Автор: gpshu

МӘМС мүмкіндік береді

Posted on by gpshu
МӘМС мүмкіндік береді: қызылордалық отбасы баласының отасы мен оңалтуын Таразда өткізді
Қызылорда қаласының тұрғыны Қызжібек Мәжитқызының ұлы туғаннан әлсіз болып, тез шаршап қалатын. Дәрігерлер тексеру барысында балаға жүрек кемістігі (туа біткен жүрек ақауы) диагнозын қойған. Осыдан кейін анасы баласына сапалы медициналық көмек көрсету үшін қолайлы клиника іздей бастайды.
Нәтижесінде ол Тараз қаласындағы Ғылыми-клиникалық кардиохирургия және трансплантология орталығын таңдаған. Орталықтың білікті мамандары 2 жастағы балаға ота жасап, операция сәтті өткен. Бала сол орталықта екі рет оңалту шарасынан өткен.
– Дәрігерлерге алғысым шексіз. Баламның жағдайы жақсарып келеді. Бізге үлкен қолдау болды, – дейді Қызжібек Мәжитқызы.
Бұл жағдай МӘМС жүйесінің азаматтарға медициналық ұйымды өз қалауы бойынша таңдауға мүмкіндік беретінін көрсетеді. Пациенттер қажетті медициналық көмекті тек өз өңірінде ғана емес, еліміздің басқа қалаларындағы мамандандырылған орталықтардан да ала алады.
Айта кетейік, Қазақстанда 18 жасқа дейінгі балалар Міндетті әлеуметтік медициналық сақтандыру (МӘМС) жүйесінде мемлекет есебінен сақтандырылған.

Қан айналым жүйесі аурулары

Posted on by gpshu
Қан айналым жүйесі аурулары – жүрек пен қан тамырларының қызметінің бұзылуынан туындайтын дерттер тобы. Олардың қатарына артериялық гипертония, жүректің ишемиялық ауруы, инфаркт, инсульт, жүрек жеткіліксіздігі секілді аурулар жатады. Бұл аурулар бүгінде әлем бойынша өлім-жітімнің негізгі себептерінің бірі болып отыр.
🩺 Қан айналым жүйесі ауруларының пайда болуына дұрыс тамақтанбау, артық салмақ, қозғалыстың аздығы, темекі шегу, алкогольді шамадан тыс пайдалану, күйзеліс пен созылмалы шаршау әсер етеді. Сонымен қатар тұқым қуалаушылық та маңызды рөл атқарады.
⚠️ Аурудың алғашқы белгілеріне кеуде тұсының ауыруы, ентігу, жүрек қағысының жиілеуі, қан қысымының көтерілуі, бас айналу және тез шаршағыштық жатады. Мұндай белгілер байқалған жағдайда дәрігерге уақытылы қаралу өте маңызды.
🥗 Қан айналым жүйесі ауруларының алдын алу үшін салауатты өмір салтын ұстану қажет. Көкөніс пен жеміс-жидекті көбірек тұтынып, тұзды және майлы тағамдарды азайту, тұрақты дене белсенділігімен айналысу, зиянды әдеттерден бас тарту – жүрек саулығын сақтаудың негізгі жолдары.
🚶‍♂️ Күніне кемінде 30 минут жаяу жүру, таза ауада серуендеу және дене салмағын бақылау жүрек-қан тамырлары жүйесінің жұмысын жақсартады. Сондай-ақ қан қысымын, қандағы қант пен холестерин деңгейін тұрақты тексертіп тұру қажет.
🏥 Денсаулық – әр адамның ең басты байлығы. Сондықтан жүрек пен қан тамырлары ауруларының алдын алып, уақытылы тексеруден өту арқылы өз денсаулығыңызға жауапкершілікпен қараңыз. Емханада профилактикалық тексерулерден өтіп, дәрігер кеңесіне жүгінуді ұмытпаңыз.

Егер адам сақтандырылмаған болса, бірақ оған шұғыл медициналық көмек қажет болса не істеу керек?

Posted on by gpshu
Шұғыл медициналық көмек тегін медициналық көмектің кепілдендірілген көлеміне кіреді. Ол үшін сақтандырылған мәртебеcі қажет емес.
Бұл қызметтерге жедел жәрдем шақыру, жарақаттар, соққылар, күйіктер, жедел жағдайлар кезінде медициналық көмек көрсету кіреді. Қажет болған жағдайда шұғыл операция да жасалуы мүмкін.
Ал МӘМС жүйесіне жоспарлы түрде көрсетілетін медициналық қызметтер кіреді. Олардың қатарында бейінді мамандардың қабылдауы, диагностикалық зерттеулер, жоспарлы операциялар және оңалту қызметтері бар.

Емханадағы «Денсаулық мектептері»

Posted on by gpshu

Шу қалалық емханасында тұрғындар арасында салауатты өмір салтын насихаттау және аурулардың алдын алу мақсатында тұрақты түрде “Денсаулық мектептері” ұйымдастырылып келеді. Аталған шаралар аясында емхана мамандары тұрғындарға денсаулықты сақтау мен нығайту бағытында пайдалы ақпараттар береді.

