Мен жүктімін, еш жерде жұмыс істемеймін, жеке кәсібім де жоқ. Медициналық сақтандыруды төлеуге міндеттімін бе?
Егер жүкті әйел жұмыс істемесе және жеке кәсіпкер ретінде тіркелмеген болса, ол жеңілдік санатына кіреді және МӘМС-ке жарналарды мемлекет төлейді.
Ол үшін тіркелген орны бойынша өз емханасына жүгініп, жүктілігіне байланысты есепке тұруы қажет. Әдетте есепке гинеколог қояды, дегенмен оның қабылдауына жазылу үшін МӘМС жүйесінде сақтандырылған болуы тиіс. Бұл жағдайда жүкті әйел мәртебесі болмаса да ТМККК аясында қабылдау жүргізетін учаскелік дәрігер және акушер арқылы есепке тұра алады.
Босанғаннан кейін әйел – үш жасқа толмаған баланы тәрбиелеп отырған, жұмыс істемейтін адам ретінде басқа жеңілдікті санатқа көшетінін білген жөн, сондықтан ол тағы да мемлекет есебінен сақтандырылады.
#МӘМСЖАМБЫЛ #ӘМСҚЖАМБЫЛ
Рубрика: МӘМС
Скрининг арқылы қандай ауруларды анықтауға болады?
Жатыр мойны обырын ерте анықтау – 30 -70 жас аралығындағы әйелдер
• Сүт безі обырын ерте анықтау – 40 -70 жас аралығындағы әйелдер
• Колоректальді обырды ерте анықтау – 50 -70 аралығындағы ерлер мен әйелдер
Скринигтік бағдарламаға қандай мәліметтер кіреді?
Әйелдер сүт безі обырына тіркелген емхана арқылы тексеріледі. Акушер-гинеколог, онколог пен маммолог сынды мамандар кеңесіне жүгініп, УДЗ, маммография сынды тексерулерден өте алады.
Сонымен қатар, жатыр мойны обырының алдын алу үшін видеокольпоскопия немесе кольпоскопия, ПАП-тест, пункциялық биопсия мен гистологиялық зерттеулерге тапсыруға болады.
Колоректалды обырдың алдын алуға арналған тексерулерден ерлер де, әйелдер де өтуә тиіс. Профилактикалық іс-шаралар барысында олар хирург, онколог, гастроэнтеролог пен проктолог мамандардан кеңес алады. Сондай-ақ үлкен дәреттегі жасырын қанды тексеру мақсаьында шұғыл әдіспен гемогульт-тест тапсырады, жалпы видеоколоноскопия, эндоскопиялық биопсия және гистологиялық тексерулерден өтуге болады.
Жамбыл облысында 2025 жылы онкологиялық ауруларды ерте анықтауға арналған тексерулерге 1 млрд 64 млн астам қаржы бөлінді. Бұл шара аясында 177 мыңнан астам жамбылдықты қамту жоспарланып отыр.
Айта кетсек, Міндетті әлеуметтік медициналық сақтандыру туралы заңға енгізілген өзгерістерге сәйкес, онкоскринингтер барлық азаматтар үшін тегін жүргізіледі. Яғни, сақтандырылған немесе сақтандырылмағанына қарамастан, бұл медициналық қызмет түрі тегін медициналық көмектің кепілдендірілген көлемі (ТМККК) тізіміне енгізілген.
Қор филиалы директорының баспасөз конференциясы
Брифинг барысында «Әлеуметтік медициналық сақтандыру Қоры» КЕАҚ Жамбыл облысы бойынша филиалының директоры Ғайни Аймағанбетова 2025 жылдың 9 айына МӘМС жүйесі шеңберінде атқарылған жұмыстар туралы баяндама жасады.
Негізгі көрсеткіштер:
• 2025 жылы денсаулық сақтау саласына – 132,6 млрд теңге бөлінді (+2,8%);
• Облыс бойынша 109 медициналық ұйым халыққа қызмет көрсетуде;
• 9 айдың қортындысына сәйкес өңірде 1 391 жоғары технологиялық операция жасалды;
• «Аңсаған сәби» бағдарламасы қолға алынғалы МӘМС аясында – 150 ЭКО, 350-ден аса сәби дүниеге келді;
• Биыл медициналық оңалтуға – 4,6 млрд теңге, соңғы 6 жылда қаржылық өсім 7,3 есе артқан;
• 2025 жылы амбулаториялық дәрі-дәрмекке – 11,8 млрд теңге бөлінген, ал қаңтар-қыркүйек айлары аралығында 662 993 рецепт берілген;
«Мемлекет басшысы міндетті әлеуметтік медициналық сақтандыру туралы заңға енгізілген өзгерістерге сәйкес, 2026 жылдан бастап, жергілікті атқарушы органдар әлеуметтік әл-ауқат деңгейі бойынша дағдарыстық және шұғыл жағдайдағы (D және E деңгейі) санаттарына жататын азаматтар үшін МӘМС жарналарын төлейтін болады. Бүгінде облыс бойынша (D және E деңгейі) санаттарына жататын азаматтар саны 70 мыңның шамасында. Жалпы, бүгінгі таңда Жамбыл облысы бойынша сақтандырылған азаматтар саны 952 мың яғни халықтың 80,8 пайызы сақтандырылған. Ал сақтандырылмағандар саны шамамен 224 мың адамды құрап отыр»,-деді Қор филиалының директоры.
