Рубрика: Емхана жаңалықтары

Дүниежүзілік ауыз қуысының денсаулық күніне орай өткен іс-шара

Posted on by gpshu
🦷 20 наурыз – Дүниежүзілік ауыз қуысының денсаулық күніне орай түрлі ақпараттық іс-шаралар ұйымдастырылуда. Аталған күннің басты мақсаты – тұрғындарға ауыз қуысының саулығын сақтау жолдарын түсіндіру және дұрыс гигиеналық әдеттерді қалыптастыру.
🏫 Осыған орай Шу қаласындағы №40 мектеп оқушылары арасында танымдық шара өтті. Іс-шараны Шу қалалық емханасының Салауатты өмір салтын қалыптастыру (СӨС) дәрігері ұйымдастырып, оқушыларға ауыз қуысының күтімі туралы кеңінен ақпарат берді.
😁 Кездесу барысында маман тіс күтімінің маңыздылығын түсіндіріп, тіс жегісі мен қызыл иек ауруларының алдын алу жолдарына тоқталды. Сондай-ақ, дұрыс тіс тазалау әдістері көрсетіліп, оқушылардың сұрақтарына жауап берілді.
🪥 Шара барысында балаларға күніне екі рет тіс тазалау, тәтті тағамдарды шектен тыс қолданбау және уақытылы стоматологқа қаралу қажеттігі айтылды. Бұл кеңестер оқушылардың денсаулыққа деген жауапкершілігін арттыруға бағытталды.
✨ Осындай тәрбиелік мәні зор іс-шаралар жас ұрпақтың денсаулығын нығайтуға, салауатты өмір салтын ұстануына және жарқын болашаққа қадам жасауына септігін тигізеді.

20 наурыз – Дүниежүзілік ауыз қуысының денсаулық күні

Posted on by gpshu
🦷 20 наурыз – Дүниежүзілік ауыз қуысының денсаулық күніне орай түрлі ақпараттық іс-шаралар ұйымдастырылуда. Аталған күннің басты мақсаты – тұрғындарға ауыз қуысының саулығын сақтау жолдарын түсіндіру және дұрыс гигиеналық әдеттерді қалыптастыру.
🏫 Осыған орай Шу қаласындағы №40 мектеп оқушылары арасында танымдық шара өтті. Іс-шараны Шу қалалық емханасының Салауатты өмір салтын қалыптастыру (СӨС) дәрігері ұйымдастырып, оқушыларға ауыз қуысының күтімі туралы кеңінен ақпарат берді.
😁 Кездесу барысында маман тіс күтімінің маңыздылығын түсіндіріп, тіс жегісі мен қызыл иек ауруларының алдын алу жолдарына тоқталды. Сондай-ақ, дұрыс тіс тазалау әдістері көрсетіліп, оқушылардың сұрақтарына жауап берілді.
🪥 Шара барысында балаларға күніне екі рет тіс тазалау, тәтті тағамдарды шектен тыс қолданбау және уақытылы стоматологқа қаралу қажеттігі айтылды. Бұл кеңестер оқушылардың денсаулыққа деген жауапкершілігін арттыруға бағытталды.
✨ Осындай тәрбиелік мәні зор іс-шаралар жас ұрпақтың денсаулығын нығайтуға, салауатты өмір салтын ұстануына және жарқын болашаққа қадам жасауына септігін тигізеді.

ҰЛТТЫҚ КИІМ — ҰЛТТЫҚ БОЛМЫСТЫҢ КӨРІНІСІ

Posted on by gpshu
Ұлттық киім күніне орай Шу қалалық емханасының қызметкерлері ұлттық нақыштағы киім киіп, мерекенің мәнін арттырды.
Бұл бастама – ата-бабадан мұра болып қалған салт-дәстүрді ұлықтап, ұлттық құндылықтарды дәріптеудің жарқын үлгісі.
Ұлттық киім – тек сән емес, тарих, мәдениет және ұлттың болмысын айқындайтын асыл қазына. Осындай игі шаралар арқылы төл мәдениетімізге деген құрмет арта түседі.

