Рубрика: Денсаулық сақтау жаңалықтары

ЖЫНЫСТЫҚ ЖОЛМЕН ЖҰҒАТЫН ИНФЕКЦИЯЛАР (ИППП)

Posted on by gpshu
Жыныстық жолмен жұғатын инфекциялар (ЖЖЖИ) – қорғалмаған жыныстық қатынас арқылы берілетін жұқпалы аурулар. Бұл инфекциялар денсаулыққа айтарлықтай зиян келтіріп, дер кезінде емделмеген жағдайда ауыр асқынуларға әкелуі мүмкін.
🔎 Ең жиі кездесетін инфекциялар:
ВИЧ-инфекция
СПИД
Сифилис
Гонорея
Хламидиоз
Трихомониаз
Гепатит B
Гепатит C
⚠️ Белгілері:
Жыныс мүшелерінен бөлінділердің пайда болуы
Қышу, ашыту, ауырсыну
Зәр шығару кезінде жайсыздық
Теріде бөртпе немесе жаралардың шығуы
Кейбір инфекциялар ешқандай белгі бермеуі мүмкін! Сондықтан тұрақты түрде тексеріліп тұру маңызды.
✅ Алдын алу жолдары:
Қорғаныш құралдарын (презерватив) қолдану
Бір тұрақты серіктеспен қарым-қатынаста болу
Жылына кемінде бір рет медициналық тексеруден өту
Вакцинация (гепатит В-ға қарсы)
👩‍⚕️ Өз денсаулығыңызға жауапкершілікпен қарап, уақытылы тексеріліңіз! Ерте анықталған инфекция толық емделеді.

Қызылша (корь) – қауіпті жұқпалы ауру

Posted on by gpshu
Қызылша – ауа арқылы тез таралатын, әсіресе балалар арасында жиі кездесетін жұқпалы ауру. Ол жоғары қызбамен 🌡️, жөтелмен 😷, көздің қабынуымен 👀 және денеге шығатын бөртпемен 🔴 көрінеді.
❗ Қауіптілігі неде?
Қызылша асқынған жағдайда:
өкпе қабынуына 🫁
құлақтың қабынуына 👂
ми қабынуына 🧠
әкелуі мүмкін. Кей жағдайларда өмірге қауіп төндіреді.
💉 Қорғанудың ең тиімді жолы – вакцинация!
Қызылшаға қарсы вакцина:
✅ аурудың алдын алады
✅ асқынулардан қорғайды
✅ ұжымдық иммунитет қалыптастырады.
👶 Вакцина қашан салынады?
Ұлттық егу күнтізбесіне сәйкес балаларға жоспарлы түрде тегін егіледі.
🤝 Өз денсаулығыңызды және жақындарыңызды қорғаңыз!
Уақтылы екпе алыңыз – бұл өзіңізге де, қоғамға да жауапкершілік ❤️
📍 Қосымша ақпарат алу үшін емхана дәрігерлеріне жүгініңіз.
💙 Денсаулығыңыз – басты байлығыңыз!

Пациент құқығы: Пациенттерді қолдау қызметі қалай жұмыс істейді?

