Біз осы жылдың тамыз айында МӘМС қаражаты есебінен жасалған 5 бірегей әрі күрделі операцияларды жинап шықтық.
Автор: gpshu
Бос тұрған «Жамбыл облысы әкімдігінің денсаулық сақтау басқармасы Шу қалалық» шаруашылық жүргізу құқығындағы мемлекеттік коммуналдық кәсіпорнының бас дәрігері лауазымына конкурс жариялау туралы хабарландыру
Жамбыл облысы әкімдігінің денсаулық сақтау басқармасы Шу қалалық емханасы байқау кеңесі «Жамбыл облысы әкімдігінің денсаулық сақтау басқармасы Шу қалалық емханасы» шаруашылық жүргізу құқығындағы мемлекеттік коммуналдық кәсіпорны басшысы (1 бірлік) лауазымына конкурс жариялайды.
КӘСІПОРЫННЫҢ АТАУЫ: «Жамбыл облысы әкімдігінің денсаулық сақтау басқармасы Шу қалалық емханасы» шаруашылық жүргізу құқығындағы мемлекеттік коммуналдық кәсіпорны.
ОРНАЛАСҚАН ЖЕРІ: 081100, Жамбыл облысы Шу қаласы, Сатпаев көшесі 155 үй, ақпарат үшін телефон: 8(747)508-62 -09, электрондық пошта: gor_poliklinika_g.shu@mail.ru.
КӘСІПОРЫН ҚЫЗМЕТІНІҢ НЕГІЗГІ БАҒЫТЫ:
Бастапқы медициналық көмек көрсету.
КӘСІПОРЫН БАСШЫСЫНЫҢ НЕГІЗГІ ЛАУАЗЫМДЫҚ МІНДЕТТЕРІ:
Денсаулық сақтау ұйымының өндірістік, қаржы-шаруашылық қызметіне басшылық жасайды, қабылданатын басқарушылық шешімдерге, ұйым мүлкінің сақталуы мен тиімді пайдаланылуына, сондай-ақ қаржы-шаруашылық қызметінің нәтижелеріне жауапты болады.
Ұйым қызметінің саясатын, стратегиясын және оны іске асыру тетігін айқындайды. Көрсетілетін диагностикалық, емдеу және профилактикалық көмектің тиімділігі мен сапасын одан әрі арттыруға, көрсетілетін қызметтердің сапасы мен бәсекеге қабілеттілігін арттыруға бағытталған персонал жұмысының жаңа ұйымдастырушылық нысандары мен әдістерін енгізуді және қолданыстағыларын жетілдіруді қамтамасыз етеді.
Ұйымның құрылымдық бөлімшелерінің тиімді өзара іс-қимылын қамтамасыз етеді, олардың іс-қимылдарын көрсетілетін медициналық қызметтерді дамытуға және жетілдіруге бағыттайды.
Сыбайлас жемқорлыққа қарсы заңнаманың сақталуына және өз тарапынан және оған бағынышты тұлғалардан сыбайлас жемқорлық көріністеріне жол бермеу бойынша шаралар қабылдауға дербес жауапты болады.
Ұйымды білікті кадрлармен қамтамасыз ету, олардың кәсіби білімі мен тәжірибесін ұтымды пайдалану, өмір мен денсаулық үшін қауіпсіз еңбек жағдайларын жасау, ұжымда қолайлы психологиялық ахуал қалыптастыру жөнінде шаралар қабылдайды. Ұйым қызметін талдау және оның жұмысының көрсеткіштерін бағалау негізінде ұйым жұмысының нысандары мен әдістерін жақсарту бойынша қажетті шараларды қабылдайды. Әлеуметтік әріптестік қағидаттары негізінде ұжымдық шартты әзірлеуді, жасасуды және орындауды, еңбек тәртібін сақтауды қамтамасыз етеді, қызметкерлердің еңбек уәждемесін, бастамасы мен белсенділігін дамытуға ықпал етеді.
