Рубрика: Денсаулық сақтау жаңалықтары

МӘМС жүйесіндегі мәртебеңізді тексеріңіз!

Posted on by gpshu
Әлеуметтік медициналық сақтандыру қорына күн сайын МӘМС жүйесіндегі мәртебені тексеру және оны қалай алуға болатыны туралы сұрақтар келіп түседі.
Айта кетейік, «Сақтандырылған» мәртебесі автоматты түрде – келіп түскен төлемдер негізінде, оның ішінде жеңілдік санатындағы азаматтар үшін уәкілетті мемлекеттік органдардан түсетін төлемдер негізінде беріледі.
Төлемдер Мемлекеттік корпорация өңдегеннен кейін 3 жұмыс күні ішінде Қорға түседі. Сондықтан мәртебеңізді ауырмай тұрып бақылауда ұстау қажет.
❗️Есіңізде болсын: «сақтандырылған» мәртебесі соңғы 12 ай бойы үздіксіз төлемдер болған жағдайда сақталады.
Бір айға төлем жасалмаса, Сіз «сақтандырылған» мәртебесінен айырылып, МӘМС аясында медициналық көмекті дер кезінде алу мүмкіндігін жоғалтасыз.
Жұмыс берушілер төлемдерді аудару кезінде жиі қате жібереді – төлем кезеңін немесе тағайындау кодын дұрыс көрсетпейді. Нәтижесінде қызметкер сақтандыру мәртебесінен айрылады.
📌 Сондықтан өз мәртебеңізді келесі тәсілдер арқылы жиі тексеріп тұруды ұсынамыз:
• eGov.kz порталы арқылы – жеке кабинетіңізде МӘМС жүйесіндегі мәртебеңіз бен аударылған жарналар туралы ақпарат қолжетімді
• msqory.kz сайтында
• Telegram-дағы SaqtandyryBot арқылы
• Qoldau 24/7 мобильді қосымшасында
• банктердің мобильді қосымшаларында
📞 Анықтама үшін байланыс өмірлері:
8 (7172) 67-46-74 (ішкі нөмірлер: 2505, 2517, 2519, 2508, 2502) сондай ақ өңірлердегі филиалдардың байланыс нөмірлерін қордың ресми сайтынан көре аласыз.
#МӘМСЖАМБЫЛ #ӘМСҚЖАМБЫЛ

4 наурыз — Дүниежүзілік адам папиллома вирусымен (АПВ) күрес күні

Posted on by gpshu
Адам папиллома вирусы (АПВ) — жыныстық жолмен берілетін ең кең таралған инфекциялардың бірі.
АПВ-ның шамамен 200-ге жуық түрі бар. Олардың кейбірі жыныс аймағында сүйелдер тудырады, кейбірі ауыз қуысы мен тамақты зақымдайды. Ал 12 түрі жоғары онкологиялық қауіпке жатады. Ең қауіптілері — 16 және 18 типтері, олар көбінесе қатерлі ісіктің дамуына себеп болады.
Жағдайлардың 90%-ында ағза вирусты өздігінен жояды. Алайда қауіпті типтері ұзақ уақыт бойы сақталған жағдайда, қатерлі ісікке шалдығу қаупі артады. АПВ-мен байланысты онкологиялық аурулардың ішінде ең жиі кездесетіні — әйелдердегі жатыр мойны обыры.
АПВ-мен байланысты онкологиялық аурулардың алдын алу вакциналау арқылы мүмкін.
❗ Маңызды дерек: вакцина бар инфекцияны емдеу үшін емес, қатерлі ісіктің алдын алу үшін қолданылады.
👆АПВ-ның алдын алу туралы толығырақ ақпарат біздің инфографикалардан қарауға болады.
💙 Вакциналау, тұрақты скрининг және обырға дейінгі өзгерістерді уақытылы емдеу денсаулықты сақтауға және қатерлі ісіктің алдын алуға көмектеседі.

4 Наурыз — Дүниежүзілік семіздікпен күрес күні

Posted on by gpshu

2022 жылы бір миллиардтан астам адам, яғни әр сегізінші адам, семіздікпен өмір сүрген. 2,8 миллиард адамда артық салмақ болған. Бұл көрсеткіштер әлемнің көптеген елдерінде өсіп келеді.

Семіздік тек сыртқы келбет туралы емес. Дүниежүзілік денсаулық сақтау ұйымы (ДДСҰ) семіздікті созылмалы, қайталанатын ауру ретінде жіктейді. Ол 200-ден астам ауру қаупін арттырады, оның ішінде қант диабеті, жүрек-қан тамырларының аурулары және кейбір қатерлі ісік түрлері бар.

💡 Маңызды дерек:
Семіздік генетика, мидың жұмысы, тамақтану әдеттері, физикалық белсенділік, салауатты тамаққа қолжетімділік, нарықтың ықпалы және өмір сүретін ортаның әсерінен туындайтын күрделі процесс.

Жеке деңгейде семіздіктің алдын алу үшін үйлестірілген тағамды мен тұрақты физикалық белсенділікті қосу маңызды. Сонымен қатар қауіпті азайту үшін:
✔ экран алдында өткізілетін уақытты шектеу
✔ жеткілікті ұйқы
✔ эмоцияларды басқару да маңызды.

