.
Форумда «Әлеуметтік медициналық сақтандыру қоры» КЕАҚ Жамбыл облысы бойынша филиалы директорының орынбасары Нұрлан Дәрменкұлов баяндама жасап, МӘМС есебінен денсаулық сақтау саласын қаржыландыру көлемінің айтарлықтай артқанын атап өтті. Оның айтуынша, бұл медициналық көмектің қолжетімділігін, сапасын және уақытылы көрсетілуін жақсартуға мүмкіндік беріп отыр.
Сондай-ақ ана мен баланы қорғау бағытында тегін медициналық тексерулер, консультациялар мен ем алу мүмкіндіктері кеңейгені және МӘМС заңына енгізілген өзгерістер кеңінен айтылды.
«Қолданыстағы заңнамаға сәйкес жүкті әйелдер, 18 жасқа дейінгі балалар, сондай-ақ көпбалалы “Күміс алқа” және “Алтын алқа” иегерлері үшін МӘМС жарналарын мемлекет төлейді. Ана мен бала денсаулығы әрқашан қорғауда», – деп атап өтті ол.
Форум барысында өзге спикерлер де өз салалары бойынша ақпарат ұсынды. Атап айтқанда, пациенттердің құқықтарын қорғау, отбасылық және тұрмыстық зорлық-зомбылықтың алдын алу, зорлық-зомбылық құрбандарына кешенді көмек көрсету, сондай-ақ психологиялық қолдау мен емдеудің заманауи тәсілдері сөз болды.
Іс-шара әйелдер денсаулығын сақтау, отбасылық әл-ауқатты арттыру және МӘМС жүйесінің маңызын түсіндіру бағытындағы маңызды диалог алаңына айналды.
#МӘМСЖАМБЫЛ #ӘМСҚЖАМБЫЛ