Санитариялық-эпидемиологиялық жағдайларды зерделеу және бағалау жөніндегі жұмысты үйлестіреді, адам денсаулығына қолайсыз әсер етудің басым факторларын айқындайды. Санитариялық-эпидемиологиялық жағдайды жақсарту бойынша пәрменді шаралар қабылдайды.
Гигиеналық және эпидемияға қарсы іс-шаралардың жүргізілуін, санитариялық ережелер мен нормалар мен гигиеналық нормативтердің сақталуын жедел және зертханалық-аспаптық бақылауды және қадағалауды ұйымдастырады.
Ұйым қызметінде, оның ішінде қаржы-шаруашылық басқару, шарттық және қаржылық тәртіпті нығайту, әлеуметтік-еңбек қатынастарын реттеу мәселелерінде медициналық этика, заңдылық талаптарының сақталуын қамтамасыз етеді.
Қызметкерлерді жұмысқа қабылдауды және жұмыстан босатуды жүзеге асырады. Жеке және заңды тұлғалармен келісімшарттар, мәмілелер жасайды. Өз құзыретіндегі мәселелер бойынша барлық қызметкерлер үшін міндетті өкімдер мен бұйрықтар шығарады.
Ұйымды мемлекеттік органдарда, ұйымдарда және сотта білдіреді. Медициналық этиканың, ішкі еңбек тәртібі талаптарының, аспаптарды, жабдықтар мен механизмдерді техникалық пайдаланудың орындалуын, өртке қарсы қауіпсіздік пен қауіпсіздік техникасының, санитариялық-эпидемиологиялық режимнің сақталуын қамтамасыз етеді. Ұйымның уақтылы есептілігін қамтамасыз етеді.
КОНКУРСҚА ҚАТЫСУШЫЛАРҒА ҚОЙЫЛАТЫН ТАЛАПТАР:
«Денсаулық сақтау» даярлау бағыты бойынша жоғары білім, «Денсаулық сақтау менеджменті» («Қоғамдық денсаулық сақтау») мамандығы бойынша біліктілікті арттырудың (қайта даярлаудың) сертификаттық курсынан өткені туралы куәлік және (немесе) тиісті мамандық бойынша біліктілікті беру туралы куәлік (немесе сертификат);
немесе «Денсаулық сақтау» даярлау бағыты бойынша жоғары білім, «Денсаулық сақтау» немесе «Бизнес, басқару және құқық» даярлау бағыты бойынша жоғары оқу орнынан кейінгі білім немесе ЕМВА (ЭмБиЭй) немесе full-time (Фултайм) дәрежесі;
немесе «Бизнес, басқару және құқық» даярлау бағыты бойынша жоғары білім және «Денсаулық сақтау» даярлау бағыты бойынша жоғары оқу орнынан кейінгі білім немесе ЕМВА (ЭмБиЭй) немесе full-time (Фултайм) дәрежесі;
денсаулық сақтау саласындағы менеджер сертификаты;
басшылық лауазымдағы жұмыс өтілі кемінде 2 жыл.