Қазақстанда, жәңе басқа елдерде де, балалар семіздігі мәселесі өте өзекті. Ата-аналарға балаларға салауатты әдеттерді ерте жастан үйрету маңызды. Толығырақ кеңестер мен ұсынымдарды жоғарыдағы инфографикалардан қарауға болады.

💚 Естеріңізде болсын, денсаулыққа қамқорлық — бұл мінсіз дене туралы емес, бұл күнделікті саналы таңдау. Кішкентайдан бастаңыз: көбірек қозғалыс, салауатты тамақ және өзіңізге көңіл бөлу

МӘМС аясында оңалту көмегі ақысыз көрсетіледі

Posted on by gpshu
Тараз қаласының тұрғыны Айгүл Байдашева былтыр тізе буынына эндопротездеу отасын сәтті жасатқан. Отадан кейін ол өзі тіркелген қалалық №5 қалалық емханада оңалтудан бірнеше рет өткен.
«Құдайға шүкір, аяғыма жасатқан отам сәтті өтті. Енді емдік оңалту шараларым жоғары деңгейде өтіп жатыр. Жақында санаторийге жолдама алып, жақсы ем алып келдім. Барлық ақ халатты абзал жандарға алғысым шексіз»,-дейді пациент.
Дәрігер ребилитолог Райхан Қойтбаеваның айтуынша, пациентке бекітілген клиникалық хаттамаға сәйкес ем тағайындап, қажетті оңалту емдік шараларды жүргізілуде. Қазіргі таңда пациенттің денсаулық жағдайы біртіндеп жақсарып келеді.
Айта кету керек, барлық емдік процедуралар міндетті әлеуметтік медициналық сақтандыру (МӘМС) жүйесі аясында толық қаржыландырылды.

АИТВ / ВИЧ – адамның иммун тапшылығы вирусы

Posted on by gpshu
АИТВ / ВИЧ – адамның иммун тапшылығы вирусы. Бұл вирус иммундық жүйені әлсіретеді, сондықтан дене түрлі инфекцияларға және ауруларға қарсы төзімділігін жоғалтады.
⚠️ Қалай беріледі:
🔹 Қорғалмаған жыныстық қатынас арқылы
🔹 Қан және қан өнімдері арқылы
🔹 Анадан балаға (жүктілік, босану, емшек сүті)
❌ Қалай берілмейді:
🚫 Қол алысып, құшақтасып
🚫 Қоршаған ортада, тамақ немесе сусын арқылы
🚫 Жеке гигиена құралдарын ортақ пайдаланған кезде
⚠️ Белгілері:
🩸 Алғашқы кезеңде көбіне белгілері болмайды
🤒 Жеңіл дене қызуы, шаршау, тершеңдік
🦠 Кейін иммунитет төмендеп, жиі аурулар пайда болады
🛡 Алдын алу жолдары:
✅ Презерватив қолдану
✅ Қан және медициналық құралдарды қауіпсіз пайдалану
✅ Белсенді жыныстық қатынаста тексеруден өту
✅ Ата-ананың АИТВ статусын білу (жүктілік кезінде)
👩‍⚕️ Ерте анықтау – тиімді емнің кілті. Уақытылы тексеру өмірді сақтайды!

Жыныстық жолмен жұғатын инфекциялар

Posted on by gpshu
Жыныстық жолмен жұғатын инфекциялар – қорғалмаған жыныстық қатынас арқылы берілетін жұқпалы аурулар. Олар ерлер мен әйелдердің репродуктивті денсаулығына кері әсер етуі мүмкін.
Ең жиі кездесетін инфекциялар:
• АИТВ инфекциясы
• Мерез
• Гонорея
• Хламидиоз
• Трихомониаз
• Адам папиллома вирусы (АПВ)
⚠️ Белгілері:
🔹 Жыныс жолдарынан бөлінді
🔹 Қышыну, ашыту
🔹 Зәр шығару кезінде ауырсыну
🔹 Төменгі іштің ауыруы
🔹 Кей жағдайда еш белгісіз өтуі мүмкін
❗ Маңызды: Кейбір инфекциялар симптомсыз өтеді. Сондықтан жылына кемінде 1 рет тексеруден өту ұсынылады.
🛡 Алдын алу жолдары:
✅ Презерватив қолдану
✅ Бір тұрақты серіктеспен болу
✅ Кездейсоқ қатынастан бас тарту
✅ Уақытылы медициналық тексерілу
✅ АПВ-ға қарсы вакцинация
👩‍⚕️ Ерте анықтау – тиімді емнің кепілі. Өз денсаулығыңызға жауапкершілікпен қараңыз!

ҚЫЗЫЛША – ЖАЙ ҒАНА БӨРТПЕ ЕМЕС!

