Автор: gpshu

Репродуктивті денсаулық – болашақ ұрпақтың кепілі

Posted on by gpshu
Репродуктивті денсаулық – адамның дені сау ұрпақ сүйіп, толыққанды отбасылық өмір сүруіне мүмкіндік беретін физикалық, психикалық және әлеуметтік саулықтың маңызды құрамдас бөлігі. Өз денсаулығына жауапкершілікпен қарау – әрбір адамның болашағына салған ең құнды инвестициясы.
🩺 Репродуктивті денсаулықты сақтау үшін:
• профилактикалық медициналық тексерулерден уақытылы өтіп тұру;
• дұрыс әрі теңгерімді тамақтану;
• тұрақты дене белсенділігімен айналысу;
• темекі, алкоголь және басқа да зиянды әдеттерден бас тарту;
• жеке бас гигиенасын сақтау;
• жыныстық жолмен берілетін инфекциялардың алдын алу;
• жүктілікті саналы түрде жоспарлау маңызды.
👩 Әйелдер үшін гинекологқа, ал ер азаматтар үшін уролог немесе андролог дәрігерге тұрақты қаралып тұру көптеген ауруларды ерте кезеңде анықтауға және асқынудың алдын алуға мүмкіндік береді. Ерте диагностика – тиімді емнің кепілі.
🤰 Жүктілікті жоспарлау кезінде болашақ ата-ананың екеуі де медициналық тексеруден өтіп, созылмалы ауруларды емдеп, дәрумендер қабылдау жөнінде дәрігердің кеңесіне жүгінгені дұрыс. Бұл ана мен нәрестенің денсаулығын сақтауға ықпал етеді.
💚 Репродуктивті денсаулыққа қамқорлық – тек бүгінгі емес, келешек ұрпақтың амандығына жасалған маңызды қадам. Денсаулығыңызды күтіңіз, дәрігерге уақытылы қаралыңыз және салауатты өмір салтын ұстаныңыз!

Ана сүтімен қоректендіру – сәби денсаулығының берік негізі

Posted on by gpshu
Ана сүті – жаңа туған нәресте үшін ең құнды әрі табиғи тағам. Ол баланың дұрыс өсіп-жетілуіне қажетті барлық дәрумендерге, минералдарға, ақуыздарға, майларға және көмірсуларға бай. Дүниежүзілік денсаулық сақтау ұйымы (ДДҰ) нәрестені өмірінің алғашқы 6 айында тек ана сүтімен қоректендіруді, ал қосымша тағам енгізілгеннен кейін 2 жасқа дейін және одан да ұзақ емізуді ұсынады.
Ана сүтінің балаға пайдасы
👶 Иммунитетті нығайтады.
Ана сүтінің құрамындағы антиденелер мен қорғаныш факторлары нәрестені түрлі жұқпалы аурулардан қорғайды. Ана сүтімен қоректенетін балаларда ішек инфекциялары, тыныс жолдарының аурулары, аллергиялық аурулар сирек кездеседі.
👶 Ас қорыту жүйесіне жеңіл сіңеді.
Ана сүті нәрестенің асқазан-ішек жолына толықтай бейімделген. Сондықтан ол жеңіл қорытылады және іш қату, іштің кебуі сияқты мәселелердің алдын алады.
👶 Мидың дамуына оң әсер етеді.
Ана сүтіндегі омега-3 май қышқылдары мен басқа да қоректік заттар баланың ақыл-ойының, есте сақтау қабілетінің және жүйке жүйесінің қалыпты дамуына ықпал етеді.
👶 Дұрыс өсу мен дамуды қамтамасыз етеді.
Ана сүті баланың сүйек, бұлшықет және барлық ағзаларының дұрыс қалыптасуына қажетті барлық қоректік заттарды қамтиды.
Ана сүтінің анаға пайдасы
🌸 Босанғаннан кейін жатырдың тез жиырылуына көмектеседі.
🌸 Босанудан кейінгі қан кету қаупін төмендетеді.
🌸 Сүт безі мен аналық без обырының даму қаупін азайтады.
🌸 Қант диабеті мен жүрек-қан тамырлары ауруларының даму қаупін төмендетуге ықпал етеді.
🌸 Ана мен сәби арасындағы эмоционалдық байланысты күшейтеді.
Емізуді қалай дұрыс ұйымдастыру керек?
✔️ Нәрестені туғаннан кейін алғашқы бір сағат ішінде емізуді бастаған дұрыс.
✔️ Баланы сұранысы бойынша емізу ұсынылады. Бұл сүттің жеткілікті бөлінуіне ықпал етеді.
✔️ Алғашқы 6 айда нәрестеге ана сүтінен басқа су, шай немесе қосымша тағам берудің қажеті жоқ (дәрігердің арнайы ұсынысы болмаса).
✔️ Әр емізген сайын кеудені толық босатуға тырысыңыз.
✔️ Ана дұрыс тамақтанып, жеткілікті сұйықтық ішіп, демалыс режимін сақтауы қажет.