КӘСІБИ БІЛІКТІЛІГІ:
Білу керек: Қазақстан Республикасының 1995 жылғы 30 тамыздағы Конституциясы, Қазақстан Республикасының 1994 жылғы 27 желтоқсандағы Азаматтық кодексі, Қазақстан Республикасының 2015 жылғы 23 қарашадағы Еңбек кодексі, Қазақстан Республикасының 2020 жылғы 7 шілдедегі «Халық денсаулығы және денсаулық сақтау жүйесі туралы» Кодексі, Қазақстан Республикасының 2014 жылғы 5 шілдедегі «Әкімшілік құқық бұзушылық туралы» Кодексі, Қазақстан Республикасының 2015 жылғы 4 желтоқсандағы «Мемлекеттік сатып алу туралы» заңы, Қазақстан Республикасының 2015 жылғы 18 қарашадағы «Сыбайлас жемқорлыққа қарсы іс-қимыл туралы» заңы, Қазақстан Республикасының 1997 жылғы 11 шілдедегі «Қазақстан Республикасындағы тіл туралы» заңы; қазіргі заманғы басқару қызметінің стратегиялық және ұйымдастырушылық аспектілері; денсаулық сақтау ұйымдарының жоспарлы-экономикалық және қаржылық қызметінің негіздері; басқарудың экономикалық әдістері және ұйым қызметін талдау; медициналық қызметтер нарығының конъюнктурасы; денсаулық сақтаудағы адам ресурстарын басқарудағы үздік тәжірибелер; халық денсаулығының жай-күйін сипаттайтын статистиканы, өлшемшарттар мен көрсеткіштері; отандық медицинаның заманауи ғылыми жетістіктері; денсаулық сақтауды басқарудағы үздік халықаралық тәжірибе; еңбек қауіпсіздігі және еңбекті қорғау, өндірістік санитариялық және өртке қарсы қауіпсіздік қағидалары мен нормалары; төтенше жағдайлар кезінде қызметті ұйымдастыру.
Конкурс Қазақстан Республикасы Денсаулық сақтау министрінің 2020 жылғы 27 мамырдағы «Денсаулық сақтау саласындағы байқау кеңесі бар шаруашылық жүргізу құқығындағы мемлекеттік кәсіпорынның атқарушы органының немесе алқалы атқарушы органы басшысының функцияларын жеке-дара жүзеге асыратын басшының бос лауазымына конкурс өткізу қағидаларын бекіту туралы» № ҚР ДСМ-58/2020 бұйрығы негізінде өткізіледі.
Конкурсқа қатысу үшін қажетті құжаттар осы хабарландыру ресми бұқаралық ақпарат құралдарында немесе денсаулық сақтау саласындаға уәкілетті органының, тиісті саланың уәкілетті органының (жергілікті атқарушы органның) интернет-ресурстарында жарияланған күннен бастап 15 (он бес) күнтізбелік күнен кейін ішінде мына мекен-жай бойынша қабылданады: 081100, Жамбыл облысы Шу қаласы, Сатпаев көшесі 155 үй, акт зал, «Жамбыл облысы әкімдігінің денсаулық сақтау басқармасы Шу қалалық емханасы » шаруашылық жүргізу құқығындағы мемлекеттік коммуналдық кәсіпорны, тел.: 8(72643)7-09-26, электрондық пошта: gor_poliklinika_g.shu@mail.ru.
Мынадай құжаттарды ұсынуы тиіс:
- Конкурсқа қатысу туралы өтініш.
- Еркін нысанда жазылған өмірбаян.
- Білімі туралы құжаттардың көшірмеслері.
- Еңбек кітапшасының (егер бар болса) немесе еңбек шартының көшірмесі, қабылдау және еңбек шартын тоқтату туралы бұйрықтан үзінді көшірме не еңбек өтілін растайтын басқа құжат.
- «Денсаулық сақтау саласындағы есепке алу құжаттамасының нысандарын бекіту туралы» Қазақстан Республикасы Денсаулық сақтау министрінің міндетін атқарушы 2020 жылғы 30 қазандағы №ҚР ДСМ-175/2020бұйрығыменбекітілген (Нормативтік құқықтық актілерді мемлекеттік тіркеу тізілімінде № 21579 болып тіркелген) 075-е нысан бойынша денсаулық жағдайы туралы анықтама.
- Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің соттылығы жоқ екендігі туралы анықтама.
Конкурсқа қатысуға ниет білдірген адамдар конкурсты жариялаған Кәсіпорынға хабарландыруда көрсетілген электрондық почта мекен жайына құжаттарды қабылдау мерзімі аяқталғанға күнге дейін электрондық түрде құжаттарды ұсынады.
