Автор: gpshu

Репродуктивті денсаулық – болашақ ұрпақтың кепілі

Posted on by gpshu
Репродуктивті денсаулық – адамның дені сау ұрпақ әкелуіне, жүктілікті қауіпсіз жоспарлауына және жыныстық денсаулығын сақтауына мүмкіндік беретін маңызды жағдай. Ол әйелдер мен ерлердің денсаулығын қорғауды, отбасын саналы түрде жоспарлауды және ана мен бала денсаулығын нығайтуды қамтиды.
Репродуктивті денсаулықты сақтау үшін:
дұрыс тамақтану және белсенді өмір салтын ұстану;
зиянды әдеттерден (темекі, алкоголь және есірткі) бас тарту;
жеке бас гигиенасын сақтау;
қауіпсіз жыныстық мінез-құлықты ұстану;
профилактикалық медициналық тексерулерден уақытылы өтіп тұру қажет.
Әрбір адам өз денсаулығына жауапкершілікпен қарап, қажет болған жағдайда дәрігердің кеңесіне жүгінуі маңызды. Репродуктивті денсаулықты бүгіннен бастап қорғау – ертеңгі дені сау ұрпақтың негізі.

ТУБЕРКУЛЕЗ РАЗЛИЧНЫХ ОРГАНОВ

Posted on by gpshu
Туберкулез – это инфекционное заболевание, которое может поражать не только легкие, но и другие органы человека. Внелегочный туберкулез может развиваться в лимфатических узлах, костях и суставах, почках, оболочках головного мозга, кишечнике, коже и других органах.
Основные симптомы:
🔹 длительное повышение температуры тела;
🔹 слабость и быстрая утомляемость;
🔹 снижение аппетита и потеря массы тела;
🔹 ночная потливость;
🔹 боль и нарушение функции пораженного органа.
Диагностика внелегочного туберкулеза может быть затруднена, поэтому при появлении подобных симптомов необходимо своевременно обратиться к врачу.
Профилактика:
✅ своевременная вакцинация БЦЖ;
✅ полноценное питание и укрепление иммунитета;
✅ здоровый образ жизни;
✅ обследование после контакта с больным туберкулезом;
✅ регулярное прохождение профилактических медицинских осмотров.
Туберкулез – излечимое заболевание. Раннее выявление и полный курс лечения значительно повышают шансы на полное выздоровление. Берегите свое здоровье и не откладывайте визит к врачу при появлении первых симптомов!

ӘРТҮРЛІ АҒЗАЛАРДЫҢ ТУБЕРКУЛЕЗІ

Posted on by gpshu
Туберкулез – тек өкпені ғана емес, адам ағзасының басқа мүшелерін де зақымдайтын жұқпалы ауру. Өкпеден тыс туберкулез лимфа түйіндерінде, сүйек пен буындарда, бүйректе, ми қабықтарында, ішекте, теріде және басқа да ағзаларда дамуы мүмкін.
Негізгі белгілері:
🔹 ұзақ уақыт сақталатын дене қызуының көтерілуі;
🔹 әлсіздік, тез шаршағыштық;
🔹 тәбеттің төмендеуі, салмақ жоғалту;
🔹 түнгі тершеңдік;
🔹 зақымданған ағзаға байланысты ауырсыну мен қызметінің бұзылуы.
Туберкулездің өкпеден тыс түрлерін ерте анықтау қиын болуы мүмкін, сондықтан жоғарыдағы белгілер байқалса, міндетті түрде дәрігерге қаралу қажет.
Алдын алу шаралары:
✅ БЦЖ вакцинациясын уақытында алу;
✅ дұрыс тамақтану және иммунитетті нығайту;
✅ салауатты өмір салтын ұстану;
✅ туберкулезбен ауыратын науқастармен байланыста болған жағдайда тексеруден өту;
✅ дәрігер ұсынған тексерулерден уақытылы өту.
Туберкулез – емделетін ауру. Ерте анықталып, емді толық қабылдау арқылы сауығып кетуге болады. Өз денсаулығыңызға жауапкершілікпен қарап, алғашқы белгілер байқалған жағдайда медициналық көмекке жүгініңіз!