МӘМС сөздігі

Posted on by gpshu
Сіз кейбір азаматтар үшін МӘМС жарналарын мемлекет толық төлейтінін білесіз бе? Яғни сіз жұмыс істемесеңіз де және жарнаны өзіңіз төлемесеңіз де, медициналық көмекке қол жеткізе аласыз деген сөз.
Карусельде біз қысқаша түсіндірдік:
— жеңілдік санаттарына кімдер жатады;
— кімдер үшін жарнаны республикалық бюджет төлейді;
— кімдер үшін жергілікті бюджет төлейді;
— және неге Қор жеңілдік санаттарының тізімін өзі қалыптастырмайды.
Егер өзіңізді осы санаттардың бірінен тапсаңыз – демек, сіз МӘМС жүйесінде сақтандырылғансыз және медициналық қызметтерді тегін ала аласыз.
Слайдтарды парақтап, сақтап қойыңыз.

Емханадағы сенбілік

Posted on by gpshu

Республикалық «Таза Қазақстан» экологиялық акциясы аясында Шу қалалық емханасының ұжымы сенбілік жұмыстарын өткізді.
Іс-шараның басты мақсаты – қоршаған ортаның тазалығын сақтау, экологиялық мәдениетті қалыптастыру және тұрғындарға таза әрі жайлы орта қалыптастыруға үлес қосу.
Сенбілік барысында емхана қызметкерлері мекеме аумағын толықтай тазалап, ғимараттың ішкі және сыртқы бөліктерін ретке келтірді.
Тазалық шарасына емхана ұжымы белсенді қатысып, ортақ іске жұмыла атсалысты.
Шу қалалық емханасының ұжымы алдағы уақытта да осындай игі бастамаларды тұрақты түрде жалғастырып, өңірдің тазалығы мен көркеюіне өз үлесін қоса береді.
#Tazaqazaqstan
#тазақазақстан
#тазалықбаршағаортақ

 

 

МӘМС аясында медициналық көмекті қалай алуға болады?

Posted on by gpshu
МӘМС аясында медициналық көмек алу үшін алдымен өзіңіз тіркелген емханаға жүгіну қажет. Дәрігер қарап, қажет болған жағдайда бейінді маманға, тексеруге немесе емдеуге жолдайды.
Денсаулық – ең қымбат байлық. МӘМС – оны қорғаудың сенімді жолы. Денсаулығыңызды күтіңіз!

Артериальная гипертензия (повышенное артериальное давление)

Posted on by gpshu
Артериальная гипертензия – это стойкое повышение артериального давления. Если при повторных измерениях показатели составляют 140/90 мм рт. ст. и выше, необходимо обратиться к врачу. Заболевание нередко протекает бессимптомно, поэтому его часто называют «тихим убийцей».
Основные симптомы:
Головная боль, особенно в затылочной области;
Головокружение;
Шум в ушах;
Затуманивание зрения;
Учащенное сердцебиение;
Общая слабость и быстрая утомляемость.
При этом у многих пациентов заболевание может длительное время не проявляться. Именно поэтому важно регулярно измерять артериальное давление.
Факторы риска:
Наследственная предрасположенность;
Избыточная масса тела и ожирение;
Чрезмерное употребление соли;
Курение и злоупотребление алкоголем;
Малоподвижный образ жизни;
Хронический стресс;
Сахарный диабет и повышенный уровень холестерина.
Чем опасна гипертония?
Неконтролируемое повышение артериального давления может привести к:
инсульту;
инфаркту миокарда;
сердечной недостаточности;
поражению почек;
ухудшению зрения.
Профилактика:
Регулярно контролируйте артериальное давление;
Ограничьте потребление соли до 5 граммов в сутки;
Питайтесь сбалансированно, употребляйте больше овощей и фруктов;
Ежедневно уделяйте не менее 30 минут физической активности;
Откажитесь от курения и ограничьте употребление алкоголя;
Поддерживайте нормальную массу тела;
Принимайте назначенные врачом лекарственные препараты строго по рекомендации.
Помните!
Своевременное выявление и контроль артериальной гипертензии помогают значительно снизить риск развития инфаркта, инсульта и других тяжелых осложнений. Берегите свое здоровье и регулярно контролируйте артериальное давление!

Артериялық гипертензия (жоғары қан қысымы)