Құжаттардың түпнұсқалары әңгімелесу басталар алдында бір сағат бұрын кешіктірмей ұсынылады. Оларды ұсынбаған жағдайда ол адам әңгімелесуден өтуге жіберілмейді.
Конкурсқа қатысушы оның білімі, еңбек өтілі, кәсіби даярлығы туралы қосымша ақпарат бере алады (біліктілігін арттыру туралы құжаттардың көшірмелері, ғылыми дәрежелер мен атақтар беру, ғылыми жарияланымдар, сондай-ақ алдыңғы жұмыс орнынан ұсыныстар және т.б.).
КОНКУРСТЫҢ ӨТЕТІН КҮНІ: конкурсқа қатысуға үміткер тұлғалардың құжаттарын қабылдау бұқаралық ақпарат құралдарында конкурс өткізу туралы хабарландыру жарияланған күннен бастап күнтізбелік он бес күн өткеннен кейін аяқталады.
КОНКУРСТЫҢ ӨТЕТІН ОРНЫ: 081100, Жамбыл облысы Шу қаласы, Сатпаев көшесі 155 үй.
Конкурсқа жіберілген үміткерлер Конкурс Қазақстан Республикасы Денсаулық сақтау министрінің бұйрығымен белгіленген тәртіпте әңгімелесуден өтеді.
Осы бос лауазымға орналасқан тұлға үшін көтерме шығындар төленбейді, тұрғын үй және өзге жеңілдіктер берілмейді.
Оқушыларға қандай медициналық көмек қарастырылған?
Оқу жылы басталғалы бері ата-аналар балаларына қандай тегін медициналық қызметтер көрсетілетінін білгісі келеді. Әлеуметтік медициналық сақтандыру қоры бұл туралы түсініктеме дайындады.
Оқушылар МӘМС жүйесінде автоматты түрде сақтандырылған, яғни олар үшін жарналарды мемлекет төлейді. Сондықтан олар кепілдендірілген тегін медициналық көмек көлемінде де, міндетті әлеуметтік медициналық сақтандыру пакеті аясында да барлық қажетті медициналық қызметтерді ала алады.
Оқушыларға медициналық қызметтер мектеп орналасқан аумаққа тиесілі емхана арқылы көрсетіледі. Мектептердегі медициналық пункттер оқу жылы барысында балаларды бақылап, уақтылы медициналық көмек көрсетуге мүмкіндік береді.
Өңірлік штаб отырысы өтті
Жамбыл облысы әкімінің орынбасары Айжан Есмағамбетованың төрағалығымен халықты Міндетті әлеуметтік медициналық сақтандыру жүйесіне тарту бойынша кезекті өңірлік штаб отырысы өтті.
Жиынға Әлеуметтік медициналық сақтандыру қорының Жамбыл облысы бойынша филиалының директоры Ғайни Аймағанбетова, Тараз қаласы және аудан әкімдерінің орынбасарлары, облыстық жұмыспен қамтуды үйлестіру және әлеуметтік бағдарламалар басқармасы, облыстық Полиция департаментінің Көші-қон қызметі басқармасы және облыстық білім басқармасының өкілдері қатысты.
Басқосу барысында Қор филиалының директоры Ғани Төленқызы облыс халқын МӘМС жүйесімен қамтуды арттыру және аймақ бойынша сақтандырылмаған азаматтар санын азайту бойынша жүргізілген жұмыстарға тоқталды.
Ғайни Аймағанбетованың айтуынша, бүгінгі таңда облыс бойынша сақтандырылған азаматтар саны 952 мыңнан асса, сақтандырылмағандар саны шамамен 224 мың адамды құрап отыр. Алайда, Қордай, Меркі, Жамбыл, Жуалы Байзақ аудандарында МӘМС жүйесінен тыс қалып отырған азаматтардың үлесі жоғары. Мысалы, Қордай ауданында 33 мыңнан аса адам сақтандырылмаған. Бұл мәселеге байланысты қор өз тарапынан талдау жүргізіп, сақтандырылмаған азаматтардың ЖСН-і бойынша тізімін дайындағанын атап өтті.
