Автор: gpshu

ҚЫЗЫЛША – ЖАЙ ҒАНА БӨРТПЕ ЕМЕС!

Posted on by gpshu
Қызылша – ауа-тамшы жолы арқылы өте жылдам таралатын жұқпалы ауру. Оны вирус тудырады. Ауру әсіресе балалар үшін қауіпті, бірақ екпе алмаған ересектер де жұқтыруы мүмкін.
❗ Белгілері:
✔ жоғары температура
✔ жөтел, мұрыннан су ағу
✔ көздің қызаруы
✔ денеде бөртпенің пайда болуы
Қызылша асқынған жағдайда өкпе қабынуына, құлақтың қабынуына, тіпті ми қабынуына (энцефалит) әкелуі мүмкін.
💉 Қорғанудың ең тиімді жолы – вакцинация!
Қазақстан Республикасының Ұлттық егу күнтізбесіне сәйкес қызылшаға қарсы вакцина 2 рет егіледі:
📌 1 жаста
📌 6 жаста
Вакцина қауіпсіз, тиімді және иммунитет қалыптастырады.
Өзіңізді және балаларыңызды қорғаңыз! 🤍
Екпе бойынша толық ақпарат алу үшін тіркелген емханаңызға хабарласыңыз.

МӘМС бойынша чек-аптан өтуге бола ма?

Posted on by gpshu
Бұл — пациенттер тарапынан жиі қойылатын сұрақтардың бірі. МӘМС жүйесінде сақтандырылған азаматтар дәрігердің жолдамасы болған жағдайда медициналық қызметтердің кең спектрін ала алады.
🩺Кешенді профилактикалық тексеру пациенттің тіркелген жері бойынша емханада жүргізіледі. «Сақтандырылған» мәртебесі бар азаматтарға мамандардың кеңесі, зертханалық талдаулар және диагностикалық зерттеулер медициналық көрсеткіштер бойынша ақысыз көрсетіледі.
Денсаулық – ең үлкен байлық 🤍
✅Сондықтан өздеріңізді күтіңіздер, уақытылы тексеруден өтіңіздер

АРДАГЕР АҚ ХАЛАТТЫ АБЗАЛ ЖАНДАРҒА СЫЙ-ҚҰРМЕТ КӨРСЕТІЛДІ

Posted on by gpshu
Шұғылалы көктемнің алғашқы лебін ала келген Алғыс айту күні – ел бірлігі мен өзара ризашылықты дәріптейтін, үлкенге құрмет, өткенге тағзым білдіретін ерекше мереке. Осыған орай Шу қалалық емханасының ұжымы тарапынан көп жылдар бойы халық саулығы жолында аянбай еңбек еткен ақ халатты абзал жандарға алғыс білдірілді.
Шара барысында ардагер дәрігерлердің кәсіби біліктілігі, адам жанына деген жанашырлығы мен адалдығы – бүгінгі буын мамандарға үлгі-өнеге екені атап өтілді. Бұл – олардың ұзақ жылғы еңбегіне деген шынайы ризашылықтың белгісі.
Аға буынның ақыл-кеңесі мен өмірлік тәжірибесі – ұжым үшін қашанда қымбат қазына!

Адам папиллома вирусы (АПВ) – өте кең таралған вирустық инфекция

Posted on by gpshu
Адам папиллома вирусы (АПВ) – өте кең таралған вирустық инфекция. Ол тері мен шырышты қабаттарды зақымдайды және көбіне жыныстық жолмен беріледі.
📌 Қалай жұғады?
– Қорғанусыз жыныстық қатынас кезінде
– Тері мен шырышты қабаттың тікелей жанасуы арқылы
– Сирек жағдайда тұрмыстық жолмен
⚠️ Қауіптілігі неде?
АПВ-ның 200-ден астам түрі бар. Олардың кейбірі қауіпті емес (сүйел, папиллома тудырады), ал кейбір жоғары онкогенді түрлері:
– жатыр мойны обырына
– анус, ауыз қуысы, көмей обырына себеп болуы мүмкін.
👩‍⚕️ Әсіресе әйелдер үшін қауіпті, себебі АПВ жатыр мойны қатерлі ісігінің негізгі себебі болып саналады.
🔍 Белгілері:
– Жыныс мүшелері аймағында сүйелдер
– Көп жағдайда ешқандай белгісіз өтеді
💉 Алдын алу жолдары:
✅ Вакцинация (ең тиімді әдіс)
✅ Қорғаныс құралдарын қолдану
✅ Тұрақты медициналық тексерілу (ПАП-тест)
✅ Иммунитетті нығайту
📅 Вакцина жасөспірім қыздар мен ұлдарға ұсынылады. Ерте жасалған вакцина болашақта қатерлі ісіктің алдын алуға көмектеседі.
Денсаулығыңыз – өз қолыңызда! ❤️

Студенттердің МӘМС жүйесіндегі мәртебесі

Posted on by gpshu
Студенттер «сақтандырылған» мәртебесінің жоқтығын айтып Қорға жиі жүгінеді.
❗️Түсіндіріп өтейік:
Егер сіз күндізгі бөлімде оқитын студент болсаңыз – МӘМС жүйесінде жеңілдік санатындағылар тізіміне кіресіз. Сіз үшін жарналарды мемлекет төлейді, яғни өз қалтаңыздан төлемейсіз.
Сондай-ақ, күндізгі бөлімде оқып жүріп, жұмыс істесеңіз, жұмыс беруші сіз үшін аударымдар төлеуден босатылады.
Бұдан бөлек, жеке кәсіпкер болсаңыз және күндізгі бөлімде оқып жүрсеңіз, МӘМС жарналарын төлеуден босатыласыз.
Айта кетерлігі, Қор жеңілдік санатын бермейді. Тізім Еңбек және халықты әлеуметтік қорғау министрлігінің деректері негізінде, Ғылым және жоғары білім министрлігінің ақпараттық жүйесінен алынған мәліметтер арқылы қалыптастырылады.
Жарналар бойынша қарызды болдырмау және «сақтандырылған» мәртебесін сақтау үшін Telegram-дағы SaqtandyryBot арқылы жеңілдік санатының бар-жоғын тексеріп отыруды ұсынамыз. Егер жеңілдік санаты шықпаса, деректерді мемлекеттік ақпараттық жүйелерге дұрыс енгізу үшін өз жоғары оқу орныңызға жүгініңіз.
Шетелде оқитын студенттер «сақтандырылған» мәртебесін алу үшін egov.kz порталында өздігінен тіркеледі.