ҰЛТТЫҚ КИІМ – ҰЛТ РУХЫ

Posted on by gpshu
Бүгін – Ұлттық киім күні 👘
Бұл күн – ата-бабамыздан қалған асыл мұраны ұлықтайтын, тарихымыз бен мәдениетімізді дәріптейтін ерекше мереке.
Қазақтың ұлттық киімі – тек сән емес, ол терең мәнге ие. Әр ою-өрнек, әрбір нақыш – халқымыздың болмысын, дүниетанымын бейнелейді ✨
Ұлттық киім кию – өткенге тағзым, болашаққа аманат. Бүгінгі ұрпақ ата дәстүрін жалғап, ұлттық құндылықтарды дәріптеуге тиіс 🇰🇿
Киім арқылы тарих сөйлейді…
Ал біз сол тарихты мақтанышпен жалғастырамыз!

Ұлттық киім – ұлтымыздың айнасы

Posted on by gpshu
Ұлттық киім – халқымыздың рухани қазынасы,
тарихы мен мәдениетінің айнасы.
✨ Әр ою, әр өрнек – ата-бабадан жеткен аманат, ұрпақтан ұрпаққа жалғасқан асыл мұра.
🧵 Бүгінгі күні ұлттық нақыштағы киімдер заманауи сәнмен үйлесіп, қайта жаңғырып келеді.
🇰🇿 Ұлттық киімді кию – тек сән емес, ұлтыңа деген құрмет, тамырыңа деген тағзым.
💫 Бүгін біз ұлттық болмысымызды дәріптеп,
дәстүрімізді ұлықтаймыз!
🎉 Ұлттық киімдер күні құтты болсын!

Емхана ұжымы ұлттық киімді ұлықтады

Posted on by gpshu
Шу қалалық емханасының ұжымы Ұлттық киім күніне орай ұлттық нақыштағы киімдер киіп, мерекенің сәнін кіргізді. Бұл бастама арқылы медицина қызметкерлері халқымыздың бай мәдени мұрасын дәріптеп, ұлттық құндылықтарға деген құрметін көрсетті.
Әсем камзолдар мен шапандар, ою-өрнекпен безендірілген киімдер ұжымға ерекше көрік беріп, мерекелік көңіл-күй сыйлады. Осындай игі шаралар ұлттық дәстүрлерімізді жаңғыртып, жас ұрпаққа өнеге болары сөзсіз.

Аяулы арулар – құрмет құшағында!

Posted on by gpshu
Шу қалалық емханасында көктемнің ең шуақты мерекелерінің бірі – Халықаралық әйелдер күніне орай салтанатты іс-шара өтті. Мерекелік жиынға емхана ұжымы қатысып, нәзік жандыларға құрмет көрсетілді.
Іс-шара барысында әйел-аналардың қоғамдағы, отбасы мен медицина саласындағы ерекше рөлі атап өтіліп, ақ халатты абзал жандарға ізгі тілектер мен жылы лебіздер арналды. Ұжымдағы ер азаматтар мен әріптестер әйелдерді мерекемен құттықтап, олардың тынымсыз еңбегіне алғыс білдірді.
Салтанатты жиын барысында денсаулық сақтау саласының дамуына үлес қосып жүрген бірқатар үздік қызметкерлер арнайы марапаттарға ие болды. Өз ісіне адалдық танытып, кәсіби біліктілігімен ерекшеленген медицина мамандарына Алғыс хаттар мен Құрмет грамоталары табысталды.
Мерекелік шара көтеріңкі көңіл күйде өтіп, ұжымдағы бірлік пен сыйластықтың айқын көрінісіне айналды.

Жаңа Конституцияның жобасы түсіндірілді

Posted on by gpshu
2026 жылдың 15 наурызында өтетін республикалық референдум қарсаңында Шу қалалық емханасында арнайы бекітілген кестеге сәйкес аудан әкімінің орынбасары Н.Сұлтанбаевтың қатысуымен жиын өтті.
Басқосу барысында Н.Сұлтанбаев түсіндіру жұмысын жүргізіп, бұл саяси науқанның ел дамуы жолында маңызы зор екенін жеткізді.
Емхана ұжымы да өз кезегінде конституциялық референдумды бірауыздан қолдайтындарын және саяси науқанға белсене қатысатындарын атап айтты.