«Бұл бағытта нақты талдау жүргізілді. Нәтижесінде тамыз, қыркүйек айларында 6000 мыңға жуық адамның сақтандыру мәртебесі қалпына келтірілді. «Серпін» медициналық орталығы ЖШС, Шу аудандық орталық ауруханасы, Талас аудандық ауруханасы және Шу қалалық емханасы жақсы жұмыс істеген атап өткен жөн. Алайда, Байзақ, Жамбыл, Қордай аудандарында жұмыс нәтижесі көңіл көншітпейді»,-деді Ғайни Төленқызы.
Айжан Серікбайқызы сақтандырылмаған азаматтарды МӘМС жүйесіне тарту бойынша төмен нәтиже көрсетіп отырған Жамбыл, Байзақ, Қордай аудандарына ерекше тоқталып, алдағы 2 апта көлемінде нақты жұмыс жүргізуді және осы уақыт аралығында оң нәтиже көрсетуді тапсырды.
Жиын соңында облыс әкімінің орынбасары жергілікті атқарушы органдар елдімекендер мен нақты округтер бойынша бөлу, көші-қонмен байланысты жұмыстарды күшейту, қайтыс болған азаматтарды уақытылы тіркеу, басқа өңірге қоныс аударғандар мен өзін-өзі жұмыспен қамтығандарды анықтауды тапсырды.
Алғаш рет Avvigo+ атты внутрисосудистік ультрадыбыстық зерттеу (ВСУЗИ) технологиясы енгізілді
Тараз қаласындағы Ғылыми-клиникалық кардиохирургия және трансплантология орталығында алғаш рет Avvigo+ атты внутрисосудистік ультрадыбыстық зерттеу (ВСУЗИ) технологиясы енгізілді.
Бұл әдіс жүрек ауруларын, әсіресе коронарлық артериялардың тарылуын дәл анықтауға және тиімді емдеуге мүмкіндік береді.
Avvigo+ дәрігерге тамыр ішін жоғары дәлдікпен көруге, атеросклеротикалық бляшкаларды анықтауға және стент қоюда оңтайлы шешім қабылдауға көмектеседі.
Бұл — Тараз тұрғындары үшін Еуропа және АҚШ клиникаларында қолданылатын заманауи медициналық қызметтерге қолжетімділік деген сөз.
11 қыркүйек күні Алматы қаласынан келген жетекші кардиолог маман Алексей Колесниковтың қатысуымен шеберлік сабағы өтіп, 3 күрделі операция сәтті аяқталды. Барлық операциялар МӘМС аясында тегін жүргізілді, бұл тұрғындарға қаржылық ауыртпалықсыз жоғары технологиялы көмек алуға мүмкіндік берді.
Скринигтен кім және қашан өтуі керек?
Қазақстанның әрбір азаматы денсаулығына ешқандай шағымы болмаса да, профилактикалық тексерулер мен скринингтерден уақтылы өтіп отыруы тиіс.
Скринингтер тегін медициналық көмектің кепілдендірілген көлемі және міндетті әлеуметтік медициналық сақтандыру пакеттерінің шеңберінде тегін жүргізіледі. Айта кетейік, енді онкоскринингтер сақтандыру мәртебесіне қарамастан барлық азаматтарға қолжетімді.
Пациент скринингтен өз емханасында өте алады. Оған келесі жолдармен жазылады:
• емханаңыздың тіркеу бөлімінде,
• call-орталық арқылы,
• емханаңыздың мобильді қосымшасы немесе порталы арқылы.
Денсаулығыңызды қорғаңыз — скринингтен өтуді ұмытпаңыз!!