Posted on by gpshu
Артериялық гипертензия – қан қысымының тұрақты түрде жоғарылауы. Егер қан қысымы бірнеше рет өлшегенде 140/90 мм сын.бағ. және одан жоғары болса, бұл артериялық гипертензияның белгісі болуы мүмкін. Бұл ауру көбіне ұзақ уақыт бойы ешқандай белгілерсіз өтетіндіктен, оны «үнсіз жау» деп те атайды.
Артериялық гипертензияның белгілері:
Бас ауруы, әсіресе желке тұсының ауырсынуы;
Бас айналу;
Құлақтағы шу;
Көздің бұлдырауы;
Жүрек қағуы;
Әлсіздік, тез шаршағыштық.
Алайда көптеген адамдарда ауру ешбір белгісіз өтуі мүмкін. Сондықтан қан қысымын тұрақты түрде өлшеп отыру өте маңызды.
Қауіп факторлары:
Тұқым қуалаушылық;
Артық салмақ пен семіздік;
Дұрыс тамақтанбау, тұзды көп тұтыну;
Темекі шегу және алкогольді шамадан тыс пайдалану;
Қимыл-қозғалыстың аздығы;
Созылмалы күйзеліс;
Қант диабеті мен қандағы холестерин деңгейінің жоғары болуы.
Неліктен қауіпті?
Емделмеген немесе бақылаусыз қалған жоғары қан қысымы:
Инсультке;
Жүрек инфарктісіне;
Жүрек жеткіліксіздігіне;
Бүйрек қызметінің бұзылуына;
Көру қабілетінің төмендеуіне әкелуі мүмкін.
Алдын алу жолдары:
Қан қысымын жүйелі түрде бақылаңыз;
Тұзды тәулігіне 5 грамнан артық қолданбаңыз;
Көкөніс пен жеміс-жидекті көбірек тұтыныңыз;
Белсенді өмір салтын ұстанып, күн сайын кемінде 30 минут дене белсенділігімен айналысыңыз;
Темекіден бас тартып, алкогольді шектеңіз;
Дене салмағын қалыпты деңгейде ұстаңыз;
Дәрігер тағайындаған дәрілерді үзбей қабылдаңыз.
Есіңізде болсын!
Артериялық гипертензияны ерте анықтау және уақытылы емдеу жүрек-қан тамырлары ауруларының ауыр асқынуларының алдын алуға мүмкіндік береді. Өз денсаулығыңызға жауапкершілікпен қарап, қан қысымыңызды тұрақты бақылауда ұстаңыз!

Неліктен дәрігер мен пациенттің өзара құрметі емдеу сапасына әсер етеді?

Posted on by gpshu
Сапалы медициналық көмек дәрігердің кәсіби біліктілігіне ғана емес, дәрігер мен пациент арасындағы сенімге, ашық қарым-қатынас пен өзара құрметке де байланысты.
Өзара сыйластық қалыптасқан жағдайда:
✔ дәрігер науқастың денсаулық жағдайы туралы толық әрі нақты ақпарат алады;
✔ пациент дәрігердің ұсынымдарын мұқият тыңдап, емдеу тәртібін сақтайды;
✔ түсінбеушілік пен қателіктердің алдын алуға мүмкіндік туады;
✔ емдеу нәтижесіне тиімді әрі жылдам қол жеткізіледі.
Науқастың денсаулығына алаңдап, қобалжуы – табиғи жағдай. Ал дәрігер күн сайын көптеген пациентті қабылдап, әрбір медициналық шешім үшін үлкен жауапкершілік арқалайды. Сондықтан сабырлы диалог пен өзара құрмет екі тарапқа да ортақ мақсатқа – денсаулықты жақсартуға жетуге көмектеседі.
#МӘМСЖАМБЫЛ #ӘМСҚЖАМБЫЛ

МӘМС аясында күндізгі стационарда ем алуға бола ма?

Posted on by gpshu
МӘМС жүйесі аясында сақтандырылған азаматтар медициналық көрсетілімдер және дәрігердің жолдамасы болған жағдайда күндізгі стационар жағдайында медициналық көмек ала алады. Көрсетілетін қызметтердің тізімі диагнозға және емдеудің клиникалық хаттамаларына байланысты.
✅ Күндізгі стационарда қолжетімді қызметтер:
• бейінді мамандардың консультациялары;
• диагностикалық тексерулер;
• инфузиялық терапия (тамшылатып дәрі енгізу);
• инъекциялар және басқа да емдік процедуралар;
• медицина қызметкерлерінің бақылауы.
Жолдама алу үшін өзіңіздің учаскелік дәрігеріңізге жүгініңіз.
МӘМС жүйесінде сақтандырылған мәртебеңізді тексеріп, денсаулығыңызды дер кезінде бақылауда ұстаңыз!❤️

Есірткіге тәуелділік – денсаулық пен өмірге төнген үлкен қауіп

Posted on by gpshu
Есірткіге тәуелділік – адамның физикалық және психологиялық денсаулығына ауыр зиян келтіретін созылмалы ауру. Ол адамның ойлау қабілетіне, мінез-құлқына, еңбекке қабілеттілігіне және жақындарымен қарым-қатынасына кері әсер етеді.
Есірткіні қолдану жүрек-қантамыр, жүйке жүйесі, бауыр және басқа да мүшелердің қызметін бұзады. Сонымен қатар, жұқпалы аурулардың таралу қаупін арттырып, өмір сүру ұзақтығын қысқартуы мүмкін.
Есірткіге «бір рет қана» қызығушылықпен жүгіну де тәуелділіктің басталуына себеп болуы ықтимал. Сондықтан өз денсаулығыңызға жауапкершілікпен қарап, зиянды әдеттерден аулақ болған жөн.
Егер сіз немесе жақыныңыз есірткіге тәуелділік мәселесіне тап болса, медициналық көмекке уақытылы жүгіну маңызды. Ерте басталған ем мен қолдау адамның қалыпты өмірге оралу мүмкіндігін арттырады.
Денсаулық – ең қымбат байлық. Өзіңізді және жақындарыңызды қорғаңыз!