Posted on by gpshu
Әрбір азамат сапалы және қауіпсіз медициналық көмек алуға құқылы. Бұл құқық Қазақстан Республикасының «Халық денсаулығы және денсаулық сақтау жүйесі туралы» Кодексінде бекітілген. Дегенмен, тәжірибе көрсеткендей, медициналық қызмет сапасына, қызмет көрсету тәртібіне немесе медициналық персоналмен қарым-қатынасқа қатысты сұрақтар туындап жатады.
Мұндай жағдайда пациенттердің құқығын қорғау үшін медициналық ұйымдарда Пациенттерді қолдау қызметі жұмыс істейді. Бұл қызмет әлеуметтік медициналық сақтандыру қорының Жамбыл облыстық филиалының бақылауында. Филиал директоры Ғайни Аймағанбетова атап өткендей, қызмет пациенттердің құқықтарын қорғауға және медициналық көмектің сапасын бақылауға бағытталған.
✅Қызметке келесі жағдайларда жүгінуге болады:
Медициналық көмектің сапасына қанағаттанбаған жағдайда;
Медицина қызметкерлерінің дөрекі немесе әдепсіз қарым-қатынасына тап болғанда;
Медициналық көмектің сапасы немесе көрсетілу тәртібіне қатысты өзге мәселелер туындағанда.
✅Пациенттерді қолдау қызметінің негізгі міндеттері:
Өтініштер мен шағымдарды жедел қарау;
Мәселелерді «Осы жерде және қазір» қағидаты бойынша шешу;
Құрылымдық бөлімше басшыларының уақытылы әрекет етуін қамтамасыз ету;
Өтініштерді комиссиялық тәртіпте объективті қарау.
Қор филиалы басшысы атап өткендей, барлық өтініштер қаралып, ресми жауап ұсынылады және пациенттердің құқықтары толық қорғалады.
Дереккөз: https://08info.kz/
#МӘМСЖАМБЫЛ #ӘМСҚЖАМБЫЛ

Қате немесе артық төленген МӘМС жарналарын қайтарып алуға болады?

Posted on by gpshu
Бұл қызмет «Азаматтарға арналған үкімет» мемлекеттік корпорациясы арқылы жүзеге асырылады. Ол үшін Мемлекеттік корпорацияға қағаз түрінде өтініш беру қажет.
📝 Егер сіз дербес төлеуші болсаңыз, өтініш үлгі бойынша толтырылады.
📝 Ал жұмыс беруші арқылы өтініш берілген жағдайда, қызметкердің қаражатын қайтаруға берген келісімі қоса тіркелуі тиіс.
Мемлекеттік корпорацияның мекенжайлары мен өтініш үлгілері Әлеуметтік медициналық сақтандыру қорының ресми сайтында бар.
Қаражат өтініш берілген күннен бастап 15 жұмыс күні ішінде қайтарылады.
Қаражатты қайтарудан бас тартатын кездер болады. Оның себептері мыналар:
— МӘМС жарналары бойынша бұрынғы төленбеген кезеңдер үшін берешек болса;
— құжаттарда мәліметтер дұрыс көрсетілмесе;
— өтініш заңнама талаптарына сәйкес келмесе;
— дербес деректерді өңдеуге келісім болмаса.
#МӘМСЖАМБЫЛ #ӘМСҚЖАМБЫЛ

Жедел респираторлық вирустық инфекция (ЖРВИ / ОРВИ) туралы не білу керек?

Posted on by gpshu
ЖРВИ (орысша – ОРВИ) – тыныс алу жолдарын зақымдайтын вирустық инфекциялар тобы. Күз-қыс мезгілінде жиі кездеседі және адамнан адамға тез жұғады.
Негізгі белгілері:
Дене қызуының көтерілуі
Мұрынның бітелуі, су ағуы
Тамақтың жыбырлауы немесе ауыруы
Жөтел
Әлсіздік, бас ауруы
Қалай жұғады?
Ауа-тамшы жолы арқылы (жөтелгенде, түшкіргенде)
Қол алысу, ортақ заттарды пайдалану арқылы
Алдын алу шаралары:
Қолды жиі сабындап жуу
Қоғамдық орындарда маска тағу
Бөлмені жиі желдету
Дұрыс тамақтану, дәрумендер қабылдау
Адам көп жиналатын жерлерден мүмкіндігінше аулақ болу
Қашан дәрігерге қаралу керек?
Дене қызуы 3 күннен артық түспесе
Қатты жөтел, ентігу пайда болса
Балаларда немесе созылмалы ауруы бар адамдарда жағдай нашарласа
Өзін-өзі емдеумен айналыспай, алғашқы белгілер байқалған жағдайда учаскелік дәрігерге жүгінген жөн. Ерте басталған ем – асқынудың алдын алады.
Денсаулығыңызды күтіңіз!