Жолдауға – қолдау
Мемлекет басшысы Қасым-Жомарт Тоқаев өзінің «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Жолдауында медициналық қызметтердің сапасы мен қолжетімділігін арттыру мақсатында жаңа бақылау жүйесін жасанды интеллект негізінде құруды тапсырды.
Осыған байланысты Әлеуметтік медициналық сақтандыру қоры Жамбыл облыстық филиалының директоры Ғайни Аймағанбетова Жолдауда Қорға жүктелген міндеттер туралы айтып берді.
– Мемлекет басшысы жыл сайынғы Жолдауларында денсаулық сақтау саласына, соның ішінде Қор жұмысына ерекше көңіл бөліп келеді. Биылғы Жолдау да осы бағыттағы стратегиялық мақсаттарды нақтылап берді. Атап айтқанда, медициналық көмектің сапасын арттыру және оны тұрғындарға қолжетімді ету үшін жаңа технологияларды, соның ішінде жасанды интеллектті енгізу міндеттелді, – деді филиал басшысы.
Ғайни Төленқызының айтуынша, бұл бағытта алғашқы нақты қадамдар жасалып та үлгерген. Жамбыл облысында медициналық қызметтерге ақы төлеудің бірыңғай жүйесі негізінде «Мониторинг» модулі енгізіліп, 2025 жылдың 19 мамырынан бастап пилоттық режимде іске қосылған. Ал 1 шілдеден бастап жүйе толық жұмыс істей бастады.
Қазіргі таңда Қор филиалы облыстағы 109 медициналық ұйыммен шарт жасасқан. Бірыңғай төлем жүйесінің алғашқы кезеңі аясында 20-дан астам автоматтандырылған мониториг алгоритмі енгізілді. Бұл жүйе арқылы медициналық ұйымдардың көрсеткен қызметтері заңнама мен стандарттарға сәйкестігі тұрғысынан автоматты түрде тексеріледі. Кемшіліктер мен сәйкессіздіктер анықталған жағдайда, жүйе бірден белгі беріп, жедел шара қабылдауға мүмкіндік береді.
– Бұл тәсіл бізге нақты ақауларды уақытылы анықтап, қызмет сапасын бақылауды күшейтуге жол ашады. Жолдауда айтылғандай, 2025 жылдың соңына дейін жасанды интеллект негізінде толыққанды мониторинг жүйесін құру көзделіп отыр. Мұндай технологиялар тәуекелдерді болжауға, ресурстарды тиімді бөлуге және ең бастысы – халыққа сапалы медициналық қызмет көрсетуге сеп болмақ, – деп түйіндеді Ғайни Аймағанбетова.
@baq.kaz
#ӘМСҚЖАМБЫЛ #МӘМСЖАМБЫЛ
Аса қауіпті инфекциялардың, соның ішінде Қырым-Конго геморрагиялық қызбасының (ҚКГҚ) алдын алу бойынша семинар өткізілді
Аса қауіпті инфекциялардың, соның ішінде Қырым-Конго геморрагиялық қызбасының (ҚКГҚ) алдын алу бойынша семинар өткізілді.
Жиын өтті
А. Макаренко орта мектебінің әкімшілігі ұйымдастырған ата-аналар жиналысында буллинг, кибербуллинг, тұрмыстық зорлық-зомбылық пен тұмаудың алдын алу, және мектеп оқушыларының күн тәртібі, оқу барысындағы мектеп формалары жөнінде жиын өткізілді.
