Денсаулық сақтау жаңалықтары

Жедел респираторлық вирустық инфекциялар (ЖРВИ) – тыныс алу жолдарын зақымдайтын, ауа-тамшы жолы арқылы таралатын жұқпалы аурулар тобы. Әсіресе күз-қыс мезгілінде аурудың таралу қаупі артады. Инфекция адамнан адамға жөтелгенде, түшкіргенде және науқаспен жақын қарым-қатынаста болғанда жұғуы мүмкін.

ЖРВИ-дің негізгі белгілері:

дене қызуының көтерілуі;

мұрынның бітелуі немесе су ағуы;

тамақтың ауыруы;

жөтел;

бас ауруы, әлсіздік;

бұлшықеттердің сырқырауы.

Аурудың алдын алу үшін не істеу керек?

Қолды сабынмен жиі жуыңыз және антисептик қолданыңыз.

Бөлмені үнемі желдетіп, ылғалды тазалау жүргізіңіз.

Адам көп жиналатын орындарда сақтық шараларын ұстаныңыз.

Жөтелгенде немесе түшкіргенде ауыз бен мұрынды майлықпен немесе шынтақтың ішкі жағымен жабыңыз.

Дұрыс тамақтанып, жеткілікті ұйықтап, ағзаның қорғаныс қабілетін нығайтыңыз.

Ауру белгілері байқалса, үйде қалып, өзгелерге жұқтыру қаупін азайтыңыз және дәрігерге қаралыңыз.

Маңызды! Дәрігердің кеңесінсіз антибиотиктерді қабылдамаңыз. Антибиотиктер вирустарға әсер етпейді. Өзін-өзі емдеу аурудың асқынуына әкелуі мүмкін.

Шу қалалық емханасы тұрғындарды өз денсаулығына жауапкершілікпен қарауға, жеке гигиена ережелерін сақтауға және ауру белгілері пайда болған жағдайда уақытылы медициналық көмекке жүгінуге шақырады.

Денсаулықты сақтау – өз қолыңызда!