Брифинг соңында Ғайни Төленқызы журналистердің сұрақтарына жауап берді.
«Аңсаған сәби» — МӘМС аясындағы қуаныш
Елімізде 5 жыл бұрын қолға алынған «Аңсаған сәби» бағдарламасы бойынша экстракорпоралды ұрықтандыру (ЭКО) қызметтері жалғасуда.
Бағдарлама іске асқалы бері отбасылардың бедеулік мәселесін шешіп, ата-ана болу арманын жүзеге асыруға мүмкіндік беріп келеді.
Жамбыл облысында МӘМС аясында 2024 жылы бұл мақсатқа 334 млн теңге бөлініп, 281 қызмет көрсетілген. Ал 2025 жылға 278 млн теңге және 228 ЭКО қызметін қаржыландыру жоспарланған. Биылғы жылдың 9 айының қорытындысы бойынша 150 жағдайға 183,6 млн теңге жұмсалған. Бір қызметтің орташа құны — 1 224 057 теңге.
Бұл қаражаттар міндетті әлеуметтік медициналық сақтандыру жүйесі (МӘМС) есебінен ЭКО процедурасын өткізуге мүмкіндік береді.
Жалпы, бағдарлама шеңберінде Жамбыл облысында 350-ден астам сәби өмірге келді. Денсаулық сақтау саласының өкілдері бұл бастама өз нәтижесін беріп отырғанын алға тартады.
Бұл көрсеткіштер мемлекет тарапынан отбасы институтын қолдау мен денсаулық сақтау саласындағы маңызды жетістіктердің бірі болып саналады.
Жарна төлемесеңіз МӘМС-тегі мәртебеңізден айырыласыз
Қазір елімізде азаматтарға міндетті әлеуметтік медициналық сақтандыру (МӘМС) жүйесіндегі мәртебесін жоғалту қаупі туралы 1414 нөмірінен SMS ескертулер жіберілуде.
Бұл хабарламалар маусым айында соңғы рет жарна төлеген азаматтарға жолдануда. Егер төлем уақытында жүргізілмесе, үш ай өткеннен кейін азамат сақтандыру мәртебесінен айырылуы мүмкін.
Өз мәртебеңізді тексеру үшін:• ФСМС ресми сайтына кіріңіз;
• Qoldau 24/7 қосымшасын пайдаланыңыз;
• Telegram-бот: SaqtandyryBot арқылы тексеріңіз;
• eGov Mobile, Damumed немесе банктердің мобильді қосымшалары арқылы да қолжетімді.
Естеріңізге сала кетейік, сақтандыру жарналарын уақытылы төлеу — сапалы медициналық қызмет алудың кепілі!
@jambylinfo
Жалған жазбалар 17 есеге азайды
Өткен жылдан бері Қор негізгі процестердің толық цифрландырылуын жүзеге асыруда. 1 шілдеден бастап бақылау жүйесі сынақ режимінде іске қосылды. Нәтижесінде, автоматты түрде ақауларды анықтаудың дәлдігі 4 есе артты. Бұл туралы Әлеуметтік медициналық сақтандыру қорының басқарма төрағасы Айдын Құлсейітов бүгінгі Үкімет отырысында хабарлады.
«Ең маңыздысы – үдеріске адамдар ықпал ете алмайды (эксперттер мен филиалдар), бұл тексерулердің объективтілігін қамтамасыз етті. Экстерриториалдық қарау принциптері енгізілді және Қор қаражатының мақсатсыз жұмсалуын болдырмау үшін жалған көрсеткіштерді автоматты түрде анықтау жүйесі іске қосылды», – деп атап өтті Құлсейітов.
Бақылау сапасын арттыру мақсатында Қор жалған жазбаларды және басқа да ақауларды анықтау алгоритмдерін үздіксіз жетілдіруді жоспарлап отыр. Спикер атап өткендей, осы жылдың қыркүйек айында тек үш жаңа формалды-логикалық бақылауды енгізу 502 миллион теңгені құрайтын бұзушылықтарды анықтауға мүмкіндік берді. Қазір формалды-логикалық бақылау жиынтығын кеңейту жұмысы жалғасуда.