👩‍⚕️ “Денсаулық мектептерінде” артериялық гипертония, қант диабеті, жүрек-қан тамыр аурулары, дұрыс тамақтану, дене белсенділігі және зиянды әдеттердің алдын алу тақырыптары кеңінен түсіндіріледі. Қатысушылар өздерін толғандырған сұрақтарын қойып, дәрігерлерден қажетті кеңес ала алады.

💙 Шара барысында медицина қызметкерлері әр адамның өз денсаулығына жауапкершілікпен қарауы маңызды екенін айтып, аурудың алдын алу — ұзақ әрі сапалы өмір сүрудің кепілі екенін түсіндіреді. Сонымен қатар, тұрғындарға профилактикалық тексерулерден уақытылы өтіп тұрудың маңыздылығы жеткізіледі.

📚 “Денсаулық мектептері” — халықтың медициналық сауаттылығын арттырып, денсаулық мәдениетін қалыптастыруға бағытталған маңызды бастамалардың бірі. Шу қалалық емханасы алдағы уақытта да тұрғындар үшін осындай пайдалы кездесулер мен түсіндіру жұмыстарын жалғастыра бермек.

 

Жастардың репродуктивті денсаулығы

Posted on by gpshu

Жастардың репродуктивті денсаулығы — болашақтың негізі. Өз денсаулығына жауапкершілікпен қарау, дұрыс ақпарат алу және қауіпсіз өмір салтын ұстану өте маңызды.

🔹 Жеке гигиенаны сақтау
🔹 Дұрыс тамақтану және спортпен айналысу
🔹 Зиянды әдеттерден аулақ болу
🔹 Қауіпсіз қарым-қатынас мәдениетін білу
🔹 Дәрігерге уақытылы қаралу

Денсаулық — сенің болашағың мен армандарыңа апарар басты қадам 💙

 

Асқазан мен ішек жолдарын зақымдайтын жұқпалы ауру

Posted on by gpshu
🦠 Жіті ішек инфекциялары (ОКИ) — асқазан мен ішек жолдарын зақымдайтын жұқпалы аурулар тобы. Бұл инфекциялар көбіне лас қол, сапасыз тағам, қайнатылмаған су және жуылмаған жеміс-көкөністер арқылы таралады. Әсіресе жаз мезгілінде және ыстық уақытта жиі кездеседі.
🤒 Жіті ішек инфекциялары (ОКИ) кезінде адамның дене қызуы көтеріліп, іші ауырады, жүрегі айнып, құсуы немесе іші өтуі мүмкін. Кей жағдайда әлсіздік пайда болып, ағза сусызданады. Мұндай белгілер байқалса, өздігінен емделмей, дәрігерге қаралған дұрыс.
💧 Аурудың алдын алу үшін қолды сабынмен жиі жуу, тек таза су ішу, тағамдарды дұрыс сақтау және толық піскен өнімдерді пайдалану қажет. Сонымен қатар көкөніс пен жемістерді мұқият жуып жеу маңызды.
🍎 Балалар жіті ішек инфекцияларына (ОКИ) өте сезімтал келеді. Сондықтан ата-аналар балалардың жеке гигиенасын қадағалап, көшеден келген соң және тамақ алдында қол жуу әдетін қалыптастыруы керек.
🏥 Денсаулық — ең басты байлық. Қарапайым тазалық ережелерін сақтау арқылы жіті ішек инфекцияларының (ОКИ) алдын алуға және өзіңізді әрі жақындарыңызды қорғауға болады.

Кене арқылы таралатын аса қауіпті жұқпалы ауру

Posted on by gpshu
🕷️ Конго-Қырым геморрагиялық қызбасы (КҚГҚ) – кене арқылы таралатын аса қауіпті жұқпалы ауру. Бұл ауру адам ағзасына көбіне кене шаққанда немесе ауру малдың қанымен байланыс кезінде жұғады. Ауру көктем мен жаз айларында жиі тіркеледі.
🌿 Кене көбіне мал жайылатын жерлерде, шөп арасында, қора-жай маңында кездеседі. Сондықтан табиғатқа шыққанда, мал бағу немесе шөп шабу кезінде сақтық шараларын сақтау өте маңызды. Денеге жабық киім киіп, арнайы қорғаныш құралдарын қолданған жөн.
🤒 Аурудың алғашқы белгілеріне дене қызуының көтерілуі, әлсіздік, бас ауруы, бұлшықет пен буындардың сырқырауы жатады. Кей жағдайларда мұрыннан қан кету, денеде көгерулер пайда болуы мүмкін. Мұндай белгілер байқалса, дереу дәрігерге қаралу қажет.
🏥 Конго-Қырым геморрагиялық қызбасының алдын алу үшін кене шаққан жағдайда уақыт өткізбей медициналық көмекке жүгіну керек. Кенені өз бетімен жұлып тастау қауіпті болуы мүмкін. Сонымен қатар мал қораларын тазалап, кенеге қарсы залалсыздандыру жұмыстарын жүргізу маңызды.
✅ Аурудың алдын алу – әр адамның өз денсаулығына жауапкершілікпен қарауынан басталады. Қарапайым сақтық шараларын сақтау арқылы өзіңізді және жақындарыңызды қауіпті инфекциядан қорғай аласыз.

