Шу қалалық емханасының балалар бөлімшесінде сыбайлас жемқорлыққа қарсы іс-қимыл мен оған қарсы мәдениетті қалыптастыру және корпоративтік этикалық құндылықтарды дамытумәселелері бойынша түсіндіру жұмыстары жүргізілді.
Автор: gpshu
🎗️4 ақпан – ДҮНИЕЖҮЗІЛІК ОБЫРҒА ҚАРСЫ КҮРЕС КҮНІ 🎗️
Обыр (қатерлі ісік) — бұл ағза жасушаларының бақылаусыз өсіп, денсаулыққа елеулі қауіп төндіретін ауруы.
Алайда обыр — үкім емес. Ерте анықталған жағдайда бұл дертті емдеуге және өмір сапасын сақтауға болады 
Есте сақтаңыз:Обырдың алдын алуға болады
Ерте диагностика — табысты емнің кепілі
Тұрақты медициналық тексерулер өмірді сақтайды 
Дәрігерге уақытылы көрініңіз, егер:Ұзақ уақыт жазылмайтын ауырсыну мазаласа
Себепсіз салмақ жоғалса
Теріде, сүт безінде, немесе денеде өзгерістер байқалса
Салауатты өмір салты — обырдың алдын алудың басты жолы:Дұрыс тамақтану
Темекі мен алкогольден бас тарту 
Қимыл-қозғалыс белсенділігі 
Стресті азайту 
Денсаулығыңыз — өз қолыңызда!Уақытылы тексеріліп, өзіңізді және жақындарыңызды қорғаңыз.
ЖРВИ деген не?
ЖРВИ — тыныс алу жолдарын зақымдайтын вирустық жұқпалы аурулар тобы. Оған тұмау, парагрипп, аденовирус, риновирус сияқты вирустар жатады 
Жұғу жолдары:— Ауа-тамшылы жолмен 
— Жөтелу, түшкіру, сөйлесу кезінде 
— Ластанған қол арқылы 
Негізгі белгілері:— Дене қызуының көтерілуі 
— Мұрын бітелу, су ағу
— Тамақтың ауыруы 
— Жөтел 
— Әлсіздік, бас ауруы 
Қауіптілігі:Уақтылы емделмесе, ЖРВИ асқынып:
— бронхитке,
— пневмонияға,
— отитке әкелуі мүмкін 
Емдеу жолдары:— Көп сұйықтық ішу 
— Төсек режимін сақтау 
— Дәрігер ұсынған дәрілерді қабылдау 
— Өзін-өзі емдеумен айналыспау 
Алдын алу шаралары:— Қолды жиі жуу 
— Маска тағу
— Бөлмені желдету 
— Иммунитетті күшейту 
— Адам көп жиналатын жерлерден сақтану 
Ескерту:Ауру белгілері күшейсе немесе 3–4 күнде жақсармаса, міндетті түрде дәрігерге көрініңіз 
Адам папиллома вирусы (АПВ) дегеніміз не?
Адам папиллома вирусы (АПВ) – әлемде ең кең таралған вирустық инфекциялардың бірі. Ол көбінесе тері мен шырышты қабықты зақымдайды және жыныстық жолмен жұғады.
АПВ-ның 200-ден астам түрі бар Кейбір түрлері зиянсыз, ал кейбірі қауіпті болуы мүмкін Көп жағдайда вирус еш белгісіз өтеді 
АПВ несімен қауіпті?Кейбір жоғары қауіп тобына жататын АПВ түрлері:
жатыр мойны обырына
анальды обырға
ауыз қуысы мен жұтқыншақ обырына әкелуі мүмкін
Төмен қауіптегі түрлері:
сүйелдер мен папилломалар тудырады 
БелгілеріКөп жағдайда:
ешқандай белгі болмайды 
кейде теріде немесе жыныс аймағында өсінділер пайда болуы мүмкін
Алдын алу жолдары
Вакцинация – ең тиімді қорғаныс Жеке гигиенаны сақтау Тұрақты медициналық тексерілу Қорғаныш құралдарын қолдану Вакцина жасөспірім қыздар мен ұлдарға ерте жаста салынса, тиімділігі жоғары болады.