Жаңа мониторинг жүйесін енгізгеннен кейін жалған жазбаларды анықтау көрсеткіші өткен жылмен салыстырғанда 19 есе өсті (бұрын олардың басым бөлігі Қордың бақылауынан тыс қалып келді). Бұдан бөлек, жүйе іске қосылғаннан бері жалған жазбалардың саны 17 есе азайды.
«Қордың автоматтандырылған бақылау жүйесі медициналық ұйымдардағы тәртіпті қалай жедел арттырғанын айқын көрсетеді. Маусым айында пилоттық режимдегі жалған жазбалары бар медицина ұйымдарының үлесі 44% болса, тамыз айына қарай бұл көрсеткіш 18%-ға дейін күрт төмендеді. Әсіресе ірі бұзушылықтар санатындағы нәтижеге зер салсақ, маусымда 43 ұйым 200 АЕК-тен асатын жалған тіркеулерге жол берсе, тамызда олардың саны нөлге дейін қысқарды. Бұл динамика цифрлық мониторингтің бұзушылықтарды болдырмау мен қаражатты мақсатты пайдалануды қамтамасыз етудегі ең тиімді құрал екенін көрсетеді. Нәтижесінде бұл шаралар халыққа көрсетілетін медициналық көмектің сапасы мен қолжетімділігін тікелей арттырады», – деді Қор басшысы.
МӘМС мобилді қосымшасы жаңартудан өтуде
Әлеуметтік медициналық сақтандыру қорының басшысы Айдын Құлсейітов Үкімет отырысында Qoldau 24/7 мобильді қосымшасы жаңартудан өтіп жатқанын айтты. Онда пациенттің рөлі трансформациядан өтіп, медициналық қызметтердің сапасы мен көрсетілуін бақылау жүйесіндегі негізге айналмақ.
Қор Qoldau 24/7 мобильді қосымшасының жаңа нұсқасын әзірлеуде. Оны жылдың соңына қарай іске қосуды жоспарлап отыр. Пайдаланушылар жеке кабинет арқылы барлық қажетті ақпаратқа қол жеткізіп, мәртебесін тексеріп, төлемнің түскенін қарай алады және ең бастысы — медициналық қызметтерді алу көрсеткішін көре алады.
«Бұл функционал бұрын-соңды болмаған деңгейдегі ашықтықты қамтамасыз етеді. Азаматтар ЖСН теріп, Қордың қандай қызметтерді төлегенін көруге мүмкіндік алады. Сондай-ақ, жалған жазбаны анықтау қызметі аса маңызды. Қызмет жүйеде тіркелген соң, пациентке хабарлама келеді және ол қызметті алғанын не алмағанын растай алады», – деді Айдын Құлсейітов.
Егер пациент қызметті алса, оны ЭЦҚ көмегімен растайды және бірден сапасына 1-ден 5-ке дейін баға бере алады. Ал қызмет көрсетілмесе (яғни, жалған жазба), пациент оны да ЭЦҚ арқылы тіркеп, Қор расталмаған медициналық қызмет бойынша автоматты түрде ресми тексерісті бастайды.
Осылайша, Qoldau 24/7 әр сақтандырылған азаматты жүйенің аудиторы ретінде қарап, алаяқтықпен күрестің ең тиімді сыртқы контурын қамтамасыз етеді.
Бұрын жарна төлемеген азамат сақтандыру мәртебесін қалай ала алады?
Мен жұмыс істемеймін және медициналық сақтандыруға ешқашан жарна төлеген емеспін. Алда құны қымбат операция күтіп тұр. Оны МӘМС бойынша жасатуға болады. Мен сақтандырылған мәртебесін қалай ала аламын?
Оқырманның сұрағына жауап береміз 
МӘМС аясында жасалған ТОП 5 бірегей операция
Біз осы жылдың тамыз айында МӘМС қаражаты есебінен жасалған 5 бірегей әрі күрделі операцияларды жинап шықтық.
Оқушыларға қандай медициналық көмек қарастырылған?
Оқу жылы басталғалы бері ата-аналар балаларына қандай тегін медициналық қызметтер көрсетілетінін білгісі келеді. Әлеуметтік медициналық сақтандыру қоры бұл туралы түсініктеме дайындады.
Оқушылар МӘМС жүйесінде автоматты түрде сақтандырылған, яғни олар үшін жарналарды мемлекет төлейді. Сондықтан олар кепілдендірілген тегін медициналық көмек көлемінде де, міндетті әлеуметтік медициналық сақтандыру пакеті аясында да барлық қажетті медициналық қызметтерді ала алады.
Оқушыларға медициналық қызметтер мектеп орналасқан аумаққа тиесілі емхана арқылы көрсетіледі. Мектептердегі медициналық пункттер оқу жылы барысында балаларды бақылап, уақтылы медициналық көмек көрсетуге мүмкіндік береді.