Пациент құқығы: Пациенттерді қолдау қызметі қалай жұмыс істейді?

Posted on by gpshu
Әрбір азамат сапалы және қауіпсіз медициналық көмек алуға құқылы. Бұл құқық Қазақстан Республикасының «Халық денсаулығы және денсаулық сақтау жүйесі туралы» Кодексінде бекітілген. Дегенмен, тәжірибе көрсеткендей, медициналық қызмет сапасына, қызмет көрсету тәртібіне немесе медициналық персоналмен қарым-қатынасқа қатысты сұрақтар туындап жатады.
Мұндай жағдайда пациенттердің құқығын қорғау үшін медициналық ұйымдарда Пациенттерді қолдау қызметі жұмыс істейді. Бұл қызмет әлеуметтік медициналық сақтандыру қорының Жамбыл облыстық филиалының бақылауында. Филиал директоры Ғайни Аймағанбетова атап өткендей, қызмет пациенттердің құқықтарын қорғауға және медициналық көмектің сапасын бақылауға бағытталған.
✅Қызметке келесі жағдайларда жүгінуге болады:
Медициналық көмектің сапасына қанағаттанбаған жағдайда;
Медицина қызметкерлерінің дөрекі немесе әдепсіз қарым-қатынасына тап болғанда;
Медициналық көмектің сапасы немесе көрсетілу тәртібіне қатысты өзге мәселелер туындағанда.
✅Пациенттерді қолдау қызметінің негізгі міндеттері:
Өтініштер мен шағымдарды жедел қарау;
Мәселелерді «Осы жерде және қазір» қағидаты бойынша шешу;
Құрылымдық бөлімше басшыларының уақытылы әрекет етуін қамтамасыз ету;
Өтініштерді комиссиялық тәртіпте объективті қарау.
Қор филиалы басшысы атап өткендей, барлық өтініштер қаралып, ресми жауап ұсынылады және пациенттердің құқықтары толық қорғалады.
Дереккөз: https://08info.kz/

Жасөспірімдер арасындағы туберкулездің алдын алу – әркімнің ортақ міндеті

Posted on by gpshu
Туберкулез – ауа-тамшы жолы арқылы таралатын жұқпалы ауру. Жасөспірімдердің иммунитеті әлсіреген жағдайда, дұрыс тамақтанбау, созылмалы шаршау немесе науқас адаммен ұзақ уақыт байланыста болу аурудың дамуына себеп болуы мүмкін.
Туберкулездің негізгі белгілері:
🔹 2 аптадан астам уақытқа созылған жөтел;
🔹 Дене қызуының көтерілуі;
🔹 Әлсіздік, тез шаршағыштық;
🔹 Түнгі тершеңдік;
🔹 Тәбеттің төмендеуі және салмақ жоғалту.
Осындай белгілер байқалса, өздігінен емделмей, міндетті түрде дәрігерге қаралу қажет.
Алдын алу шаралары:
✅ БЦЖ вакцинациясын уақытында алу;
✅ Дұрыс әрі құнарлы тамақтану;
✅ Таза ауада серуендеу және дене белсенділігі;
✅ Жеке бас гигиенасын сақтау;
✅ Жыл сайынғы профилактикалық медициналық тексеруден өту;
✅ Туберкулезбен ауыратын адаммен байланыста болған жағдайда дәрігердің кеңесіне жүгіну.
Туберкулез – дер кезінде анықталса, толық емделетін ауру.
Өз денсаулығыңызға жауапкершілікпен қарап, профилактикалық тексерулерден уақытылы өтіңіз!

