Автор: gpshu

Ұлттық киім – ұлтымыздың айнасы

Posted on by gpshu
Ұлттық киім – халқымыздың рухани қазынасы,
тарихы мен мәдениетінің айнасы.
✨ Әр ою, әр өрнек – ата-бабадан жеткен аманат, ұрпақтан ұрпаққа жалғасқан асыл мұра.
🧵 Бүгінгі күні ұлттық нақыштағы киімдер заманауи сәнмен үйлесіп, қайта жаңғырып келеді.
🇰🇿 Ұлттық киімді кию – тек сән емес, ұлтыңа деген құрмет, тамырыңа деген тағзым.
💫 Бүгін біз ұлттық болмысымызды дәріптеп,
дәстүрімізді ұлықтаймыз!
🎉 Ұлттық киімдер күні құтты болсын!

Емхана ұжымы ұлттық киімді ұлықтады

Posted on by gpshu
Шу қалалық емханасының ұжымы Ұлттық киім күніне орай ұлттық нақыштағы киімдер киіп, мерекенің сәнін кіргізді. Бұл бастама арқылы медицина қызметкерлері халқымыздың бай мәдени мұрасын дәріптеп, ұлттық құндылықтарға деген құрметін көрсетті.
Әсем камзолдар мен шапандар, ою-өрнекпен безендірілген киімдер ұжымға ерекше көрік беріп, мерекелік көңіл-күй сыйлады. Осындай игі шаралар ұлттық дәстүрлерімізді жаңғыртып, жас ұрпаққа өнеге болары сөзсіз.

Мен жүктімін, жұмыссызбын – неге жеңілдік мәртебем тоқтатылды?

Posted on by gpshu
Халық тарапынан жиі қойылатын сұрақтың бірі — “Мен ресми жұмыс істемеймін, бірақ жүкті бола тұра жеңілдік мәртебесінен шығып қалдым. Неліктен?” деген сауал.
Жүйеде міндетті зейнетақы жарналары немесе әлеуметтік аударымдар пайда болған жағдайда жеңілдік мәртебесі алынып тасталуы мүмкін. Бұл – әйелдің табыс алып, «жұмыс істемейтін» санатына сәйкес келмейтінін білдіреді.
Мұндай жағдай көбіне жүкті әйелдердің жеке кәсіпкер ретінде тіркеліп, аударымдар жасауы салдарынан орын алады. Мәртебені қалпына келтіру үшін жеке кәсіпкерліктің қызметін ресми тоқтату қажет.

МӘМС туралы 5 жаңсақ пікір

Posted on by gpshu
❗️Азаматтар арасында МӘМС жүйесі туралы көптеген жаңсақ пікірлер айтылып жатады. Солардың бірнешесін талқылайық:
1. МӘМС арқылы тек мемлекеттік емханаларда ғана емделуге болады деп ойлайтындар бар.
— Шын мәнінде, МӘМС аясында медициналық қызметтерді Қормен келісімшарт жасасқан жеке клиникаларда да алуға болады.
2. Азаматтар МӘМС жарналарын тағы бір салық түрі деп есептейді.
— Жоқ, МӘМС – бұл медициналық қызметтердің сапасы мен қолжетімділігін арттыруға арналған ұзақ мерзімді мемлекеттік бағдарлама. Ол емделуге кететін шығындарды азайтуға көмектеседі.
3. МӘМС тегін медицинаны алмастырады.
— МӘМС жүйесі тегін медициналық көмектің кепілдік берілген көлемін алмастырмайды, оны толықтырады.
4. МӘМС үшін төлемесеңіз, жедел жәрдем шақыра алмайсыз.
— Жоқ, жедел жәрдем шақыру тегін медициналық көмек аясында көрсетіледі. Бұл үшін сақтандырылған мәртебесі қажет емес.
5. МӘМС аясында тек арзан анализдер ғана тапсыруға болады деп жатады.
— МӘМС аясында қымбат зерттеулерді де тапсыруға болады. Сондай-ақ дәрігердің тағайындауымен толық диагностикадан өтуге мүмкіндік бар.