МӘМС арқылы жекеменшік клиникаларда ем алуға бола ма?

Posted on by gpshu
«Эскулап» емдеу орталығының бас дәрігерінің ұйымдастыру-әдістемелік жұмыстар жөніндегі орынбасары Гүлзада Абаева орталықта міндетті әлеуметтік медициналық сақтандыру (МӘМС) жүйесі аясында тұрғындарға ұсынылатын қызмет түрлері туралы айтып өтті.
МӘМС жүйесі енгізілгеннен бері жамбылдықтар медициналық көмекті тек мемлекеттік мекемелерден ғана емес, сонымен қатар жекеменшік клиникалардан да алу мүмкіндігіне ие. Бұл – сақтандыру жүйесінің басты артықшылықтарының бірі.
Пациент тіркелген емханасы арқылы МӘМС аясында қызмет көрсететін кез келген медициналық ұйымға жолдама ала алады. Мұндай жағдайда азамат медициналық қызмет үшін ақы төлемейді, себебі шығындар Әлеуметтік медициналық сақтандыру қоры есебінен өтеледі.
Егер тіркелген емханада қажетті бейінді маман болмаса немесе диагностика жүргізуге арналған жабдық жеткіліксіз болса, пациент басқа клиникаға жіберіледі. Мысалы, кейбір учаскелік емханаларда тұрғындар саны аз болғандықтан тар бейінді дәрігерлер жұмыс істемейді немесе УДЗ, рентген сияқты құрылғылар қарастырылмаған. Осындай жағдайда тұрғындар келісім бойынша жұмыс істейтін медициналық ұйымдарға жолданады.
Сонымен қатар емханада маман мен құрал-жабдық болғанымен, қабылдауға жазылу бірнеше айға созылып кетсе, бұл тетік тағы да қолданылады. Дәрігердің еңбек демалысына шығуы немесе аппараттың уақытша істен шығуы кезінде де пациент балама клиникаға жолдама сұрай алады.
Айта кету керек, пациент тек Қордың жеткізушілер базасына енгізілген жекеменшік клиникаларға ғана жіберіледі. Бұл үшін тіркелген емхананың алдын ала келісімшарт жасауы міндетті емес – жолдама берілген сәтте ақпараттық жүйе арқылы келісім автоматты түрде рәсімделеді.
Жекеменшік клиникаларда тұрғындар консультативтік және диагностикалық қызметтермен қатар, күндізгі немесе тәулік бойы стационарда емделуге, сондай-ақ МӘМС пакетіне кіретін операциялық көмекті алуға мүмкіндік алады.
Еске сала кетейік, МӘМС бойынша медициналық қызмет алу үшін азаматтың сақтандырылған мәртебесі болуы қажет.

Адам папиллома вирусы (АПВ) деген не?

Posted on by gpshu
Адам папиллома вирусы (АПВ) — өте кең таралған вирустар тобы. Оның 200-ден астам түрі бар. Кейбір түрлері теріде сүйел (бородавка) шығарады, ал қауіпті түрлері қатерлі ісікке әкелуі мүмкін.
⚠️ Қалай жұғады? / Как передается?
🔹 тері-тері жанасу арқылы
🔹 жыныстық қатынас кезінде
🔹 сирек жағдайда тұрмыстық жолмен
👉 Көп адамдар вирус жұқтырғанын білмеуі мүмкін.
🚨 Қандай ауруларға әкелуі мүмкін?
✔ сүйелдер
✔ жатыр мойны обыры
✔ тамақ, ауыз қуысы, аналь аймақ обыры
💉 АПВ-ға қарсы вакцина
АПВ-ға қарсы вакцина — қатерлі ісіктің алдын алудың тиімді жолы.
Ол ағзаны ең қауіпті вирус түрлерінен қорғайды.
🔹 9–14 жас аралығында егу ұсынылады
🔹 қыздарға да, ұлдарға да жасалады
🔹 қауіпсіз және тиімді.
🛡 Қалай қорғануға болады?
✅ вакцина алу
✅ жеке гигиена сақтау
✅ тұрақты медициналық тексерілу.