Posted on by gpshu
Қызылша – ауа-тамшы жолы арқылы өте жылдам таралатын жұқпалы ауру. Оны вирус тудырады. Ауру әсіресе балалар үшін қауіпті, бірақ екпе алмаған ересектер де жұқтыруы мүмкін.
❗ Белгілері:
✔ жоғары температура
✔ жөтел, мұрыннан су ағу
✔ көздің қызаруы
✔ денеде бөртпенің пайда болуы
Қызылша асқынған жағдайда өкпе қабынуына, құлақтың қабынуына, тіпті ми қабынуына (энцефалит) әкелуі мүмкін.
💉 Қорғанудың ең тиімді жолы – вакцинация!
Қазақстан Республикасының Ұлттық егу күнтізбесіне сәйкес қызылшаға қарсы вакцина 2 рет егіледі:
📌 1 жаста
📌 6 жаста
Вакцина қауіпсіз, тиімді және иммунитет қалыптастырады.
Өзіңізді және балаларыңызды қорғаңыз! 🤍
Екпе бойынша толық ақпарат алу үшін тіркелген емханаңызға хабарласыңыз.

МӘМС бойынша чек-аптан өтуге бола ма?

Posted on by gpshu
Бұл — пациенттер тарапынан жиі қойылатын сұрақтардың бірі. МӘМС жүйесінде сақтандырылған азаматтар дәрігердің жолдамасы болған жағдайда медициналық қызметтердің кең спектрін ала алады.
🩺Кешенді профилактикалық тексеру пациенттің тіркелген жері бойынша емханада жүргізіледі. «Сақтандырылған» мәртебесі бар азаматтарға мамандардың кеңесі, зертханалық талдаулар және диагностикалық зерттеулер медициналық көрсеткіштер бойынша ақысыз көрсетіледі.
Денсаулық – ең үлкен байлық 🤍
✅Сондықтан өздеріңізді күтіңіздер, уақытылы тексеруден өтіңіздер

Адам папиллома вирусы (АПВ) – өте кең таралған вирустық инфекция

Posted on by gpshu
Адам папиллома вирусы (АПВ) – өте кең таралған вирустық инфекция. Ол тері мен шырышты қабаттарды зақымдайды және көбіне жыныстық жолмен беріледі.
📌 Қалай жұғады?
– Қорғанусыз жыныстық қатынас кезінде
– Тері мен шырышты қабаттың тікелей жанасуы арқылы
– Сирек жағдайда тұрмыстық жолмен
⚠️ Қауіптілігі неде?
АПВ-ның 200-ден астам түрі бар. Олардың кейбірі қауіпті емес (сүйел, папиллома тудырады), ал кейбір жоғары онкогенді түрлері:
– жатыр мойны обырына
– анус, ауыз қуысы, көмей обырына себеп болуы мүмкін.
👩‍⚕️ Әсіресе әйелдер үшін қауіпті, себебі АПВ жатыр мойны қатерлі ісігінің негізгі себебі болып саналады.
🔍 Белгілері:
– Жыныс мүшелері аймағында сүйелдер
– Көп жағдайда ешқандай белгісіз өтеді
💉 Алдын алу жолдары:
✅ Вакцинация (ең тиімді әдіс)
✅ Қорғаныс құралдарын қолдану
✅ Тұрақты медициналық тексерілу (ПАП-тест)
✅ Иммунитетті нығайту
📅 Вакцина жасөспірім қыздар мен ұлдарға ұсынылады. Ерте жасалған вакцина болашақта қатерлі ісіктің алдын алуға көмектеседі.
Денсаулығыңыз – өз қолыңызда! ❤️

Студенттердің МӘМС жүйесіндегі мәртебесі

Posted on by gpshu
Студенттер «сақтандырылған» мәртебесінің жоқтығын айтып Қорға жиі жүгінеді.
❗️Түсіндіріп өтейік:
Егер сіз күндізгі бөлімде оқитын студент болсаңыз – МӘМС жүйесінде жеңілдік санатындағылар тізіміне кіресіз. Сіз үшін жарналарды мемлекет төлейді, яғни өз қалтаңыздан төлемейсіз.
Сондай-ақ, күндізгі бөлімде оқып жүріп, жұмыс істесеңіз, жұмыс беруші сіз үшін аударымдар төлеуден босатылады.
Бұдан бөлек, жеке кәсіпкер болсаңыз және күндізгі бөлімде оқып жүрсеңіз, МӘМС жарналарын төлеуден босатыласыз.
Айта кетерлігі, Қор жеңілдік санатын бермейді. Тізім Еңбек және халықты әлеуметтік қорғау министрлігінің деректері негізінде, Ғылым және жоғары білім министрлігінің ақпараттық жүйесінен алынған мәліметтер арқылы қалыптастырылады.
Жарналар бойынша қарызды болдырмау және «сақтандырылған» мәртебесін сақтау үшін Telegram-дағы SaqtandyryBot арқылы жеңілдік санатының бар-жоғын тексеріп отыруды ұсынамыз. Егер жеңілдік санаты шықпаса, деректерді мемлекеттік ақпараттық жүйелерге дұрыс енгізу үшін өз жоғары оқу орныңызға жүгініңіз.
Шетелде оқитын студенттер «сақтандырылған» мәртебесін алу үшін egov.kz порталында өздігінен тіркеледі.