МӘМС трансформациясы сандарда

Posted on by gpshu
Қазақстанда денсаулық сақтауды қаржыландыруды басқару қалай өзгеруде?
2026 жылдың бірінші жартыжылдығындағы негізгі көрсеткіштер мен нәтижелер және МӘМС 2.0 трансформациясының алдағы жоспарлары инфографикада.⏭️

Балалар арасындағы туберкулездің алдын алу – әр ата-ананың жауапкершілігі

Posted on by gpshu
Туберкулез – өкпені және басқа да ағзаларды зақымдайтын жұқпалы ауру. Бұл дерт ересектермен қатар балалар үшін де қауіпті. Балалардың иммунитеті толық қалыптаспағандықтан, олар инфекцияны жеңіл жұқтыруы мүмкін.
Туберкулездің негізгі белгілері:
• 2 аптадан астам уақытқа созылған жөтел; • дене қызуының ұзақ уақыт көтерілуі; • тәбеттің төмендеуі; • салмақ жоғалту; • әлсіздік, тез шаршау; • түнгі тершеңдік.
Алдын алу жолдары:
✅ жаңа туған нәрестеге БЦЖ вакцинасын уақытылы салдыру;
✅ баланың дұрыс тамақтануын және иммунитетін нығайтуды қамтамасыз ету;
✅ үй-жайды жиі желдетіп, тазалық сақтау;
✅ туберкулезбен ауыратын адаммен байланыстан сақтану;
✅ дәрігердің ұсынымы бойынша профилактикалық тексерулерден уақытылы өту.
Егер балаңызда жоғарыда аталған белгілер байқалса, өздігінен ем қолданбай, міндетті түрде дәрігерге қаралыңыз. Ауруды ерте анықтау – толық сауығудың басты кепілі.
Балаларыңыздың денсаулығын қорғаңыз! Уақытылы тексерілу – қауіптің алдын алады.

ЖІТІ ІШЕК ИНФЕКЦИЯЛАРЫ: АЛДЫН АЛУ – ДЕНСАУЛЫҚТЫҢ КЕПІЛІ

Posted on by gpshu
Жіті ішек инфекциялары – бактериялар, вирустар немесе паразиттер арқылы жұғатын жұқпалы аурулар. Олар көбінесе лас қол, сапасыз немесе дұрыс сақталмаған тағам, қайнатылмаған су, сондай-ақ жуылмаған көкөніс пен жеміс-жидек арқылы таралады. Әсіресе жаз мезгілінде бұл аурулардың таралу қаупі артады.
Негізгі белгілері:
🔹 іштің ауыруы;
🔹 жүрек айну және құсу;
🔹 іш өту;
🔹 дене қызуының көтерілуі;
🔹 әлсіздік, тәбеттің төмендеуі.
Бұл ауру балалар, қарт адамдар және иммунитеті әлсіреген жандар үшін аса қауіпті болуы мүмкін. Ауыр жағдайда ағза сусызданып, шұғыл медициналық көмек қажет болады.
Алдын алу жолдары:
✅ Қолды сабындап жиі жуыңыз, әсіресе тамақтанар алдында және дәретханадан кейін.
✅ Тек қайнатылған немесе қауіпсіз ауыз суды пайдаланыңыз.
✅ Көкөністер мен жемістерді мұқият жуыңыз.
✅ Тағамдарды толық пісіріп, дұрыс температурада сақтаңыз.
✅ Жарамдылық мерзімі өткен өнімдерді тұтынбаңыз.
✅ Көшеден және рұқсат етілмеген орындардан сатылатын тағамдарды сатып алмаңыз.
✅ Ас үй тазалығын сақтап, шикі және дайын тағамдарды бөлек ұстаңыз.
Егер іш өту, құсу немесе дене қызуы көтерілсе, өз бетіңізше емделмей, міндетті түрде дәрігерге қаралыңыз. Уақытылы көрсетілген медициналық көмек асқынулардың алдын алуға мүмкіндік береді.
💙 Денсаулығыңызды қорғаңыз! Тазалық ережелерін сақтап, қауіпсіз тағам мен сапалы суды тұтыныңыз.