Адам папиллома вирусы

Posted on by gpshu
🦠 Адам папиллома вирусы (АПВ) – бұл өте кең таралған вирус. Ол көбінесе жыныстық қатынас арқылы жұғады. Әлемде бұл вирустың 100-ден астам түрі бар, олардың кейбірі адам денсаулығына қауіпті болуы мүмкін.
⚠️ Кейбір түрлері жатыр мойны обырына, сонымен қатар тамақ, жыныс мүшелері және тері обырының дамуына себеп болуы мүмкін. Бірақ көп жағдайда вирус адамның ағзасында еш белгісіз өтіп кетеді.
👩‍⚕️ Жұғу жолдары:
• жыныстық қатынас арқылы
• тері мен шырышты қабаттың тығыз жанасуы арқылы
• сирек жағдайда анадан балаға босану кезінде
🔍 Белгілері:
• теріде немесе жыныс мүшелерінде сүйелдер пайда болуы
• көп жағдайда ешқандай белгі байқалмауы мүмкін
🛡 Алдын алу жолдары:
• вакцинация
• тұрақты медициналық тексеру
• жеке гигиенаны сақтау
• қауіпсіз жыныстық қатынас

Жыныстық жолмен жұғатын инфекциялар

Posted on by gpshu
Жыныстық жолмен жұғатын инфекциялар – бұл адамнан адамға негізінен жыныстық қатынас арқылы берілетін аурулар. Олар қорғалмаған жыныстық қатынас кезінде, кей жағдайда қан арқылы немесе анадан балаға жұғуы мүмкін.
🔹 Ең жиі кездесетін ЖЖЖИ:
• Мерез (сифилис)
• Гонорея
• Хламидиоз
• Адам папиллома вирусы (HPV)
• АИТВ / ВИЧ
• Герпес
🔹 Белгілері:
• жыныс мүшелерінде қышу немесе күйдіру 🔥
• ерекше бөлінділердің пайда болуы
• ауырсыну немесе жайсыздық
• денеде бөртпелердің шығуы
❗ Кейде бұл инфекциялар ешқандай белгісіз де өтуі мүмкін, сондықтан уақтылы тексерілу өте маңызды.
🔹 Алдын алу жолдары:
✅ қорғаныш құралдарын (презерватив) қолдану
✅ тұрақты бір серіктеспен қарым-қатынас
✅ дәрігерге тұрақты тексеріліп тұру
✅ жеке гигиенаны сақтау
👩‍⚕️ Маңызды: Егер күмәнді белгілер байқалса, өздігінен ем қабылдамай, міндетті түрде дәрігерге қаралыңыз. Ерте анықталған инфекцияны емдеу әлдеқайда жеңіл.

ЖРВИ және тұмау туралы не білу керек?

Posted on by gpshu
ЖРВИ (жедел респираторлық вирустық инфекциялар) және тұмау – тыныс алу жолдарын зақымдайтын кең таралған жұқпалы аурулар. Олар көбіне ауа-тамшы жолымен жұғады: жөтелгенде, түшкіргенде немесе науқас адаммен жақын қарым-қатынаста болғанда.
🤒 Негізгі белгілері:
• дене қызуының көтерілуі
• тамақтың ауруы
• жөтел, мұрын бітелуі
• әлсіздік, бас ауруы
• бұлшықет ауруы
💉 Алдын алудың ең тиімді жолы – вакцинация.
Тұмауға қарсы вакцина ағзаның иммунитетін қалыптастырып, аурудың ауыр өтуінен және асқынулардан қорғайды.
✔ Вакцина:
• аурудың ауыр түрінен қорғайды
• асқынулардың (пневмония, бронхит) алдын алады
• балалар, қарт адамдар және созылмалы ауруы бар науқастар үшін өте маңызды
🛡 Қосымша сақтық шаралары:
• қолды жиі жуу
• адам көп жиналатын жерлерде маска тағу
• бөлмені жиі желдету
• дұрыс тамақтану және жеткілікті ұйқы
👩‍⚕️ Денсаулығыңызды қорғаңыз – уақтылы вакцина алыңыз!