Маңызды!АПВ – үкім емес. Уақтылы тексерілу мен алдын алу арқылы көптеген ауыр асқынулардың алдын алуға болады 
Табысы төмен және жұмыссыз азаматтар үшін МӘМС жарнасын әкімдіктер төлейді
2026 жылдан бастап МӘМС жүйесі жергілікті бюджеттер қаражаты есебінен дағдарысты және шұғыл әл-ауқат деңгейі (Д және Е санаттары) бар және ресми түрде тіркелген жұмыссыздар жергілікті әкімдіктер есебінен сақтандырылатын болады.
Бұл туралы «Әлеуметтік медициналық сақтандыру Қоры» КЕАҚ Жамбыл облысы бойынша филиалының Директоры Ғайни Аймағанбетова Jambyl телеарнасының «Ұлт саулығы» бағдарламасында айтты.
Жамбыл облысында Д және Е санатындағы азаматтар саны 69 мыңның шамасында болса, ресми жұмыссыздардың саны – 13 мыңнан астам адамды құрап отыр. Айта кетейік, республика бойынша 1 миллионға жуық адамды қосымша қамтитын болады.
Қызылша (корь) – өте жұқпалы жедел вирустық ауру.
Қызылша (корь) — өте жұқпалы жедел вирустық ауру. Ол ауа-тамшы жолымен таралады және көбіне балалар арасында кездеседі, бірақ вакцина алмаған ересектер де ауыруы мүмкін.
Қызылшаның негізгі белгілеріне дене қызуының жоғарылауы, жалпы әлсіздік, бас ауруы, мұрыннан су ағу, жөтел, көздің қызарып жас ағуы жатады. Аурудың 3–5-күні беттен басталып, кейін бүкіл денеге таралатын қызыл бөртпе пайда болады.
Қызылша асқынуларымен қауіпті. Ол пневмонияға, отитке, энцефалитке әкелуі мүмкін. Аурудың алдын алудың ең тиімді жолы — вакцинация. Қызылшаға қарсы екпе ұлттық күнтізбе бойынша балаларға екі рет салынады.
Ауру белгілері байқалған жағдайда өзін-өзі емдемей, міндетті түрде дәрігерге қаралу қажет.
Сыбайлас жемқорлыққа қарсы іс-шаралар жүзеге асырылуда
Шу қалалық емханасынының терапия бөлімшесінде сыбайлас жемқорлыққа қарсы іс-қимыл мәселелері бойынша түсіндіру жұмыстары жүргізіліп, сыбайлас жемқорлыққа қарсы мәдениетті қалыптастыру және корпоративтік этикалық құндылықтарды дамытуға бағытталған іс-шаралар жүзеге асырылуда.
Семинар өтті
Шу қалалық емханасында «Нипах вирусы — жаһандық денсаулық сақтау үшін зооноздық қауіп. Дәрігерге бүгін нені білген маңызды?» тақырыбында семинар өтті. Жиынның мақсаты – медициналық қызметкерлердің аса қауіпті зооноздық инфекцияларға қатысты сақтық деңгейін арттыру, жаһандық денсаулық сақтау үшін қауіп төндіретін жұқпалы аурулардың әкелінуі мен таралуын анықтау және алдын алуға дайындықты қамтамасыз ету, сондай-ақ ПМСП ұйымдарында санитариялық-эпидемияға қарсы талаптар мен биологиялық қауіпсіздік шараларын сақтау болды.
Жиынға Шу қалалық емханасының медицина қызметкерлері қатысты. Семинардың күн тәртібінде «Нипах вирусы (Nipah virus, NiV) — XXI ғасырдың өзекті зооноздық инфекциясы», «Нипах вирусын жұқтыру кезіндегі клиникалық көріністер және жоғары қауіп тобына жататындар», «Нипах вирусы инфекциясын диагностикалау және дифференциалды диагностикасы» және «Нипах вирусына күдік болған жағдайда емдеудің заманауи тәсілдері және қабылданатын шаралар» мәселелері қаралып, баяндамалар тыңдалды.
ӘМСҚ өкілдері медицина ұйымдарымен өзекті мәселелерді талқылады
Жамбыл облысында «Әлеуметтік медициналық сақтандыру қоры» КЕАҚ-ның ұйымдастыруымен Қормен келісімшарт жасасқан медицина ұйымдары басшыларының қатысуымен жиын өтті. Іс-шараға Қордың Жамбыл облысы бойынша филиалының директоры Ғайни Аймағанбетова, филиалдың құрылымдық бөлім басшылары, сондай-ақ өңірдегі медициналық ұйымдардың жетекшілері қатысты.