Өмір үшін күрес: МӘМС аясында жағдайы ауыр науқасқа күрделі ота сәтті жасалды

Posted on by gpshu

Кардиохирургия және трансплантология ғылыми-клиникалық орталығында 1962 жылы туған Рабиға Жүнісбековаға аса ауыр диагноз — қолқаның ажырап жарылған аневризмасы (DeBakey IIIb), интрамуральды гематомамен асқынған жағдай бойынша шұғыл медициналық көмек көрсетілді.

Дәрігерлердің айтуынша, бұл патология адам өміріне қауіп төндіретіндіктен шұғыл хирургиялық ота жасауға тура келген. Күрделі ота орталықтың кардиохирургтары мен рентгенхирургтарының және Алматы қаласынан шақырылған маман —Бауыржан Ормановтың (проктор ретінде) қатысуымен жүргізілген.

«Пациенттің анамнезі күрделі болды. Атап айтқанда, ол ұзақ жылдар бойы артериялық гипертензиямен есепте тұрады. Оның үстіне бұған дейін жүрекке күрделі кардиохирургиялық операция (Bentall–De Bono), коронарлық шунттау және перифериялық тамырларға стенттеу жасалған. Сондай-ақ, науқаста жедел ми қан айналымының бұзылысы (инсульт) тіркелген. Жоғары хирургиялық қауіп факторларын ескере отырып, медициналық консилиум шешімімен эндоваскулярлық емдеу тактикасы таңдалды. Нәтижесінде қан тамырының зақымданған бөлігіне арнайы стент-графт орнатылды», дейді кардиохирург.

Отан қорғаушы күніне арналған салтанатты іс-шара

Posted on by gpshu
7 мамыр – Отан қорғаушы күніне орай емхана ұжымында салтанатты мерекелік іс-шара өтті. Мерекелік жиында ел тыныштығы мен халық амандығы жолында қызмет етіп жүрген азаматтардың еңбегі ерекше аталып, Отан алдындағы адал қызмет пен жауапкершілік ұғымының маңыздылығы кеңінен айтылды.
🎖️ Іс-шара барысында медицина саласында табанды еңбек етіп, ұжымның дамуына үлес қосып жүрген бірқатар мамандарға Алғыс хаттар мен өзге де түрлі марапаттар табысталды.
🌟 Мерекелік шара жылы лебіздер мен ізгі тілектерге ұласып, ұжым қызметкерлеріне көтеріңкі көңіл-күй сыйлады. Жиналғандар бір-біріне денсаулық, отбасылық амандық, ел игілігі жолындағы еңбекте табыс тілеп, мерекені ерекше ықыласпен атап өтті.

Қан қысымының тұрақты түрде жоғары болуы

Posted on by gpshu
🫀 Артериалдық гипертензия – бұл қан қысымының тұрақты түрде жоғары болуы. Әдетте қалыпты қысым 120/80 мм сын. бағ. шамасында болады, ал 140/90 мм сын. бағ.-дан жоғары көрсеткіш гипертензия деп есептеледі. Бұл ауру көбінесе «үнсіз дерт» деп аталады, себебі бастапқы кезеңдерде айқын белгілер байқалмауы мүмкін.
⚠️ Гипертензияның негізгі себептеріне тұқым қуалаушылық, артық салмақ, дұрыс тамақтанбау, тұзды көп қолдану, стресс, темекі шегу және қозғалыстың аздығы жатады. Сонымен қатар, бүйрек, жүрек немесе эндокриндік жүйе аурулары да қан қысымының көтерілуіне әсер етуі мүмкін.
💢 Аурудың белгілері ретінде бас ауруы, бас айналу, көздің қарауытуы, жүрек қағуы, шаршағыштық байқалуы мүмкін. Бірақ кейбір адамдарда ешқандай белгі болмай, тек тексеріс кезінде ғана анықталады.
🩺 Артериалдық гипертензияны уақытында емдемесе, ол инфаркт, инсульт, жүрек жеткіліксіздігі, бүйрек аурулары сияқты ауыр асқынуларға әкелуі мүмкін. Сондықтан қан қысымын тұрақты бақылау өте маңызды.
🥗 Алдын алу үшін дұрыс тамақтану, тұзды азайту, спортпен шұғылдану, зиянды әдеттерден бас тарту және стрессті азайту қажет. Дәрігердің кеңесі бойынша қажетті дәрілерді уақытылы қабылдау да маңызды рөл атқарады.
📌 Денсаулық – ең басты байлық. Қан қысымын бақылап, уақытында дәрігерге қаралу арқылы көптеген қауіпті аурулардың алдын алуға болады