Пациенттерді қолдау қызметіне қандай жағдайларда жүгіне аласыз?

Posted on by gpshu
✅ учаскелік дәрігер болмаса, оған жазыла алмасаңыз немесе сізді қабылдаудан бас тартса;
✅ аумақтық принцип бойынша емханаға тіркелген болсаңыз да, учаскелік дәрігер/медбике немесе фельдшер медициналық көрсеткіштеріңіз бола тұра үйге шақыртуыңызға бармаса;
✅ бейінді маманның кеңесіне жазыла алмасаңыз, маман болмаса немесе оған бір айдан кейін жазылыңыз десе;
✅ медициналық көрсеткіштеріңіз бойынша тиісті диагностикалық немесе зертханалық қызметтерге жолдама берілмесе;
✅ жүргізілген тексерістің нәтижелерімен сізді таныстырмаса;
✅ диагноздың немесе тағайындалған емнің дұрыстығына күмәндансаңыз;
✅ көрсетілген медициналық көмектің сапасына көңіліңіз толмаса;
✅ дәрігер қабылдау кезінде дөрекілік танытса немесе өзін талапқа сай ұстамаса;
✅ өзіңіздің медициналық жазбаларыңызда қате деректерді немесе жазбаларды анықтасаңыз;
✅ жалпы медицина қызметкерлері мен медициналық ұйымның қызмет көрсету сапасына көңіліңіз толмаса.
Пациенттерді қолдау қызметі – «осында және қазір» көмек көрсету.

Қызылша – бұл өте жұқпалы вирус

Posted on by gpshu
Қызылша – бұл өте жұқпалы вирус. Ол тез тарайды және ауыр асқынулар тудыруы мүмкін. Сондықтан алдын алу өте маңызды! 💡
Белгілері:
🌡️ Қызба, дене қызуының көтерілуі
🩸 Теріде қызыл дақтар мен бөртпе
🤧 Жөтел, мұрын бітелуі, көзден жас ағу
😷 Шаршау, жалпы әлсіздік
Қауіп:
Егер ауру асқынып кетсе, пневмония, құлақ инфекциясы, ми қабынуы сияқты ауыр асқынулар мүмкін. ⚠️
Алдын алу:
💉 Вакцинация – ең сенімді қорғау
🧴 Қолды жиі жуу, жеке гигиена сақтау
🏠 Ауру адаммен тікелей байланыстан аулақ болу
Есіңізде болсын: Қызылшадан қорғану оңай – уақытында вакцина қабылдау арқылы! 💖
Сіз және балаңыздың денсаулығы – басты құндылық! 🌟

Күндізгі стационарда МӘМС аясында ем қабылдауда

Posted on by gpshu
Тараз қаласының тұрғыны Гүлмира Мамырова өзі тіркелген №5 қалалық емхананың күндізгі стационарында ем алып жатыр. Дәрігерлер оған омыртқа остеохондрозы диагнозын қойған.
Пациенттің айтуынша, омыртқааралық дискілердің қысылуы қозғалысын шектеп, қатты ауырсыну сезімін тудырған. Осыған байланысты ол тіркелген емханасына жүгініп, дәрігердің жолдамасымен күндізгі стационарға жатқызылған.
Күндізгі стационардың терапевт дәрігері Салтанат Балгараева пациентке клиникалық хаттамаға сәйкес ем тағайындағанын, қазіргі уақытта қажетті медициналық көмек көрсетіліп жатқанын айтты.
Айта кетейік, пациентке барлық ем-шара МӘМС жүйесі аясында көрсетілуде.