Қанның қатерлі ісігі
Қан обыры – бұл жілік майы жасушаларының жұмысы бұзылуы салдарынан туындайтын және бауыр, көкбауыр мен лимфа жүйесін қоса алғанда бүтіндей қан түзу жүйесінің жұмысын бұзатын қатерлі ісік ауруларының бір тобының атауы. Онкологтар оларды гемобластоз деп атайды және мутацияланған жасушалардың орналасуына қарай жіктейді. Егер қатерлі ісік жасушалары жілік майында пайда болса, онда олар лейкоздар. Ал егер қатерлі жасушалар жілік майынан тыс туындаса, онда ол ауруды гематосаркомаға жатқызады. Егер қатерлі ісік жетілген лимфоциттерді зақымдаса, онда сирек кездесетін лимфоцитома ауруы пайда болады.
Гемабластаз кезінде обыр жасушалары кез келген органды және міндетті түрде жілік майын зақымдайды.
СЕБЕПТЕРІ:
Ғалымдар әзірше қанның қатерлі ісігі туындауының нақты себептерін анықтай алған жоқ. Бірақ осы ауруды «арандатушы» факторларды анықтады:
радиоактивті сәулелену және радиациялық ортаның көп болуы;
экологиялық проблемалар;
зиянды химиялық заттар (бензол, пестицидтер);
дұрыс тамақтанбау;
басқа онкологиялық ауруды емдеу үшін сәулелену немесе химиотерапия қолдану;
АИТВ және басқа ауыр аурулар;
артық салмақ;
темекі шегу мен алкогольді ішімдікті асыра пайдалану;
тұқым қуалаушылық;
Даун синдромы.
Лейкоз ауруына кез келген адам шалдығуы мүмкін. Алайда медицина мамандарының айтуынша, 50 жастан асқан адамдар осы ауру түрі туындау қаупі жоғары топқа жатады. Себебі бұл жаста жасушалардың қайта түзілу ықтималдылығы артады және емдеу айтарлықтай тиімді болмайды. Әйтсе де лейкоз балалар мен жасөспірімдер арасында көп кездеседі. Дәрігерлер науқас неғұрлым жас болса, ремиссияға, яғни ауруды толық жеңуге деген мүмкіндік те соғұрлым жоғары болатынын айтуда.
ҚАН ОБЫРЫНЫҢ БЕЛГІЛЕРІ:
Бастапқы сатыларда:
бас ауруы және айналуы;
нашар тәбет;
температураның себепсіз көтерілуі;
әлсіздік және шаршаңқылық;
жиі инфекциялар;
күрт салмақ жоғалту.
Кейінгі сатыларда:
ерін мен тырнақтың көкшіл реңі;
есінен тану;
тахикардия;
жоғары температура;
тыныс алу проблемалары және құрысулар;
мұрыннан жиі қан кету;
сүйектер мен буындардағы ауырсыну және сырқырау;
терідегі бөртпе;
лимфа түйіндерінің ұлғаюы;
дененің көгеруі;
жаралардың нашар жазылуы;
бауыр мен көкбауырдың ұлғаюы және іштің кебуі.
Қанның қатерлі ісігін емдеу
Соңғы жылдары медицина қан обырының жекелеген түрлерін емдеуде және түбегейлі жеңуде үлкен жетістіктерге қол жеткізіп келеді. Алайда ауруды бастапқы кезеңде анықтау оны жеңудегі ең негізгі талаптың бірі болып қалып отыр.
Диагностика
Кейде лейкозды анықтау үшін қарапайым қан талдауы жеткілікті. Бірақ көбінесе күрделі талдаулар мен процедураларды жасау қажет болады. Зерттеудің негізгі түрлерінің бірі – жілік майының пункциясы. Алынған материалды микроскоппен зерттейді. Жілік майы жасушаларының құрылымына, химиялық құрамына және лейкоциттер санына басты назар аударады. Қатерлі жасушалардың дененің басқа мүшелеріне таралуына жол бермес үшін науқастарға жұлын пункциясы жасалады, жұлын сұйығы тексеріледі, бас сүйегінің, көкірек қуысының рентгенографиясы, лимфа түйіндерінің, бауыр мен көкбауырдың ультрадыбыстық зерттеуі жасалады.