Басқосуда «Әлеуметтік медициналық сақтандыру қоры» КЕАҚ-ның Жамбыл облысы бойынша филиалының директоры Ғайни Аймағанбетова кіріспе сөз сөйлеп, міндетті әлеуметтік медициналық сақтандыру жүйесінің халық үшін маңыздылығына тоқталды. Сонымен қатар Қор мен медицина ұйымдары арасындағы тиімді әрі өзара сенімге негізделген әріптестіктің сапалы медициналық көмекті қамтамасыз етудегі шешуші рөлін атап өтті.
«Міндетті әлеуметтік медициналық сақтандыру жүйесінің тиімді жұмыс істеуі Қор мен медициналық ұйымдардың ашық, жауапты және нәтижеге бағытталған өзара іс-қимылына тікелей байланысты. Басты мақсатымыз – халыққа көрсетілетін медициналық қызметтердің сапасы мен қолжетімділігін арттыру. Осы орайда келісімшарттық міндеттемелердің орындалуына, медициналық көмекті ұйымдастырудағы жүйелі мәселелерге және медицина ұйымдары тарапынан ұсынылатын бастамаларға ерекше назар аударылады. Бүгінгі кездесу – ортақ мәселелерді ашық талқылап, оларды бірлесіп шешуге мүмкіндік беретін маңызды диалог алаңы», – деді филиал директоры.
Кездесуде МӘМС-ке қатысты өзекті мәселелер жан-жақты қарастырылды. Атап айтқанда, халыққа көрсетілетін медициналық қызметтердің сапасы мен қолжетімділігін арттыру, медициналық көмекті ұйымдастыру тетіктерін жетілдіру, сондай-ақ Қормен жасалған келісімшарттық міндеттемелердің орындалуы күн тәртібіне қойылды.
Кері байланыс форматында өткен жиында қатысушылар өз ұсыныстары мен пікірлерін ортаға салып, өзара іс-қимылды нығайтуға бағытталған бірқатар бастамаларды ұсынды.
Айта кетейік, 2026 жылы Қордың Жамбыл облысы бойынша филиалы 108 медициналық мекемемен келісімшарт жасасқан. Оның ішінде 37-і мемлекеттік, 71-і жекеменшік медициналық ұйымдар.
МӘМС жүйесі мен жарналарды уақтылы төлеу мәселесі түсіндірілді
«Әлеуметтік медициналық сақтандыру қоры» КЕАҚ-тың Жамбыл облысы бойынша филиалының «Халықты ақпараттандыру және өтініштерді қарау» бөлімінің басшысы Дәурен Бурханов міндетті әлеуметтік медициналық сақтандыру (МӘМС) жүйесінің тиімділігін жан-жақты түсіндіру және МӘМС жарналарын дұрыс төлеу тәртібін түсіндіру “ҚТЖ-Жүк тасымалы” жауапкершілігі шектеулі серіктестігінің “Жамбыл” филиалы қызметкерлерімен, сондай-ақ Тараз қаласындағы мемлекеттік және жекеменшік мектептер мен балабақшалардың есепші-бухгалтерлерімен кездесу өткізді.
Кездесу барысында Дәурен Сәрсенбайұлы азаматтардың медициналық көмек алу тәртібі, сақтандырылған мәртебені сақтау және МӘМС жүйесіне қатысуға қатысты қойылған сұрақтарға жан-жақты жауап берді.
Сонымен қатар, МӘМС жарналарын уақтылы әрі ай сайын дұрыс аударудың маңыздылығына ерекше назар аударылды. Атап айтқанда, жарналар мен аударымдардың кешіктірілуі немесе қате төленуі азаматтың сақтандырылған мәртебесіне әсер етіп, медициналық қызметтерге қолжетімділікті уақытша шектеуі мүмкін екені түсіндірілді. Сондай-ақ, қызметкер ұзақ мерзімді еңбек демалысына шыққан жағдайда МӘМ жарнасы әр айға жеке-жеке төленуі тиіс екені түсіндірілді. Осыған байланысты жұмыс берушілер мен бухгалтерлерге төлемдерді белгіленген мерзімде және заңнама талаптарына сәйкес тұрақты түрде жүргізу қажеттігі атап өтілді.
Кездесу қорытындысында МӘМС жүйесінің жұмысшылардың денсаулығын қорғауға бағытталғаны және сапалы медициналық қызметтерге қолжетімділікті қамтамасыз етудегі рөлі ерекше екені айтылды.