ІШІМДІККЕ ТӘУЕЛДІЛІК – ДЕНСАУЛЫҚ ПЕН ӨМІРГЕ ТӨНГЕН ҚАУІП

Posted on by gpshu
Алкогольге тәуелділік – адамның алкогольдік ішімдіктерді жиі әрі бақылаусыз тұтынуынан туындайтын созылмалы ауру. Бұл тек адамның денсаулығына ғана емес, оның отбасы, жұмысы және қоғамдағы қарым-қатынасына да кері әсер етеді.
Алкогольді шамадан тыс пайдалану бауыр, жүрек-қан тамырлары жүйесі, асқазан-ішек жолдары мен жүйке жүйесінің ауруларына әкелуі мүмкін. Сонымен қатар, есте сақтау қабілетінің төмендеуіне, күйзеліс пен мазасыздықтың күшеюіне, агрессияның артуына себеп болады.
Ішімдікке тәуелділіктің негізгі белгілері:
🔹 алкогольге деген құмарлықтың күшеюі;
🔹 ішімдік мөлшерін бақылаудың қиындауы;
🔹 ішпеген кезде мазасыздық, ашушаңдық, қолдың дірілдеуі;
🔹 күнделікті өмірде алкогольдің басты орынға шығуы;
🔹 денсаулыққа және әлеуметтік мәселелерге қарамастан ішімдікті жалғастыру.
Алдын алу жолдары:
✅ Салауатты өмір салтын ұстаныңыз.
✅ Спортпен шұғылданып, белсенді демалысты таңдаңыз.
✅ Стресті алкогольмен емес, пайдалы тәсілдермен жеңуге тырысыңыз.
✅ Отбасыңызбен және жақындарыңызбен ашық қарым-қатынас орнатыңыз.
✅ Алкогольден толықтай бас тарту – денсаулықты сақтаудың ең тиімді жолы.
Егер өзіңізде немесе жақыныңызда алкогольге тәуелділіктің белгілері байқалса, уақытты жоғалтпай маманның көмегіне жүгініңіз. Ерте басталған емдеу мен психологиялық қолдау тәуелділікті жеңуге және қалыпты өмірге қайта оралуға мүмкіндік береді.
💙 Денсаулық – ең үлкен байлық. Өмірді таңдаңыз, зиянды әдеттерден бас тартыңыз!

МӘМС арқылы жекеменшік клиникада тегін ем: «Эскулап» пациенттерінің алғысы

Posted on by gpshu
МӘМС жүйесі енгізілгеннен бері тұрғындар медициналық көмекті тек мемлекеттік емханалардан ғана емес, сонымен қатар Әлеуметтік медициналық сақтандыру қорының жеткізушілер тізіміне енген жекеменшік клиникалардан да тегін ала алады.
📌 Жолдама қандай жағдайда беріледі?
Егер тіркелген емханада қажетті бейінді маман болмаса, диагностикалық жабдық жетіспесе, қабылдау кезегі бірнеше айға созылса, дәрігер еңбек демалысында болса немесе медициналық аппарат уақытша істемесе, пациентке МӘМС аясында басқа клиникаға жолдама беріледі.
Сондай-ақ, жоспарлы ота қажет болған жағдайда пациент Қордың жеткізушілер тізіміне енген жекеменшік клиникаға жолдама алып, операцияны МӘМС аясында тегін жасата алады.
🏥 Бүгін МӘМС аясында қызмет көрсететін «Эскулап» емдеу орталығы туралы айтамыз.
Мұнда жолдама мен медициналық көрсетілім болған жағдайда:
✅ Бейінді мамандардың кеңесін;
✅ Зертханалық және диагностикалық тексерулерді;
✅ Жоспарлы ауруханаға жатқызуды;
✅ Оталар мен отадан кейінгі бақылауды;
✅ Гинекологиялық және хирургиялық операцияларды;
✅ Лапароскопия мен гистероскопияны;
✅ Миома, киста, полип және басқа да ауруларды емдеуді МӘМС аясында тегін алуға болады.
«Эскулап» емдеу орталығында ем қабылдаған пациенттер дәрігерлердің кәсібилігіне, сапалы медициналық көмекке және мейірімді қарым-қатынасына жоғары баға беріп, алғыстарын жаудыруда.
📍 Естеріңізге сала кетейік, жолдама мен медициналық көрсетілім болған жағдайда аталған қызметтердің барлығы МӘМС аясында тегін көрсетіледі.
#МӘМСЖАМБЫЛ #ОСМСЖАМБЫЛ