ҚЫЗЫЛША (КОРЬ) ЖӘНЕ ОҒАН ҚАРСЫ ВАКЦИНА

Posted on by gpshu
Қызылша – өте жұқпалы вирустық инфекция. Оның қоздырғышы – Morbillivirus вирусы. Ауру ауа-тамшы жолы арқылы тез таралады және әсіресе вакцина алмаған балалар мен ересектер арасында жиі кездеседі.
Белгілері:
Дене қызуының 38–40°С-қа дейін көтерілуі
Жөтел, мұрыннан су ағу
Көздің қызаруы
Ауыз қуысының шырышты қабатында ақ дақтардың пайда болуы
3–5 күннен кейін денеге бөртпенің шығуы
Қызылша асқынған жағдайда пневмония, отит, энцефалит сияқты қауіпті жағдайларға әкелуі мүмкін.
🛡 Алдын алудың ең тиімді жолы – вакцинация.
Қазақстан Республикасының Ұлттық егу күнтізбесіне сәйкес қызылшаға қарсы вакцина балаларға 1 жаста және 6 жаста салынады. Вакцина иммунитет қалыптастырып, аурудың ауыр өтуінен қорғайды.
Вакцина қауіпсіз және тиімді. Ұжымдық иммунитет қалыптасуы үшін халықтың басым бөлігі вакцина алуы маңызды.

Вакцина против кори – защита здоровья вашего ребенка!

Posted on by gpshu
🔴 Корь – это высоко заразное вирусное заболевание, которое передается воздушно-капельным путем. Основные симптомы: высокая температура, кашель, насморк, покраснение глаз и сыпь на теле.
⚠️ Корь может вызвать серьезные осложнения: ▪️ пневмонию
▪️ отит
▪️ воспаление головного мозга
▪️ в тяжелых случаях – угрозу жизни
💉 Вакцинация – самый эффективный способ защиты от кори!
Согласно Национальному календарю прививок РК: 📌 1 доза – в 12 месяцев
📌 2 доза – в 6 лет
✅ Вакцина предоставляется бесплатно
✅ Безопасна и эффективна
✅ Формирует надежный иммунитет
👨‍⚕️ Защитите здоровье вашего ребенка – сделайте прививку вовремя!
За дополнительной информацией обращайтесь в поликлинику 📞

Қызылшаға қарсы вакцина – балаңыздың қауіпсіздігі!

Posted on by gpshu
🔴 Қызылша – өте жұқпалы вирустық ауру. Ауа арқылы тез таралады. Аурудың белгілері: дене қызуының көтерілуі, жөтел, мұрыннан су ағу, көздің қызаруы және денеге бөртпе шығуы.
⚠️ Қызылша асқынуларға әкелуі мүмкін: ▪️ өкпе қабынуы
▪️ құлақ қабынуы
▪️ ми қабынуы
▪️ ауыр жағдайда – өмірге қауіп төндіреді
💉 Вакцинация – қызылшадан қорғанудың ең тиімді жолы!
Қазақстан Республикасының Ұлттық егу күнтізбесіне сәйкес: 📌 1-доза – 12 айда
📌 2-доза – 6 жаста
✅ Вакцина тегін жүргізіледі
✅ Қауіпсіз және тиімді
✅ Иммунитет қалыптастырады
👨‍⚕️ Балаңыздың денсаулығын қорғаңыз! Уақытылы екпе алыңыз!
Толық ақпарат алу үшін емханаңызға хабарласыңыз 📞